الإمارات غالية، ومن يطول لسانه يتحمل اللي يجيه، زين سووا فيه عشان يعرف إن بلادنا مو مرتع لأمثاله، يستاهل اللي ياه وعقبال كل من تسول له نفسه يمس بلادنا بأي كلمة.
لا تِتصل بي ولا تِرسل لي حروفك
صَدّك بعيني مثل طيفٍ تِلاشى
ما عدت أحاتي ولا تِعنيني ظروفك
والودّ فيني ذِبل وأصبح بَلاشا
كسرت قيدٍ به بنوا لي حِلوفك
وحررت نفسي من غلاكم وطاشا
دوّر بغيري مثل ما خانت طيوفك
قلبي حكايتك حرقها وعاشا.
لا تظن إنّ الدّنيا قفّت في سداك
وإنّ كلّ النّاس عن دربك مالت
من فقد غيرك.. ترى يلقى غلاك
والقلوب اللّي تودّك.. ما استقالت
حتى لو دار الزّمان وشفت جفاك
أبواب الرّحمة عن العبد ما استهالت
الكلّ يمضي.. لكن الله معاك
والأيام تصفى.. لو عيونك طالت
وحذراك من شخصٍ رديٍ وبوّار
ياكل من النعمه وينكر خشيره
جحّاد معروفك من الظلم بيطار
حقود نفس , مايساوي عشيره
يشوف نفسه من عزيزين وابرار
ومن الكبر يقول نفسي جديره
خله عسى فاله من الشر مدرار
لابد من يوم يشوف العسيره
- حمد عبدالله الوايلي
اللهم في عشر ذي الحجة ارحم أبي رحمةً واسعة، واغفر له، واجعل قبره روضةً من رياض الجنة، اللهم اجعل له في كل دعوةٍ نورًا، وفي كل تكبيرةٍ أجرًا، وارزقه الفردوس الأعلى بلا حساب.
لحظة إدراك متأخرة جدًا، استوعبت أن كنت أشرح نفسي كثير، وأوضح مقاصدي ونواياي عشان أتأكد أن الناس فاهميني، لين أدركت أن الأشخاص المناسبين مايحتاجون كل هالأمور
لذلك، اختاروا بعناية 🫶🏻
اللهم في يوم الجمعة أرحم أبي وبلِّغه مراتب الصالحين وأجعل مقامه المقام الكريم وأجعله من ورثة جنة النعيم وهب لهُ من جودك مالا يُحصى ومن غُفرانك عفوًا لا يفنى