twitaraah

هي أنا ..

[عَوْن @Aounuqu]

لاحظت البعض مو مفرق بين هالصورتين ..
صورة رقم ( 1 ) راح تجيكم في أول فرز باذن الله يوم 19 يوليو وتستمر إلى 21 يوليو عندها تتُاح للطلبة المقبولين خانتين :

- تأكيد القبول = يتأكد قبولك وتشملك الترقيات؛ طبعًا تشملك إذا ما أنقبلت بالرغبة الأولى✅.

- إلغاء القبول = يُلغى قبولك نهائيًا ولا كأنك قدمت على الجامعات لهذا العام ومُتنازل عن مقعدك كليًا وما تشملك أي ترقية ❌.

صورة رقم ( 2 ) الي انقبلوا بيوم 19 يوليو وأكدوا قبولهم
إذا ترقيت في تاريخ 22 يوليو حتى 2 اغسطس; لرغبة أعلى تجيك رسالة على الرقم المسجل بالمنصة وعلى البريد
ثم تفتح الموقع تُتاح لك هالخانتين :

- اختيار وتأكيد هذه الترقية = بمعنى تأكد على ترقيتك الجديدة اذا ترقيت لرغبة وتبيها تأكد عليها
ولو أكدت عليها واخترتها برضوا تشملك الترقية ؛ تترقى مرة ثانية في حال لسا باقي ما وصلت لرغبتك الأولى✅ .

- لا أرغب وسأنتظر فرصة أفضل = في حال ما أعجبتك الترقية تبقى بنفس تخصصك الي انقبلت عليه بيوم 19 يوليو وايضًا تشملك الترقية مرة ثانية تترقى لرغبة أخرى غير الي ما عجبتك .
والطلبة الي ما يبون يترقون اضغطوها عشان تبقون برغبتكم ولو ترقيتوا مرة ثانية وبرضوا ما تبون ايضًا اضغطوا عليها ✅.

[‏مۘزؗنۨه۟ اٰلبلوۥيۧ @mozon34]

🚨 عاجل | #منصة_قبول تعلن:
يحق لك إلغاء قبولك حتى بعد تأكيده وذلك للدخول بالفرص الإضافية يعني تقدر تحط أي رغبة لتدخل المنافسة وإذا تم قبولك فيها وما ترغب بها تطلب إلغاء مستقبلاً من نفس المنصة بدون تعب بإذن الله
#القبول_الموحد @mozon34

[كلارا 🦋 @m28a___]

🛑🛑🛑🛑🛑🛑🛑

الفرق بين الترقيه
وبين القبول

#منصة_قبول

[عبدالله بن محمد الجريذي @ax1ii]

📌 بخصوص إعلان نتائج #منصة_قبول بإذن الله بكرة الأحد 19 يوليو وتأكيد القبول بيكون مستمر لين نهاية يوم الثلاثاء 21 يوليو 2026م.

🚨🚨 تنبيهات مهمة لازم تنتبه لها :

بتطلع لك 4 خيارات في #قبول مافيه غيرها
(شرحت الخيارات بالصورة بشكل أوضح)
بتكون خيارين بالفرز الأول وخيارين بالترقيات

⚠️ #تنبيه:
بتجيك فرصة #قبول برغبة وحدة بس
لاتحسب بتجيك 3 قبولات مرة وحدة وانك اذا ضغطت على الغاء قبول بيطلع لك رغبة ثانية بدالها (مشروحة بالصورة بالخيار الي يمين فوق).

