™

[™ @t5nox]

@s_t_4_9 عندنا كان واحد من الشيبان يعامل المسجد معاملة مجلسه، لدرجة يطفي المكيفات والناس تصلي
المهم في ٣ اطفال اثنين منهم اخوان و ولد عمهم ما شاء الله قل حركتهم بالصلاة عجيب
بيوم وهو جنبي قال لهم ارجعو، قلت له سبقو غيرهم للاجر كيف تحرمهم منه؟
من يومها صار مايكلم ولا طفل، حط حرته بالمكيفات

[™ @t5nox]

@l1h1b اسعاره مستوحاه

🤣🚶🏻‍♂️

امزح امزح (منتجات اصلية بالسعر الاصلي)
الناس ماتفهم بالسوق، المورد اذا اتفق معك تبيع بتارقت معين في وقت معين، بيعطيك بونص وسعر تكلفة الواحد يحلم بهم، وهذول يقولون غسيل اموال يقولون يبيع بخساره وكل هالتشويه عشان مادفع لرقاصات ولا دفع لمسوقين يلمعون له

[™ @t5nox]

@ALI_M2025_ ياخي كنت وش زينك
وتغريداتك كانت تجذب الانتباه وتخليني اقراها من اولها لاخرها
لكن من شفت الناس حبّت محمد عمر واللي يسويه بدون تسويق خارجي، بدون جلب رقاصات، بدون جلب المتردية والنطيحة للافتتاحات، زعلت و بانت حقيقتك
محمد عمر كشف المتصنعين اللي يمدحون اذا دفعت لهم فقط

خذ بلوك ياشيخ

[™ @t5nox]

@abuebrahem635 المصيبة يا محسن
عمال المحطة يدلونك على محل او نفس المحطة يبيعون جراكل مخصصه للبنزين (حسب التعليمات من البلدية مدري التجارة مدري مين منهم)، ولكن اسعارها من ٨٠ وطالع🤣وبعضهم صار يبيعه ب١٢٠
اما اشتري جركل ب٨٠ ولا ١٢٠ عشان اعبي بنزين ب٥ ريال ! لو معي ال٨٠ ماقطعت بنزين

[™ @t5nox]

@Abadi10_ @omar2drive امااا
وانا احسبها حماية بلاستيك تركب فوق القزازه القديمة بعد مايلمعها🤦🏻‍♂️
سلمت يا عبدالله يبغالي اروح لهم شفت واحد معلن عنها وماصدقته🤣

[™ @t5nox]

@anzaroot1 توهم يدرون ؟!🤣
الناس ما تذكره ايام تويتر العصفور الازرق
كان ضد الدولة ودايم يغلط على السعودية وحصل مره اثار بلبلة على شي بالدين ماكان عاجبه
طار حسابي اللي كان من ٢٠١٢ كنت مستقعد له فيه واناقره ، ليتني صورت تغريداته والله اني اهبل

[™ @t5nox]

@Taha_dirah مامليتو من اسطوانة وشماعة (اشتر مني وادعم الوطن؟ انا ابن الوطن)
عشانك ابن وطني تشق جيبي ؟
ابن الوطن المفروض يقدّر المواطن اللي بيشتري منه
مو يستغله

[™ @t5nox]

@2abobadr2 ياخوك فرق
هذا بمشاريعه ما قلب على الشعب وغلّطهم مثل الثاني

الاول فتح مشروعه وحاله حال نفسه بالعكس اصحاب الدخل المحدود يدعون له

الثاني كانو يحبونه الشعب ويدعمونه
بس التمادي بجلب رقاصات وعاريات لافتتاحاتك، وانتقادك للشعب وهم ما اعترضوك بل كانو يطالبون بحقهم جاي مسوي فزّيع

القم

[الأربعيني🇸🇦 @NawafAbo7rb]

الله يعزك يالحضرمي

[™ @t5nox]

@ahmad_a_f الله ياالدنيا

كانت ال٢٠ ريال
تجيب نص بروست و شاورما وبرجر وبيبسي

صارت شاورما وبرجر وبيبسي

صارت برجر وبيبسي

صارت برجر لوحده

وفيه ناس زعلّهم واحرق رزهم ان واحد صار يستفيد منه اصحاب الدخل المحدود ويسحبون على متاجرهم ومتاجر حبايبهم

[™ @t5nox]

@AboKhaled540196 @ALI_M2025_ الله اعلم عنده اسهم في العثيم يابو خالد
بس ماعنده اسهم في الصالة الاقتصادية
لكذا زعلّه ان المواطن البسيط اصبح يتجه للصالات الاقتصادية بدلاً من متاجره اللي شاري فيها اسهم🤣
لاحظت مايتكلم عن هذيك الصالة الاقتصادية اللي اصحابها عندهم متجر عطور وكوفي ومطعم برقر
خايف منهم الله اعلم

