عن ضجيج الناس والمجتمع جاني جفال
كن ما ذولا بـ ناسي ولا ذي بـ بلدي
ㅤ
الهروب احيان نوع من انواع النضال
لاوطت رجلك طريق الضياع السرمدي
ㅤ
جيت محتاجك وفيني كلامٍ ما يقال
اتعزز وارفع الصوت وامشي و اعدي
ㅤ
حطني في وجه حضنك من صدوف الليال
تايهٍ لا اخطيت من ضمتك وين آغدي
ماعادني بالحشيم الهادي الليّن
اركى علي الزمان وثقلت متوني
يارب هذا التعب بالوجه لا يبيّن
وش عذري من الشموخ إليا انخطف لوني
وانا ان شكى لي صديقي همه الهيّن
بانت على حد رمشي دمعة عيوني
الشوارع كئيبة والمدينة - تحيّر
والقلق منتشر بين البشر والمباني
أختفي ، وأتضايق ، وأحترق ، وأتغيّر
في مكاني وأحسّ إني ماني في مكاني
ليت الأيام ترجع بي يوم إنّي صغيّر
للهوى ، للفيافي ، للصبا ، للأماني
الشغف قلّ والعمر القصيّر.. قصيّر
غير هذا العمر محتاج لي عمر ثاني
أن كان مالك نفس قلي ومسموح
ولا تكرهني بنفسك وانا اغليك
الروح ما تجبر على معرفة الروح
فكر وعطني صامل العلم واعطيك
إن ما حصل مابيننا ضحك ومزوح
بالغصب ماني يا أريش العين باغيك
ما ابيك تنهي صادق الحب بجروح
ابذكرك بالخير… لاحل طاريك
حيل الله أقوى مابقى في يدي شيّ
مافيه حل ٍ في يدي . . ماذخرته
حاولت .. لكن المحاصيل هيّ هيّ
الطير طار ولا بقي . . الا شجرته
وقفّت أشوف شويّ وأغمّض شويّ
واللي أنكسر في خاطري ماجبرته
لين الحقت شمسي على بارد الفيّ
وشفت أن كل اللي جمعته خسرته.
ابرحل عن تهاتيه الحياة الي بدون دروب
على درب لو يتعب عزومي ... مايتعبني
انا ماكنت لابين ولا واضح ولا مرغوب
ولا حتى القصيد الي كتبته كان يكتبني
وانا ياحظي ابيض وجه وقلب وابيض ثوب
لكن اشره على سود الليالي ... لا تعاتبني
اللهم لا تضعني في ابتلاءٍ يضعف قلبي، ولا في طريقٍ تفوق مشقته قدرتي، ولا تحملني من الأوجاع ما لا أُحسن احتماله. يا رب، هوّن عليّ ما أخشاه، وارزقني صبرًا لا ينفد، ولطفًا يسبق خوفي، ولا ترني في نفسي أو أحبتي بأسًا يبكيني.
﴿فَدَعَا رَبَّهُ أَنِّي مَغْلُوبٌ فَانْتَصِرْ﴾
يا رب، لقد ضاقت بي الحيلة، وأثقل قلبي ما لا يعلمه سواك، وعجزت عن إصلاح ما يؤلمني، ولم يعد لي إلا بابك. اللهم إني مغلوب فانتصر، ومكسور فاجبر، وحائر فدلّني، فلا تتركني لضعفي، واجبرني جبرًا يليق بعظيم قدرتك ورحمتك.
كل يوم أدرك أكثر أن الصبر من أصعب العبادات؛
أن تنتظر أمرًا لا تعرف كيف ستكون نهايته،
ولا تملك له حلًا سوى الدعاء،
وحُسن الظن بالله، والتوكل عليه،
موقنًا أن ما دام الله يراك، فلن يضيع صبرك.
