درب التبانة

والله من أعرف نفسي راح أعرفك على نفسي.

[درب التبانة @thenewmaysaa]

أذكر جنت بالإبتدائي والمعلمة شرحت الخط المستقيم،قالت:كل خط مستقيم اله بداية ونهاية..ورسمت بالطبشور خط مستقيم لنهاية السبورة..وأضافت؛مهما طال هذا الخط فلازم إله نهاية.

ما أعرف ليش جنت مفتونة بهاي الفكرة،البداية والنهاية،وليش لليوم بعد مرور أكثر من 30سنة أتذكر هذا الدرس.

#النهاية

[درب التبانة @thenewmaysaa]

الواحد ما يعرف الواحد الثاني إلا بعد نزاع.

أخ،زوج،زميل عمل الخ…تعتقد إنك تعرفه بس فعلياً ما راح تعرفه الا بعد الخصام.

الأفعال اللي الإنسان يمكن يسويها وهو يحس بالغضب والحقد بشعة جداً..واهنا راح تعرف إنك ما كنت تعرفه !

[درب التبانة @thenewmaysaa]

عمري ما فهمت ليش ابن آدم يحب طولة العمر.

يخترع أدوية وأنظمة غذائية ومجهود رياضي ويدفع فلوس وهوسة كل هذا حتى يظل شاب المظهر ويطول بعمره حسب إعتقاده.

أنا مع جودة الحياة والصحة..بس مو مسعاي طولة العمر..

أنا واصلة مرحلة أتجنب بيها الأدعية أو الأعمال الخيرة اللي تطيل العمر.

[درب التبانة @thenewmaysaa]

إني أتنفس تحت الماء..

إني أغرق..

أغرق..

أغرق..

[درب التبانة @thenewmaysaa]

رواية خبز على طاولة الخال ميلاد :

[درب التبانة @thenewmaysaa]

عندي abandonment issues

[درب التبانة @thenewmaysaa]

@human_4ooo وانا شكو بكل هالدول ؟

[درب التبانة @thenewmaysaa]

@y_sif_ ومنو انت حتى تخليني أسكت ؟ انت حتى مو متابعني

حسابي وأحجي بيه كلشي اريد

[درب التبانة @thenewmaysaa]

بديت أشك أن منشأ القلق عندي فد خلل بمخي.
الزر اللي يشغل القلق أو يطفيه خربان..

لأن مو معقولة أني أحس بالقلق والهلع بدون سبب واضح أو مباشر.

مو طبيعي..هذا التسارع بدقات قلبي والأفكار والتخيلات السلبية اللي ترافق هذا الشعور..

[درب التبانة @thenewmaysaa]

أكو فكرة خاطئة متداولة في الوعي البشري..وهي إن الإنسان راح يرتاح ويستمتع بالحياة بعد سن التقاعد بعد ما يكبر أولاده ويشوف أحفاده.بس أعتقد هذا مو صحيح،هذا العمر يبدأ جسم الإنسان في التلاشي..آلام مستمرة وبدن يحتاج صيانة مكلفة في بعض الأحيان.ويكون الواحد حساس ويحس بالوحدة وهوس الموت.

[درب التبانة @thenewmaysaa]

الرخاء يؤدي إلى الإنحراف.

#نظرياتي

[درب التبانة @thenewmaysaa]

اكو ناس من يخطرون على بالك راح تبتسم.

واكو ناس من يخطرون على بالك راح تلعنهم.

شوف أنت من أي فئة.

[درب التبانة @thenewmaysaa]

إنسحاب مدروس.

[درب التبانة @thenewmaysaa]

الجو بدأ يبرد..

والليل بدأ يطول..

وموسم رايح وموسم جاي..

جم شتا شفته بحياتي ؟

جم حدث عالمي وتاريخي عاصرته ؟

جم مسلسل ؟ جم أوادم مروا بحياتي!؟

في الواقع..ربي ما راح يسألني عن كل هذا..بس راح يسألني جم صمتي وجم صليتي ؟

مو ؟!

#تأملات_أربعينية

[درب التبانة @thenewmaysaa]

هسه اللي جربته وفهمته..أن القلق شعور يتحول إلى فعل تدمن عليه.

البعض يدخن أو يشرب..البعض ياكل شعره،اكو يفترون بمكانهم..أكو -وهذا جديد-يقعدون على أجهزتهم وتطبيقاتهم لساعات طويلة.

وأحد العلاجات من تحس بالقلق إنك تكتب عنه تعبر عنه على فد ورقة.. أو برأيي المتواضع تفرش سجادتك وتصلي.

[درب التبانة @thenewmaysaa]

من وصلت للمرحلة العمرية اللي أحب بيها لبس الذهب..الذهب سعره ارتفع.

ايييييه.

[درب التبانة @thenewmaysaa]

@12mikasa94

[درب التبانة @thenewmaysaa]

من جنت صغيرة اختي الكبيرة اقنعتني ان عمرو دياب كان خالي المغترب بكندا ولأن وقتها ما كان اكو صور لخالي او تواصل فأنا صدقتها لدرجة من جان يطلع يغني بالتلفزيون جنت اصيح لخواتي:خالوو طلع بالتلفزيون 🙂
ولا أمي ولا أبوي حاولوا يصححون هذا الخطأ…