📌 كم معدل نزول النسب تقريباً ؟
الله أعلم ، ولكن بيكون قليل لأن الوضع تغير الآن والانسحابات صارت أقل

📌 وش طريقة الترقية ؟
لو انقبلت في الرغبة 10 وفي مرحلة الفرز الثاني أو الفرصة الإضافية صار السيناريو التالي :
صارت الرغبة 7 و الرغبة 5 و الرغبة 4 كلهم مناسبين لموزونتك —> بتترقى وتنقبل في الرغبة 4

⚠️⚠️⚠️⚠️⚠️⚠️
تحذير تحذير تحذير
⚠️⚠️⚠️⚠️⚠️⚠️
لازم تقرأ زين قبل تختار أي خيار وقبل تضغط على أي أيقونة، لا تتحمس وتضغط بدون ماتكمل قراءة كللللل ششششيء مكتوب لك

الله يوفقكم يارب وفالكم القبول والترقية إلى الرغبة الي تتمنونها ❤️❤️
شارك الصورة والتغريدة مع الي يهمه الموضوع +
❤️ + 🔁 + لا تنسى تتابعني حساابي متخصص بالإرشاد الطلابي والأكاديمي وأخبار التعليم وأتشرف فيكم جميعاً❤️

[عبدالله السبع @7Alsabe]

متبقي شهرين لحذف #الذكريات في #سناب_شات الي بياناتهم أكثر من 5 جيجا هذا شرح كيف تحفظ بياناتك

[سكاو @skaau_com]

هل أحذف الرغبات الحمراء في #منصة_قبول

#سكاو

[Dr 🍓 : Meme @xil7r11]

ترا 3 مراحل وقت القبول
اول مرحلة الي هي الفرز الاول من 19 يوليو إلى 21 يوليو
ثاني مرحلة الفرص الاضافيه من 22 يوليو إلى 2 اغسطس
ثالث مرحلة الشواغر من 3 أغسطس إلى 31 اغسطس ( ما اعلنو عنه قبول )
وذي صورة للتأكيد 👇🏻

[عمرو الشيخ @Amralalshikh]

عاااااجل

«سدايا» تطلق كورس ذكاء اصطناعي معتمد رسميًا عبر مبادرة مليون سعودي

المدة 4 أسابيع - مجانية 100%، الشهادة موثوقة من جهة حكومية، تابع :

[Abrar @vc_ii7]

مُهم، الفتره الجاية اللي هي فترة الترقيات 🔴
بتاريخ 19 الى 21 يوليو بيكون إعلان القبول المبدئي اللي لازم تأكده
ومن بعده تبدا الترقيات من 22 يوليو الى 2 اوقست
تُعتبر اهم فتره وابدًا ماينفع تدخلها وانت مافهمت النقاط المذكورة بهذا الفيديو ⬇️

[twitaraah @twitaraah]

@mesfer2773 هل تصنيف تخصص نظم المعلومات التابع لكلية الحاسب عالي ؟ مثل درجة تصنيف علوم الحاسب ؟

[منال 🇸🇦 @AbwmlhhM]

الفرق بين تخصصات الحاسب من خلال ٥ نقاط مع أ.عبدالله الغامدي :-

١- علوم الحاسب
٢-هندسة البرمجيات
٣- تقنة المعلومات
٤- الامن السيبراني
٥- نظم المعلومات
٦- هندسة الحاسب

[عَوْن @Aounuqu]

الترتيب للرغبات جدًا بسيط وما يحتاج له كل هذا التشتت والحيرة .. ركزوا ⤵️
اولاً الموزونة الموجودة عند كل تخصص ألا وهي :
( " أقل درجة موزونة حتى الآن " )
- هذي هي الي ترتبون عليها وليس على نسب العام الماضي لأن هذي هي نسب هذا العام الحالي وتتغير بكل مرة أحد يعدل رغباته ويزيد الإقبال لذلك ماراح تثبت الا بعد يوم إعلان النتائج .
ترتبون على اساسها هي بتكون نسب القبول حقتكم✅.
⛔️ ملاحظة مهمة ⛔️: لا تحطون رغبات خارج منطقتكم وماتقدرون تروحون لها حتى لو كانت خضراء لا تحطها ممكن تنقبل فيها لكن مو مضمونة الترقية اذا راح تترقى لمنطقتك أم لا .

