طلق بن محيل

لا طاح معكاز الهقاوي على القاع اثبت على ساق الصبر في محلك

[طلق بن محيل @taalaq5]

الخطا يا الاجودي ماهو بـ مني
واعتذر .. لا صار مني لا ارادي

وان نويت تصد عني ؟ صد عني
والله ان الوضع عادي وانت عادي

[مترفة 🇸🇦نماصية ❤️ @fato13931]

ماكل خاطر نبي نتبع .. مراعاته
بعض الخواطر حرام انك تراعيها

اللي يقدّمك عن كل .. اهتماماته
حاول تقدّم له  الدنيا بما فيها
🌹🌹

[قلبLion @msall_lion]

حروف شعر الغزل لو كانت عنيدة
روضتها واجمل غزل اكتبه فيك …

يا مهرة اعيت خيالها وفيك شدة
وجموح وصعبٍ اي فارس يغريك

جمعتيها زينٍ و اوصاف عديدة …
ما تنحكي من الغيرة وكثر مغليك

#قلبLion✍️

[ماجد النقريني @majidalsilme123]

يالله انك تحفظ الدين من قوم الفساد
شلة الشيطان والشرك وذناب اليهود

كلنا في خير وأمان في هذا البلاد
دام حكام الجزيره عيال ابن سعود

#ماجد_النقريني

[#الشاعرة_شموخ @zero0o0__]

:

هنا شح الكلام و سطر المعنى جفا و غياب
رسم لي فالطريق الوعر ممشى ما انتهى ليله

وجيه الناس ما اعرف بدت لي من جفاه اغراب
احس الخوف يمنعني أقرّب غيره اويله

على درب الوداع اللي مسافيره بدون احباب
تهيض الذكريات و حزن قلبي من مواويله

:

#شموخ
#صاروخية_شعر

:

[خالد الذيابي @ka_alrooqi]

#الثلث_الاخير

عيني على شوفة عيونه شغوفه
وقلبي بغيره ماتمنى ولا اعطيت

#خالدالذيابي

[طلق بن محيل @taalaq5]

غـدا خاطري مدهال للريب والأوهام
سـحـايب تـقـاطر والـهـبايب تـلاوبها

لـدي الـكثير من التعجب والاستفهام
وكـثير اسـئله مـاغيرك احـد يجاوبها

تراك الغموض وساحة الشعر والإلهام
وتــراك الأمـل لـعيون طـيفك يناوبها

[طلق بن محيل @taalaq5]

غـدا خاطري مدهال للريب والأوهام
سـحـايب تـقـاطر والـهـبايب تـلاوبها

لـدي الـكثير من التعجب والاستفهام
وكـثير اسـئله مـاغيرك احـد يجاوبها

تراك الغموض وساحة الشعر والإلهام
وتــراك الأمـل لـعيون طـيفك يناوبها

[عايض الرشيدي @ayedhalrshidi]

@zero0o0__ يقولولي العذال من هيض هات وخل
وانا اقول لذا الحين ماوصلة الفكر

وقفت بطريقي تحت ظلً يحجب الظل
مثل من يشيل ابره وهو مامعه مكره

اخيل السحاب اللي تعدا وهو ماهل
مقادير في حكم الولي مابها نكره

#عايض_الرشيدي

[ثاني العنزي @tanyAlenezy]

بعض البشر مثل العسل والجواهر

مهما وصفته بالحلا ماله .. أوصاف

بعض البشر طيبه على الناس ظاهر

مايختفي مثل القمر دوم ... ينشاف

ثاني العنزي

[فهد بن محمد بن بدن @fahad_subai]

اذا لحقـني من رفيقي عذاريب
دورت له عـذرٍ سـمين وعــذرته

واذا تمادى بالخطأ وكـرر العيب
صديت في صمتٍ حشيم وتركته

#محمدالأحمدالسديري

[خالد الذيابي @ka_alrooqi]

دُره الدار الثمينه ما بعد بُعدك غبينه
دام حبك مانزحه إلا الكرامه والمبادي

ايه جيتي من مجيه ياخذ القلب ف يدينه
مير رحتي من مراحه عن عيوني شي عادي

#خالد_الذيابي

[شيهانه✨ @jsllo_]

عليك الوله ومواصل الليل عقب الليل
ولا لي على حبك — جماله ولا منّه

اسوق البشاير كل ابوها واسج الويل
على شوف وجهك جعلني ما خلا منه

[طلق بن محيل @taalaq5]

الهوى اللي دون ستر و لا حشيمه
والله انه نقص و عيوب و فضايــح
.
لـ انكشف عنه الغطاء ماهو غنيمه
سد باب الريـح والفرقى الربايـح

لشاعرها

[الشاعر/حمود المخلافي @HamoodA39265472]

غلطان من قاس الاوادم بميزان
الاختلاف حاصل بالنوع والقيمه

وكم ناس طبعها المكر والخذلان
وناس للوفاء والصــدق والشيمه

وناس من قولت الحقيقه زعـلان
تشوف بالباطل مكسبها والغنيمه

وناس مهـــنه النميمه لها ادمان
لا راحــــه له الا لو سعي بالنميمه

المخلافي ✍️

[سلمان الذيـابي @S_alrooqi]

قصايد الليل : تكشف عن مشاعرنا
يسري بها الشوق من ديره إلى ديره

والهاجس اللي يترجم عن خواطرنا
لا نامو الناس : فك الباب والسيره

#سلمان_الذيابي

[الصقر @lqr16214022]

شجيعه ايامي بعد حبك شجاع
اخذي زهور ايام عمري وابلحه

محبتك ماهي عشان املى فراغ
ولا عشان اشباع نفس ومصلحه

محبتك لبستها لبس الشماغ
واخترتها روح ومشاعر مفلحه

وانتي تحكمتي على اجزاء الدماغ
وانا الشجاع اللي يضفك مشلحه

#الصقر

[محمد العتيبي @M___OTIBY]

إلى متى راحت حياتي وأنا أرجيـك
حـق الـنـدى ذنـبٍ لـنـفسـي جنيتـه

إن كان تغليني غلاً مثل ما أغليـك
مجبور تاطـأ فـي الهـوى ماوطيتـه ..

[سلمان الذيـابي @S_alrooqi]

لا توادعني ولا تطري الـوداع
الوداع أشبه بـ قصه مؤسفه

الأماني حلم ، والدنيا متاع
والبنادم خيل وقته يعسفه

والنصيحه سر صدرك لا يذاع
حط له دون الخلايق أرصفه

طع زمانك لو زمانك ما يطاع
لا تقول الوقت زايد فلسفه

كان منت بسبع تاكلك السباع
تصبح لسود الليالي منشفه
#سلمان_الذيابي

[طلق بن محيل @taalaq5]

الهوى اللي دون ستر و لا حشيمه
والله انه نقص و عيوب و فضايــح
.
لـ انكشف عنه الغطاء ماهو غنيمه
سد باب الريـح والفرقى الربايـح

لشاعرها

[محمد ظافر @ip1616_]

رسّم الوضع في حضرة جناب المرسّم
" انت تستاهل يقولون لله درك

يمكن يسرك اللي تحسبنه منسّم
وتهقى في الثقه يسرك وما يسرك

اقدر اشوف قدري في العيون يتقسّم
خل عنك المفطح والقعود المبرك

لا يغرك لو انّك لا لقيته .. تبسّم
واحد لو لقى فرصه يضرّك يضرّك (: