ّ

لأ اجيد المقدمات

[ّ @srmd0_]

ياربي كان ضعف النفس ضيّع بالردي مبداه
تولانا بلطفك لا انتخلّا عن مبادينا

[ّ @srmd0_]

ضغوطات وقت ودبك خيل ومقابع حرب
يا كيف انتصر فيها وأنا واصلٍ حدي

[ّ @srmd0_]

أحلامي الواقفة في صالة الإنتظار !
يؤسفني إنّك ماراح تكون من ضمنها

[ّ @srmd0_]

رغم الثقة تعتريني شكة المستريب
واقول جعل الليالي بالجهل ما تدور

ياوجدي ان عود المألوف مثل الغريب
ذي والله الحاجه اللي تستفز الشعور

[ّ @srmd0_]

في متاهات الخيال أسج بـ العمر المولّي
يوم أشوف إن الحياه إرهاق والواقع دعايه

[ّ @srmd0_]

الهقاوي حملها أثقل من جبال السّرات
لا تعلقها على اللي ماهوب كفو لها

[ّ @srmd0_]

غايتي فالأرض مَعك ورغبتي وآمالي
ماوراك من النعيم إلا نعيم الجنّه

[ّ @srmd0_]

الفضولي لا يحسب ان الفضوليّه فضيله
ويتوارى في عباة الزيف بالحكي المنمّق
ㅤㅤ
العلاقة في حدود المعرفة جداً جميله
لجل ماتخسر علاقة .. فالعلاقة لا تعمّق :)

[ّ @srmd0_]

جعل نصري ب آخر المشوار يركز في الثريّا
لو ثلاث ارباع عمري الأوله .. راحت هزايم !

[محمد ظافر @ip1616_]

أنا رهين الضيقه إللي ما تروح
و النوم لي مدّه ماغير أصايده

لو إن ماعندي على الدنيا طموح
يمكنّي أشوف البسيطه .. كايده

أكثر معاناتي من الوجه السموح
لين إقتنعت إن الزلل .. عوايده

لو الجروح تباع يا كثر الجروح
إللي .. بعيّن من وراها فايده ):

[ّ @srmd0_]

أحاتي القدا وأخاف لا أصير دون الظن
هقاوي الرجْال أثقل عليّ من جمايلها

[ّ @srmd0_]

رفيقي على شرهاتك الواجده لا باس
مشاليني انك تذكر ايامنا الحلوه

من تلاوعه كثر التفاكير والوسواس
يجنب عن الانظار ويوالف الخلوه

[ّ @srmd0_]

صدوف الليالي مدرسة والحياة ظروف
ولا فيه شي أحلى من الطيب في حِلّه

لا تندم على المعروف يا راعي المعروف
ليا ضاع عند الناس ما ضاع عند الله

[ّ @srmd0_]

عن مغريات الحياه أقفيت بالكامل
يا رجل للي يبيّض وجهي أتجهي

أعامل ظروف وقتي كني أعامل
مجنون وموجّه البندق على وجهي

[ّ @srmd0_]

لا تطري الحب ويضيق المكان الرحيّب
ولا تسرق إعجابي بطبعك ولا مواخذه
⠀
أخاف لا أعشق تفاصيّلك وأشوفك حبيب
وأحط قلبي على كفي .. ولا تاخذه :)

[ّ @srmd0_]

صدقني حتى المختلف بعض الأحيان
لا حاول إنه يختلف .. صار عادي 😁

[ّ @srmd0_]

أناضل ورى الأنجاز وأصبر على الأخفاق
لكن مستحيل أحط الأيام .. شمّاعه

تشيّمت لا أرجي الخلق وأنا أعبد الخلاّق
عسى الله يثبّتني على العز و الطاعه

[ّ @srmd0_]

لا تغبط اللي يهرول ورا حبّ الظهور
اغبط العاقل لو ان منزله ظلّ شجره

[ّ @srmd0_]

أبتسم في وجه الايام لو مابه حصيل
خاطر الطيّب ما كل الظروف إتكدره

[ّ @srmd0_]

لا بذلنا الجهد قلنا عسى الجهد مخلوف
وسدنا ماهوب يبدا على هذا وذا

ولا عطينا ما نلحق عطايانا حسوف
وندري إن لله ما عطا ولله ما خذا