_al3nzii _🤍✨

[_al3nzii _🤍✨ @tr_azt]

اكتب سطر وامحي سطر وابقي
على رف السهر ، لييين الفجر .

[_al3nzii _🤍✨ @tr_azt]

تبي اغصب الزمن يجمعنا
انا بشر ما عندي إمكانيه

لو نفترق لا تحذفين حسابي
خلي الوسيلة للتواصل حيه

يمكن صباح العيد يطري طاري
صبح العيد مخلوق للحنيه

الارض ما فيها حبيب بدالي
انا الحبيب النسخة الأصليه

[_al3nzii _🤍✨ @tr_azt]

لك الله يا أحن المخاليق وش قسّاك ؟
وش اللي نزع ضحكة لقانا وكفّنها

وش اللي تغير وآخر أيامنا وش جاك ؟
وش اللي حداك لكلمةٍ ما تثمنّها

وعلى الروح ياقطعةٍ من الروح وش قوّاك ؟
وهي روحٍ أدنى ماتسويه فيها يوجعها

[_al3nzii _🤍✨ @tr_azt]

كذبت مره على نفسي وقلت أحتريك
وأنا أدري ان التلاقي شي ماهو سهل

سميتني بالهجر وأنا أسمّي عليك
صديت مدري بقلبك علم مدري جهل

متغير العمر كله من فعايل يديك
حتى طواريك ما قامت تمر بمهل

حتى عيونك ماهي عيونك هذيك
فاقد لي أحباب بعيونك ولمّة أهل

[_al3nzii _🤍✨ @tr_azt]

لكن يادكتور جعلك ما تهون
ابغيك كلمة راس دامك ما بديت

اسمع ولا ابغى الي وزانك يسمعون
ربي كتب يكشف اسراري و جيت

صورة عديل الروح عندك فالعيون
و اخاف تقطعها بموسك ما وعيت

ولا عليك امر اطوها تحت الجفون
و عقبه لو تقطع عيوني ما شكيت…

[_al3nzii _🤍✨ @tr_azt]

تكوَي كفوف ٍ قـَبل عَـامين تَـرفاك
وتبَوق قلب ٍ معَلن لك سَـلامه

رَوح تـراني طَايب النفس ما أبغاك
حكم ٍ طَغى ما عاد ينفع نَـظامه

لا تقول وش صابك ولا اقول وش جاك
حسابنا ويَـاك يـوم القَـيامه ..

[_al3nzii _🤍✨ @tr_azt]

أهلاً محَبوبي .
أتمنّى إنّك الأن تقرأ كلامي
[أول شَيْ لا تنسى إِني أحبّك لأخِر عُمّري وأنا على وَعدي لَك أحبّك الأن، وبُكرا.
وإلى أخر عُمّري ، مع السلامه
- استودعتك اللّٰه -

[_al3nzii _🤍✨ @tr_azt]

ُقال إنّ الصدفة لا تأتي عبثاً،
لكنّي كلما تذكّرتك، سألت نفسي:
إن لم نكن نصيباً، فلماذا جمعنا القدر؟
أكان اللقاء ليفتح جرحاً؟ أم ليترك فينا أثراً لا يُشفى؟
كأنّ الله أرسلك لا لتبقى، بل لتعلّمني معنى الفقد…
وأنّ بعض اللقاءات خُلقت لتكسرنا برفق

[_al3nzii _🤍✨ @tr_azt]

صدفه غريبه والحقيقه ماعلى الدنيا غريب
يا زينها صدفه بلا سابق وعد يا زينها

الله صرفها لي مثل صرف العلاج من الطبيب
أثر الجروح تطيب لا من عولجت في حينها

لا طاب جرحي منه من غيره لعلّه ما يطيب
يطعن وطعناته على شان الغلا .. راضينها

[_al3nzii _🤍✨ @tr_azt]

مدت لي الصوره وراحت ولا جات
وخلتني لحالي .. اكافح زماني

ناديتها لكن له الصد عادات
و أنا " على وينك " تعود لساني

انا شسوي بصوره مالها ذات
تنبش معاناتي وهي ما تعاني

[_al3nzii _🤍✨ @tr_azt]

من كلامه ليلة البارح وانا ادري
رحت ولا جيت وضعي ما يهمه

كيف ينساني وانا اللي كان قدري
في عيونه معتلي في كل قمه

وين اصد من الحزن واروح مدري
ضاقت فجوج الثرا من كل ييمه

لا اقبل الليل العتيم وضاق صدري
من يواسي خاطري ويشيل همه):

[_al3nzii _🤍✨ @tr_azt]

أخذت بخاطري منك يوم قفيت
كن العمر كله بوجهي تسكر

نسيتني ؟ ولا كبرت وتناسيت
انا حبيبك يا حبيبي تذكر

[_al3nzii _🤍✨ @tr_azt]

مرة تعاملني بلطفٍ وتقدير
ومرة تتعمد وجعتي يا عشيري

تلعب بقلبي لعب الطفل بالطير
يضحك وطيره ميت ما يطيري

يوم حذفتني في هواك المقادير
ونسيتني والدمع جرح نظيري

عز الله اني منك ماني بخير
يا مالكٍ قلبي وخيرك لغيري…

[_al3nzii _🤍✨ @tr_azt]

من زود حرصي عليك وكثر الاهتمام
بعطيك بيت يكفي عن ثلاثين بيت

انت اخر انسان في بالي لاجيت انام
وانت اول انسان في بالي لاصحيت

[_al3nzii _🤍✨ @tr_azt]

سرحت بخيالي فيك وأسهبّت فالتفكير
وطلّعت كل اللي مخبى ورى صدري

ماتمنعني حدود المسافة عن التعبير
أنا توّي مسولف معك وانت ماتدري

[_al3nzii _🤍✨ @tr_azt]

على البال لو ما الله كتب لي معك وصال
اشيل لك بضلوعي شيءٍ ماهو على بالك.

[_al3nzii _🤍✨ @tr_azt]

البارحه ربي كتب لي ومريت
درب عليه بروق الأحباب لاحت

جيت المكان اللي جمعنا وخفيت
وقامت جروحي للجوارح وصاحت

يا ليتني في لفة الدرب زليت
كان العيون من الدموع استراحت

ألتم غيم الدمع من يوم لفيت
وورقا القصيد لشوفة الغيم ناحت

وضحكت ما ابغي الناس تدري يابلفيت
لكنها غصب على العين ساحت

[_al3nzii _🤍✨ @tr_azt]

المنطقه اللي حالف حلف.. ماجيها!
الله يسامحني على الحلف (جيتها)
جابتني اشواقي لجل واحدن فيها
كله عشان امر واشوف بيته….

[_al3nzii _🤍✨ @tr_azt]

يارب هالمره هي آخر مره
ولا هو بشايفني ولا لامحني
-
أدري حلفت ان شارعه مامره
لكن انا مشتاق له سامحني

[_al3nzii _🤍✨ @tr_azt]

ويبقى الماضي قصه جميله لن تعود…

[_al3nzii _🤍✨ @tr_azt]

اللهم لا تختبر صبرنا في صحة من نُحب
اللهم اشفِ كل من يعزُ علينا شفاءً لا يُغادر
سقماً، اللهم اشفي مرضانا ومرضى المسلمين