ثانيًا الترتيب ⤵️:
• دائمًا احرص اول رغبة تكون رغبتك الي تبيها بغض النظر عن موزونتك ✅ .

١- اذا موزونتك عالية ٨٥ وما فوق رتب رغباتك زي ما تبي✅.
٢- موزونتك من ٨٠ الى ٨٤ أضف من ٥ - ١٠ تخصصات تبغاها ؛ ثم ابدا رتب بالأقرب لك .

٣- موزونتك من ٧٠ إلى ٧٤ ؛ أضف أول ٥ من رغباتك ؛ ثم بعدها رتب بالأقرب لك .

٤- موزونتك من ٧٥ إلى ٧٩ ؛ أضف أول ٨ من رغباتك؛ ثم الأقرب لك .

٥- موزونتك من ٦٠ إلى ٦٩ ؛ أول رغبة رغبتك الأساسية ثم الباقي رتب بالأقرب لك لو دبلومات واحرص إنك تحط دبلوم متوسط وليس دبلوم مشارك🚨
المتوسط : لطلبة خريجين الثانوية وتقدر تكمل عليه بكالوريوس .
المشارك : لطلبة الجامعات وما تقدر تكمل بعده بكالوريوس .

[𝙀𝙉𝙂.𝙎𝘼𝙍𝘼𝙃 @Xxiiy44s]

طريقة ترتيب الرغبات + اجابات الاسئلة المتكررة
#منصة_قبول

[Juri | WDD👩‍💻 @jurixli1]

وين احط الكأس لو جاني 🏆🔴

1 - اذا كان الكأس على رغبتي

اذا الرغبة اللي ابيها عليها الكأس على طول احطها الرغبه الاولى ومايحتاج تشيلون هم اي تخصص تحته

2 - اذا كان على تخصص مو رغبتي

لو نقول رغبتي طب وموزونته ٩٨ بس انا موزونتي ٩٥ وجاني الكاس على تخصص غير كيف ارتب رغباتي ؟ مثلاً

طب ٩٨
حاسب ٩٦
قانون ٩٥🏆
هندسة ٩٧

جاني الكأس على القانون هنا ابدا انزل الكأس تحت الهندسة ليش؟ لان احتمال اني اترقى من قانون الى طب شبه معدومه فى بدال ما احصر نفسي بطب احطه تحت وفوقه ثلاث تخصصات عشان تصير فرصة الترقية في تخصص ثاني افضل بيكون كذا الترتيب

طب ٩٨
هندسة ٩٧
حاسب ٩٦
قانون ٩٥🏆

ممكن ما تترقى لطب بس احتمال كبير تترقى للحاسب ويمكن الهندسة

3 - اذا كان التخصص اللي عليه الكأس قريب من موزونة رغبتي

لو نقول رغبتي طب موزونته ٩٨ وموزونتي ٩٧ وجاني الكاس على تخصص موزونته ٩٧ هنا على طول احط الكاس تحت رغبتي الاولى زي كذا

طب ٩٨
هندسة ٩٧ 🏆

(ملاحظة اي تخصص تحت الكأس مارح ينوخذ مثلاً )🔴🔴🔴

طب
هندسة
حاسب
تمريض 🏆
قانون
رياضيات

لو انقبلت في تمريض اللي هو عليه الكاس تلقائي بينحذف القانون ورياضيات وبيطلع من المنافسه لانهم مارح يناظرون الا تخصص اللي عليه الكأس واللي فوقه بختصار

[Juri | WDD👩‍💻 @jurixli1]

كيف ارتب رغباتي من صفر 🏆🚨🚨🚨

فيه اكثر من حاله لترتيب الرغبات

1 - موزونتك نفس رغبتك

هنا تحط التخصص اللي تبيه اول شي خصوصاً اذا عليه الكاس وبتنقبل فيه على طول مايحتاج تشيل هم اي شي تحت رغبتك اللي فيها الكاس

