تركي بن عبدالعزيز

افاخر واماري واتباهى ودمي حار

[تركي بن عبدالعزيز @t_80rr]

تركت من الجفا ذكرى وصال وخاطر مكسور
وخذيت من الوفا قلبٍ عجز غيرك يقفي به

انا وياك ما اخترنا نهاية دربنا المهجور
خذلنا الحظ لاوالله خذلنا الشك والريبه.

[تركي بن عبدالعزيز @t_80rr]

رحت عايف ماخذوك القوم مني
بين روس الشلْف وخشوم البنادق

لو ظنوني فيك تكذب يكفي اني
جيت صادق شعور ورحت صادق ):

[تركي بن عبدالعزيز @t_80rr]

أثقل حمل يشيله الإنسان في حياته هذه النظره:

يقوي عزوم الرجل عن مطيحه
نظرات ناسٍ معلقين الرجا فيه

[تركي بن عبدالعزيز @t_80rr]

" أحبَك رغم تجريح الليالي لقلبي المقهُور ..
أشوف الجرح يكبر وأنت تكبر وسط تفكيري"

[تركي بن عبدالعزيز @t_80rr]

عداك الملام وشرهة الولف يا نزّاح
عن دياري اللي مانت بأول خسايرها

تبعت السراب إلين سلّمك للمرواح
ولدّيت ! وعيوني .. تزوّر عبـايرها

قنعت وتركتك للزمن والزمن فضّاح
على مهله أسرار المخاليق يظهرها

بقى لك معي ذكرى ليا غمّض المرتاح
(((تمشط بقايا كبدي بروس اظافرها ".))))

[تركي بن عبدالعزيز @t_80rr]

على الوجهه اللي ماعلى خطها دوار
وعلى سيدها مافيه لفه وتحويله

مساري فكر ومجاهد وصوره وتذكار
وظلام بوادر طيفك اول قناديله

ابهر دلال الشوق و ابعد عن الأنظار
واضيّف خيالك واتحاشا مضاليله

شعوري وانا بين الحقيقه والإستنكار
شعور الفرح في موعد تم تأجيله

[تركي بن عبدالعزيز @t_80rr]

"ما عاد الخطأ وارد ولا فيه احد مسموح
تراني على ادنى شيء .. بزعل واخرّبها"

[تركي بن عبدالعزيز @t_80rr]

وأحبّك وأنت لاقلبك ولا قلبي لحقهم ذلّ
حبايب والقلوب نظاف، مابنفوسنا علّة

لقيتك والضياع أعمى عيوني/ لين صرت أدّل
ودلـيت الطريق اللي قبل لقياك ما أدله

تخيّرتك وأنا مالي خيار إلاّ أنت مو من قل
ولكن كنت ماتشبه أحد من بد خلق اللّٰه :(

[تركي بن عبدالعزيز @t_80rr]

تطمّن يا نهاية عامي وياعامي اللي حل
تراك أنت السنين وعمري اللي عايشه كله

أنا يوم إنّي أسمّيك عمري ما لساني زَلّ
وش الأيام لو ماهي "غلاك" وشمسه وظله؟

أحبّك كل ما قالوا بدأ قلب الحبيب يملّ
وأحبّك كل ماقلت اسكتوا لا يمكن أمله

[تركي بن عبدالعزيز @t_80rr]

ما اشره عليك ان كان خيبت ظني
اشره على قلب فاتح للهوى بابه ..

[تركي بن عبدالعزيز @t_80rr]

عليه الشحم لكن تراني بعد مليت
وكلمة على خشمي وش الفايده منها ؟

صبرت وتحريتك ورحت ورجعت وجيت
وعودت تلعني المشاريه والعنها

تبي الصدق توجع كبوة الظن لاظنيت
تمنيت فرقانا قبل شوف باطنها

علي شرهتي ولا انت وش عاد لاصديت
وجيه الرجال تساق .. للي يثمنها .

[تركي بن عبدالعزيز @t_80rr]

جمالك ما خلّا سيرة الماضي مهمّه
ونواعسك هذي جننتني وانا صاحي

تعالي عساني ما اتعّوضك ف ابن امه
يا شيهانةٍ ما تاثق إلا فملواحي

كسرني زماني كسرةٍ تجبر بضمه
تزبّني لعالمك من عالم اشباحي

إذا العمر معك الله يتمم لي اتمه
واذا الموت فيك الله يجعلك ذباحي

[تركي بن عبدالعزيز @t_80rr]

أقبلي يا طبّ قلبي وإرتياعي
أقبلي عقب المسافات الطويله

وأحضنيني يا جميلة من ضياعي
الضياع اللي ما خلّا لي وسيله

مرحبا بك من ذراعي لـ ذراعي
جابك الله علم وانتي حلم ليله

يا ثمرة قلبي وشوقي وإندفاعي
يا غناتي فـ السنين المستحيله

مدّعين الحب والشوق الصناعي
كل أبوهم فدوةٍ لك يا جميله

[تركي بن عبدالعزيز @t_80rr]

كم شجاع ينطح الموت لا ثار الغبار
وان دعاه اللي يحبه ، تجيه ام الركب !

[تركي بن عبدالعزيز @t_80rr]

حكم الغلا خلاك تطعني و أنا المستفيد
فديتك انت وكل طعنه من يدك فديتها

محبّتك تجري بدمي من وريد إليا وريد
بين الضلوع العوج بخشتّها وقلبي بيتها

لينت لك قلبٍ لغيرك ما يلينه الحديد
و لديت لك عين لغيرك ما بعد لديتها .

[تركي بن عبدالعزيز @t_80rr]

ان طرّوا النسيان ماني بناسيك
يا راس مالي فالحياة وغناتي

وان طرّوا السلوان ماني بساليك
طيفك معي حتى وأنا في صلاتي

قلبي وهو قلبي ليا مر طاريك
لولا ضلوعي كان عزوا مماتي

لو جض صدري كان يمديه ياتيك
ويبات عندك ويهنى بالمباتي

[فهد قطنان @Fahad_Qatnan]

يامعذبة قلبً حلف مايخونك
تكّي عليه بخصرك اللي متكّي

عزالله اني كنت عايش بدونك
ثم قل اماني معك وزداد شكّي

دايم وانا تبكي عيوني عيونك
بعدك معاناتي وقربك محكّي

ماهوب بس اللي تبكّي طعونك
حتى جمالك والله انّه يبكّي :)

[تركي بن عبدالعزيز @t_80rr]

حتى وانت لاهي عني وسـاهـي
مارحت ادور غـيرك يـسليني

[تركي بن عبدالعزيز @t_80rr]

لولا التوكل على اللّٰه والرجاء والعزوم
يمدي الليالي توطّتنا .. وهي ماشيه

[تركي بن عبدالعزيز @t_80rr]

يا أوفى ويا أحب من بادر ومن واصل
وأعز من شيمتي وأطيب من ظنوني

وجودك يداوي جروحي ويستاصل
الضيقه اللي تحجب النور من دوني

أحاول انه ما يفصل بيننا فاصل
حتى لو ان ينفصل راسي عن متوني

أشر على ما تبي واللي تبي حاصل
حتى لو تطلب عيوني من عيوني