[™ @t5nox]

@Muath_VG بيطلب هويتك (آلة التصوير/النسخ جنبه)
و عطني نسخة منها ومن العنوان الوطني
ترد له عندي ع الجوال PDF
يرد السيستم مايقبل روح اطبعها وتعال الاحد اليوم مايمديك، واصلا باقي على نهاية دوامهم ٥ ساعات🤣
او العذر الثاني اللي من ٢٠١٤ لليوم (السيستم عطلان)

[™ @t5nox]

هذا الاستاذ فيصل اللي نقول عنه رجال وكفو ويهمه المستهلك ويهمه الحق

مو باقي التجار اللي طلعوا يشككون فيه ويقولون (غسيل اموال، كذب، مجرد تسويق ومافيه عروض)

[فيصل الصويمل @alswaimel]

كنت أشتري أغراض البيت حقت شهر من السوبر ماركت الشهيرة ذيك وذيك الثانية وهذيك بعد
وما تنزل الفاتورة عن 1900 ريال

ومع الصالات الاقتصادية صرت اشتري أغراض أكثر بحوالي 1100 وأقل احياناً

ولا أحد يقول منتجات ماهي أصلية أي منتج يدخل السعودية مراقب ومرخص

[muath @nothing4355]

بضرب لك مثال : شركة وادي فاطمه شركة سعودية مصنعها موجود ف الصناعية الثالثه ف جدة /

المنتجات اغلبها من مشتقات الحليب طبعا كثير ناس راح يقولون تراه شبيه مثل القشطه احب اقلك كل انواع القشطه شبيهة عدا قشطة التاج فما راح اخوض بهالامر تبي تتاكد طالع الباركود بدايته 628 اذا هي شركة سعودية ومنتج سعودي

يروح احد المتاجر المرتفعه اسعارها وبما اننا ذكرنا القشطه نكمل التاجر ياخذ من شركة وادي فاطمه حق الرف وحق العرض ف تصير قيمة القشطة 3.5 وهو كموزع يبيعها ب 3.39 محمد عمر وش سوا يعطيه مساحة اكبر بدون م ياخذ عليه فلس واحد ويعطيه عرض انا اقدر ابيع لك مليون منتج ظرف شهر كم تكون التسعيره هنا التسعيره تختلف يوم يحقق التارقت محمد عمر شركة وادي فاطمه مستعدة تبيعه الحبة ب 0.20 هلله والكل ربحان

فلا يجي احد ويزايد ع الرجال لانه ذكي واستغل الجانب الي التجار مبسوطين فيه

فهنيئا له والله يعطيه من واسع فضله ويرزقنا يارب

[™ @t5nox]

@sal_moish511 والثالث المختل الحاسد يقول هذا غسيل اموال ولازم ينفتح تحقيق

وصل من الحسد مالم يصله منافس من قبل

[™ @t5nox]

@Shm50011 لو عندنا بالسعودية
ان شاء الله المرور يلقط لوحاتهم واحد واحد ويتلهم باذانيهم ويغرمهم

[™ @t5nox]

@D3_W117i @man199484 لا والله المراعي اللي مانبيها منتجاتهم غالية على قل فايدة
وكلها شبيه
اسوء جبنة ممكن تدخل بطنك، كمية زيوت غير طبيعية والحقيقة انها ماهي جبنة ولا لها دخل بالجبن الحليب ماهو من مكوناتها
كلها على بعضها شبيه وكاتب لك شبيه باصغر خط ممكن تقراه

[™ @t5nox]

@ALI_M2025_ انت لو تدري لو يهووودي مكان الهندي
بشتري منه
اشغلتونا بهالاسطوانه خلاص
مو عشان التاجر شاب السعودي يقعد يشق جيبي بحجة اني ادعمه
مثل ذاك محل الفطور الخايس جداً اللي طعمه مايفرق عن الشعبيات اللي جنبه
الشعبيات يعطيك صحن الكبدة ب ٨-٧ ريال
الفطور ذا يجلدك ب٣٠ ريال🤣

[™ @t5nox]

@AliYusef13 روح للمرور نفسهم بالتقرير
ويلغونها من عندهم
مدري متى اخر مره اعترضت من ابشر زهقت من زود الرفض، صرت اسبقهم للدوام وهناك زهقو مني🤣 نشبت بحلوقهم

[™ @t5nox]

@raidkaled1 انت ماخصيت احد بكلامك
بس واضح الكلام موجه لمن ولاي متجر فلا تقول ماخصصت احد
اصحاب الدخل المحدود لقو ضالتهم عند هالمتجر، وحقيقي استفادو المقاضي اللي كانو ياخذونها ب ٨٠٠-١٠٠٠ ريال من السوبرماركت والهايبرماركت المشهور والمعروفة محتكرة السوق، صارو ياخذونها من عنده ٥٠٠-٧٠٠ ريال