منقول
السلام عليكم 👋🏽
انا الان بكتب في البوست دا وانا في اديس ابابا العاصمة الاثيوبية ♥️
(قبل اي شي انا سافرت اثيوبيا عشان انا اصلا مسافر دولة تانية عندي شغل ما هارب من الحرب بس عشان المطار قافل )
وعايز احكي ليكم القصة عشان انا متأكد في ناس كتيرة محتاجة تسمع من زول خاض التجربة ، ودي الحاجة الما لقيتها انا لما قررت اطلع من السودان عن طريق اثيوبيا .
اتحركت من مدني يوم الاحد الساعة ٦ صباحا بالبص لي القضارف والسعر ٦٣٠٠ جنيه سوداني اول ما وصلت القضارف مشيت عملت تصريح ودي حاجة مهمة بتتعمل في الجوازات ولازم يكون عندك ضامن من اولاد القضارف ولازم يكون عندك فيزا لدولة او اقامة فيها عشان يدوك التصريح ، المهم الركشة من السوق الشعبي القضارف لي ادارة الجوازات تقريبا ١٥٠٠ جنيه سوداني بعد تخلص بتركب رقشة ب ١٠٠٠ جنيه سوداني لسوق الكودة عشان تمش القلابات وسعر العربية ٧٠٠٠ جنيه سوداني وحرفيا دي اسوء حاجة في السفر دا كلو مشوار من القضارف للقلابات ( العربات تعبانة والشارع سيئ بصورة مبالغ فيها والمشوار تقريبا ٦ ساعات واعملو حسابكم في نشالين وغالبا يكونو الكمسارة ، المهم حتصلو القلابات ولو وصلتو بعد الساعة ١ ظهر الا تبيتو والسرير في القلابات ب ١٠٠٠ جنيه سوداني ( في الصقيعة ساااي ) في في فنادق صغيرة كدا في المتمة بس اخير ليك تبيت في القلابات ، والصباح الساعة ٨:٠٠ الجوازات السودانية حتفتح وتمش تعمل الخروج بتاعك وهنا في وقفة بسيطة وركزو في الغوس الجاي دا ( لو ما عندك فيزا لدولة او اقامة سارية ما حيعملو ليك خروج عشان ما تجي ساي وتضيع زمنك وقروشك في الفاضي ) المهم عملت الخروج بتمش الجوازات الاثيوبية في المتمة عشان يعملو ليك الفيزا وسعرها ٨٠ دولار امريكي واخير تشيلها فكة المهم برضو لو ما عندك اقامة او زيارة سارية لدولة ما بدوك الفيزا المهم استلمت الفيزا طوالي حتقطع تذكرة بالبص لمدينة قُندَر الاثيوبية وسعر التذكرة ٥٠٠ بر اثيوبي وسعر البر الاثيوبي قصاد الجنيه ٦ يعني ال١٠٠ بر ب٦٠٠ جنيه المهم بعد تصل قُندَر تنزل في فندق ما حيتجاوز ال ٢٥٠ بر للغرفة يعني ١٥٠٠ جنيه سوداني ( والكلام دا ياريت يصل اصحاب شقق مدني ناس ٣٠ الف اليوم ٣٠ الف دي في قُندَر تقعدك شهر )😂😂😂😂😂😂😂😂 وخلي بالك فندق محترم حمام داخل الغرفة وشاشة وسرير محترم من ناحية الحجم يعني عِزة بعدها حتقطع تذكرة طيران بالاثيوبية من مطار قُندَر لمطار اديس ابابا الدولي وسعر التذكرة ٧٥٠٠ بر تقريبا ٤٥ الف جنيه سوداني وبعدها حتكون في العاصمة الاثيوبية الساحرة والجميلة اديس ابابا وبعدها ممكن تتحرك لاي مكان في العالم .
الكلام دا كلو ما حصل ١١٠ الف جنيه سوداني
اتخيل من بورتسودان لجدة بس ٣٠٠الف جنيه سوداني
واللهم بلغت💛
الطريق امن جدا ومن المتمة لقُندر حيكون معاك الجيش الاثيوبية وفي خدمتك وخلي بالك انو المطر شغاااال وتقريبا كل يوم في مطرة ثابتة بعد الظهر .
ان شاء الله سوداننا حالو ينصلح ♥️
( وقبل
للأسف شغل بنبني فيهو سنين في مجال صادر اللحوم
اتهدم في اسبوع
لا حول ولا قوة الا بالله
خسرنا شاحناتنا وعدد مقدر من المواشي وتلف كمية كبيرة من اللحوم
ما بتمثل شي في ناس خسرو حياتهم
لكن تأكدنا انو البلد دي ممكن تفاجئك في اي وقت وبأي كيفية
حنتحول ل كينيا للأسف مجبرين
@mansoorEltayeb ربنا يخلف عليكم اخ منصور والله الضرر الاكبر وقع علينا كشركات مستورده فى الخارج والآن اصبحنا عطاله بسبب الاوضاع فى سوداننا الحبيب حتى المديونيات والالتزامات مع الزبائن حتضيع وكذلك الشروط الجزائيه حتطبق علينا
الله المستعان وعليه التكلان
السيد حمدوك يجب ان تكون واضحا وتنحاز للجيش السودانى وترفض باى شكل من الاشكال تفاوض مع مايسمى بالدعم السريع .. كلنا نريد ان تقف الحرب وليس دعاة حرب ولكن يجب حل الدعم السريع وتسريحه ومحاسبته واستيعاب من يستطيع ان يخدم بالجيش والا فلن تسمع غير الرفض من العامه والاغلبيه من شعب بلادى
معا نستطيع ايقاف الحرب
لقد مزقت الحرب ، التي اندلعت في السودان، العاصمة القومية وشتت أهلها وامتدت إلى جميع مناطق البلاد تقريبًا مسببة كارثة إنسانية يمكن أن تؤدي هذه الحرب إلى كارثة انسانية ما لم يتم وقفها على الفور.
هناك جهود إقليمية ودولية كبيرة ومقدرة تجري الان من اجل وقف الأعم