خالد الجاسر

شاعر على قد الشعور .

[عمر الهيت @3alheet]

جديدة :
اشوف الظلم من كل الجِهات ولا ادّعيت الظلم

[خالد الجاسر @srmdy]

💛💛

[عبدالعزيز العبلان @azizalablan]

على وجهك اللي نوره يقدّي السارين
ملامح فراق .. ونيةٍ مابعد بانت

تكبَّر ماكن الله عطا الناس مثلك زين
وأشوفك بعينٍ منْك .. ماكنها عانت

حقيقة غلاك أكبر من الظن والتخمين
تهون الجروح .. ونظرتي فيك ماهانت

مصير الزمن لا دار .. كانك من الحيين
يعلمك أنا وش كنت ، والناس وش كانت

[حمد العيباني @3IBANI]

ما استغني عن تصويتكم ودعمكم في نهائي شاعر المليون على الرابط التصويت اخوكم حمد محيا العيباني

https://t.co/0Uj4xhH4B3

[حمد العيباني @3IBANI]

قصيدتي في مرحلة 24
#شاعر_المليون_12

[خالد العراك @9z80k]

،
،
حشى .. ما جيت اخط الي تمنيته ، واحذف الكاس
لعمري .. كنت اسوق احلام عمري ، وأحذف سنيني

واخايل واتخير وسطها .. مْن الدر والالماس
على ما يملي احساسي عليك .. وتشتهي عيني

[خالد الجاسر @srmdy]

@3IBANI فالك التوفيق يابو خالد وتستاااهل

[حمد العيباني @3IBANI]

ترقبوني في مرحلة ال ٤٨ في شاعر المليون الموسم ١٢
واسأل الله التوفيق لي ولزملائي المبدعين

#شاعر_المليون_١٢
#شاعر_المليون
#صح_لسانك
#قصيدنا_واحد

[صاهود زيد @SahoudZaid]

النص الكامل المشارك في تصفيات شاعر المليون

- أهديكم قصيدة (حادي الغيم)

[عبدالعزيز العبلان @azizalablan]

رح الله لا يسامح وحشةٍ تطريك
كثر ماقل وصلك .. قل تقديرك

أنا : مهما فقدت اللي لقيته فيك
أبلقى اللي لقيته فيك - في غيرك

[مطلق الجبعاء @aljabaa50]

مرثية في أخي وأبن عمي
شقير بن سلطان الجبعاء الدويش

عسى الله يقبله في عليين مع الأنبياء والشهداء والصديقين

جعل مقبرة النسيم الشمالية
للمزون اللي تطوّل مناقعها

ووبل صيفية وودان وسمية
والخزامى بأرصفتها وشارعها

[عبدالعزيز العبلان @azizalablan]

أوراق الجرايد

ـــ

العزا فالشاعر إن مات ، أشد من الممات
كل مايكحل سنا الشمس ؛ ناظرها الرمد

تحسبون الشاعر إنسان ، والشاعر حياة
لو يموت بكل ليلة .. وليلة ينولد

[مطلق الجبعاء @aljabaa50]

عشان كذا قلت :

تذكركْ الأيام يا قلب ٍ نستهْ القلوب
شجرة ذبحها الجفاف ومدّت ظلالها

قالت : ترا أنت ، وأنهلّت غمامة عيوب
وصد ومعه حجةٍ ترضي ولا قالها

[مزيد الوسمي @mzed_9]

ياصاحبي مهما لحقني ما عليش
ماطاح لك من سدي الا ما عمر

مجري اقدامك على الدرب الوحيش
ومعلق امالك على سطح القمر

وانا خويك عقل عقل وطيش طيش
تبي كذا ولا كذا تامر امر

اما غبشناهم مغابيش الدويش
ولا هجد��اهم هجاد ابن عمر

ارخصت لك ماء وجهي اللي مايطيش
الا على اللي فيه حلو وفيه مر

مرٍ تقول من الجفا مافيه ليش
وحلوٍ تقول اكيد مره في العمر

انت استرح واليا كتب ربي نعيش
ف انا على هقوة جنابك مستمر

غشيت لك حتى هل القلب الغشيش
ومررت شيٍ مستحيل انه يمر

اميّز الوجه الطليق من الخريش
بأهون وسيله كنهم بيض وسمر

اللي ليا جيته يقول العلم ويش ؟
كنه يقول ابغي لكن مالله ومر

ما امحق من اللي فزته فزة كديش
الا الكديش اللي لا فز ولا طمر

[العـاهل @all_3jmii]

الغلا إللي كنت أخاف انه يعدّي ؟ .. عدّا
أسرع من الليله إللي .. مستحيل أنساها

_ مزيد الوسمي

[أيمن الرويلي @ARowili]

عشت ياراسٍ يشوف الموت ماشاف الغليبة
لك علي اني ماسلّمك الثرى وأركع لضيقي

ماني بصيدٍ سهل حتى لـ الايام الصعيبة
جفّ ريق عزومها منّي وانا ماجفّ ريقي

عاد لاحط الزمن راسه براسي لاغريبة
الطريق اللي ماهو ووعر وشقي ماهو طريقي

ياملحّقني كلام مسامحك عن كلّ غيبة
قبلك اللي دوروا للنور من لمعة بريقي

أدري انك مستحيل تْحسّ في حجم المصيبة
عشت لارجالٍ مْقدّر .. ولاشاعر حقيقي

عادني تحسب من الشعار وتحصّل حبيبة
انت أقلّ مْن انّي أتبناك واحطّك صديقي

[خالد الجاسر @srmdy]

@hamadal3id مبروك يابو عيد
والله يوفقك ويتمم لك على خير

[أيمن الرويلي @ARowili]

حزين ان الستاير واقفة ماتشكر الشبّاك
على صفق الهبايب وقفة الشبّاك تعنيني