2- موزونتك اقل من رغبتك بشوي

لو نقول موزونتك ٩٧ والتخصص اللي تبيه موزونته ٩٨ هنا تحط تخصص ثاني انت متقبله او تحبه ويكون عليه الكاس تحطه رغبتك الثانيه عشان تترقى لرغبتك الاولى مثلاً

طب وجراحه ٩٨
هندسة ٩٧
حاسب ٩٦ 🏆

هنا نقول رغبتك طب بس انها اعلى من موزونتك وجاء الكاس على الحاسب في ذا الحاله ترفع الحاسب فوق الهندسة عشان تقدر تترقى لطب (لو صار فيه شواغر)

3 - موزونتك اقل من رغبتك بكثير

لو نقول موزونتك ٩٠ والتخصص اللي تبيه موزونته ٩٧ مثلاً هنا تقدر تحط التخصص رغبه اولى بس نسبة انك تنقبل فيه شبه مستحيله فى دور تخصص على نفس موزونتك وتقدر تنقبل فيه

بنزل تغريدة ثانية اجاوب فيها عن الأسئلة الشائعة 🚨🚨🚨🚨

[أهم المعلومات @alsltan_as5987]

سيدة تشارك:,.

عندك بطن كبير ومتدلي الزنود كبيره وفارشه،، لاحظتي في الظهر طبقات من الشحم،، هذه علامة على مقاومة الانسولين،، اذا تبين بطنك يلزق بظهرك وخصرك منحوت وظهرك ينحفر، بعطيك نظام غذائي لازم تطبقينه لمدة شهر وشوفي الفرق 🤯".

[الميدان التعليمي @almaydanedu]

فيديو:

شاب يعلق: إذا أنت أول ثانوي لازم تشوف الفيديو.

[TRND @NOWTRND]

ترند " مقطع متداول "

الشيف "عبدالله البصيلان":

"بسوي باستا حقت ذاك المطعم المشهور ماراح اقول اسمه، اقسم بالله نفس الطعم 😋👍🏻".

[عماد الشريف @3madAlshareef]

رتبوا مناسباتكم وسفرياتكم:

هنا التقويم الهجري كاملاً في صورة واحدة لعام ١٤٤٨هـ متضمناً جميع مواعيد الإجازات و #الراتب مع الشكر لمن أعده👇

[Ms.Njm @Njm101q]

💡اللون الأحمر والأخضر والكأس في منصة قبول

بتاريخ 28/6، تبدأ مرحلة جديدة في منصة قبول وهي مرحلة المفاضلة.

في هذه المرحلة، ستظهر لكم عند الرغبات 3 علامات: اللون الأحمر، اللون الأخضر، والكأس. ومن خلالها تقدرون تعرفون وضعكم بشكل مبدئي في كل تخصص، كما ستظهر لكم أقل نسبة مقدمة على هذا التخصص.

🔴اللون الأحمر لا يعني أنك لن تُقبل في التخصص، لكنه يعني أن فرصة القبول ضعيفة، ومع ذلك تظل موجودة، لأن الألوان قد تتغير في أي وقت.

🟢اللون الأخضر يعني أن نسبتك جيدة، وفرصتك عالية في القبول بهذا التخصص.

🏆أما إذا ظهر لك رمز الكأس، فهذا يعني أن فرصة قبولك في هذا التخصص عالية جدًا، وقد تصل تقريبًا إلى 99%.

لازم تعرفون أن هذه المرحلة طويلة، تبدأ من 28/6 إلى 18/7، يعني تقريبًا 20 يوم.

وبما أن الألوان ممكن تتغير في أي لحظة، الأفضل تدخلون على المنصة باستمرار، تتابعون رغباتكم، وتعدلون ترتيبها إذا احتجتم