﴿وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا﴾
بتعدي وراح تصير أقوى
يمكن محد يدري وش قاعد تمر فيه الحين ويمكن حتى أقرب الناس لك ما يعرفون حجم التعب اللي بداخلك ولا كمية الأفكار اللي تشغل بالك ولا الليالي اللي قضيتها وأنت تحاول تطمن نفسك إن كل شيء بيكون بخير
يمكن وصلت لمرحلة صرت تحس فيها إنك تعبت من الصبر ومن الانتظار ومن كثرة المحاولات وإن الأشياء اللي كانت تفرحك قبل صارت عادية وإن أبسط المسؤوليات تحتاج منك مجهود كبير
لكن أبي أقول لك شيء
المرحلة الصعبة اللي تعيشها اليوم ماهي بالضرورة نهاية الطريق ولا هي الصورة النهائية لحياتك
ترى الحياة تتغير والظروف تتبدل والأيام اللي نحسب إنها مستحيل تمر تصير مع الوقت مجرد ذكريات نحكيها ونستغرب كيف قدرنا نتحملها
يمكن الحين تشوف الدنيا ضيقة من كل اتجاه وتحس إن الحلول بعيدة وإنك كل ما حاولت ترتاح جاء شيء جديد يتعبك
لكن لا تحكم على مستقبلك من خلال أصعب يوم في حياتك ولا تقيس قدرتك على الاستمرار بمقدار الطاقة اللي عندك اليوم
الإنسان تمر عليه فترات يضعف فيها ويتعب ويحتاج يرتاح وهذا شيء طبيعي لأننا بشر ولنا طاقة وحدود ومشاعر
والقوة الحقيقية ماهي إنك تظل متماسك طول الوقت ولا إنك تخفي حزنك عن الناس وتتصرف كأن كل شيء طبيعي
القوة أحياناً إنك تعترف بتعبك وتعطي نفسك فرصة ترتاح وتطلب المساعدة إذا احتجتها وتبدأ من جديد حتى لو كانت خطواتك بسيطة
لا تستعجل التعافي ولا تضغط على نفسك عشان ترجع مثل أول بأسرع وقت
بعض التجارب تحتاج وقت عشان نستوعبها وبعض الخسارات تترك أثر ما يختفي بسهولة وبعض الجروح نتعلم نعيش معها قبل ما يخف وجعها
وما فيه شيء يلزمك تكون أقوى كل يوم
يكفي إنك تحاول بالقدر اللي تقدر عليه وإنك ما تقسو على نفسك بسبب ظروف خارجة عن إرادتك
ومع مرور الأيام يمكن تكتشف إن بعض الأشياء اللي كانت تخوفك صرت تعرف كيف تتعامل معها وإن المواقف اللي كانت تكسرك صارت تعلمك كيف تحمي نفسك وتحافظ على هدوئك
ويمكن تكتشف بعد إن القوة ماهي دائماً في تحمل المزيد لكنها أحياناً في معرفة متى تتوقف ومتى تبتعد ومتى تختار راحتك
يا صديقي
لا تفقد الأمل لمجرد إن الطريق طال ولا تعتقد إن تأخر الفرج يعني إنه مستحيل يجي
خذ بالأسباب واستعن بالله وخل عندك يقين إن الأيام تتغير وإن الضيق مهما طال ما يعني إن حياتك كلها بتكون ضيقة
وإذا كان اليوم ثقيل عليك فلا تحمل نفسك هم بكرة كله
عش يومك على قدر استطاعتك واهتم بصحتك وخل لنفسك مساحة تتنفس فيها ولا تقارن رحلتك برحلة أحد
وتذكر إنك ما تحتاج تنتصر على كل ظروفك دفعة وحدة يكفي إنك تتعامل مع كل يوم بما تملك من صبر وقدرة
بتعدي بإذن الله ويمكن ما ترجع نفس الشخص اللي كنت عليه قبل
يمكن ترجع أكثر وعياً وأهدأ في قراراتك وأعرف بقيمة نفسك وأقدر على التمييز بين الأشياء اللي تستحق تعبك والأشياء اللي الأفضل تتركها
وحتى لو بقي أثر بعض التجارب في قلبك فهذا ما يمنع إنك تعيش أيام جميلة من جديد
بتعدي وراح تصير أقوى لكن لا تنسى تكون رحيم بنفسك وأنت تحاول تتجاوزها
أعيش في حالة استنكار ذات وشعور
و وصلت نقطه غريبة .. ما تصوّرتها
أحس روحي لحقها قِل جهد وفتور
من كثر ما احترت في احلامي وحيّرتها
أنا قبل ساعتين، وعام، وأربع شهور
نفذت من غلطة "الشاطر" وكرّرتها
ماذبحنا الا مكابرنا وكبر اسمانا
والفعول الي مسطرها لنا ماضينا
لابغينا نشتكي للناس من دعوانا
عزة النفس العزيزة ماهي بـ تخلينا
لَا رضِينا غنّوا العالم على ليلانَا
و إن زعلنا مَا لقينا اللّي يجي يرضينا
الاقيك في مطلع قصيدة ونسمة نود
وفي البدر لا ضوّى .. وفي الورد لا ندّى
وفي كل طرف ادعج وفي كل ضامر عود
وفي وجه من لبّى وفي صوت من فدّى
وفي حلمي الغادي وفي نصفي المفقود
وليل هقيت انه يعدّي .. ولا عدّى.
المرجله تبغى من يحط ويشيل
وياقف على ساقه ويدحم بزنده
فـ اليا تجاهل نخوتك بارد الحيل
صوّت على كساب الامداح وانده
والله ما يملى عيون الرياجيل
( الا صبيٍ ياقف العلم عنده ) .
سود الليالي هيّنه لاتحاتين
إذا على سود الليالي عوافي
يخوّفك درب الشقى لاتخافين
لاصرت أنا ماني بموجود خافي
على هواك وسوي اللي تسوين
أنا بوجه الضيم وأنتي خلافي .