المطيري.

ليه مااصير شاعر وانت في بالي.. ؟

[المطيري. @ulv5i]

( اللهم أرحم جدتي وأجعلها مُكرّمه في جناتك )

[عمر الوهيطي @whe6i_]

وش لزوم المكابر في حضور الحنين؟
يدمح الله ذنوبٍ .. ما تعديتها

لي سنه عيني تداري لها دمعتين
وليلة البارحة طاحت و عزيتها

يا رفيقي تعاتبني و قلبي رهين
بسمةٍ يسري الغادي على ليتها

لا تشرّه على طرق القصيد الحزين
اشره ان نادت طيوفه ولا جيتها

اريشٍ ما جذبه الا الشعور الثمين
ولا خذى من القلوب الا نعاتيتها

غلطته ماسمعني ( يوم اعاتبه ) زين
وغلطتي طول عمري ما تمنيتهاا

احسب ان الموادع كلمة وخطوتين
وأثر حتى الخطاوي ما تخطيتها !

كل حاجة تعاتبني عليها السنين
لو ترجعني الأيام .. سويتها ،

[المطيري. @ulv5i]

كل ليله وانا فاقد لي حصان غالي
وكل ليله وانا فاقد لي انثى خجوله

ادري ان الليالي ماشيه .. و الليالي
ماشيه بس والله ما مشت بالسهوله"

- فهد قطنان

[المطيري. @ulv5i]

ونسة الليل نسنسة النسانيس
وبدع شعرٍ تروح الروح ما راح

يتردد علي مع الغطاليس
لين يقلب خساير عمري أرباح

انا شاعر تعلق فالنواميس
كل ماقالوا انه طاح ما طاح

ان تغزّل لعب دور امرؤ القيس
وان توجّد تسللّ بين الأرواح

متدرّس من الأيام تدريس
وماخذٍ حقي من أفراح واتراح

ابعدوني عن وجيه المفاليس
وقربولي هواة الشعر الاقحاح

فاقد اللي يدارون الاحاسيس
فقد عبدالله ابن عون لبداح

يا حبيب القوافي والقواميس
لا تلفّت وراك لكل من صاح

اكثر علوم خلق الله من الكيس
مش الأيام واضحك ضحك مزاح

عان صدري عليهم ثوب قسيس
وعان صبري عليهم صبر فلاح

لا تفكر وتاخذك الكوابيس
اصح وتشوف ثلث العالم صحاح

حيرة الشك هذي حيرة ابليس
طلّع ابليس من عقلك وترتاح

أنا قبلك تساهلت الوساويس
وفي طريق الضياع أخذت مشواح

يوم سلمت راسي للهواجيس
صرت اشوف الأوادم مثل الاشباح

الليالي غياهبها دهاليس
لا تدور صحيح يصح ياصاح

ولا تقيس الحقيقة بالمقاييس
انت عانك تغنّج وانت سفاح

ابتسم جعل تفداك الدنافيس
لو جروحك طعون سيوف ورماح

دامني حي واقدسك تقديس
اجرح وداو يا دكتور جراح

أنا وياك ليليا معاريس
كل ليلة معك عن ليلة افراح :)

[اٰبوۥسۜيۧف @m_qatare]

ياليتني لا بغيت أكره قدرت أكره

#شعر #متعب_التركي

[المطيري. @ulv5i]

من شانها يمتلي قلبي وتفضى الجيوب
القلب بالحب والأموال فضييتها

بين اجتماع المفاتن والجناب الرحوب
تموت حتى العقارب عند توقيتها

ياعزة الخيل ياعيون الغزال اللعوب
من يوم صارت حياتي معك حبيتها

ماكنت اصلي صلاة الخوف وقت الحروب
لكن من الخوف من فرقاك صليتها "

[المطيري. @ulv5i]

ذبحني غلاك الله لا يجزى البعاد بخير
وانا كنت احسب البعد للعاشق الخيره

ياليت الزمان يرجع معي يوم كنت صغير
الاحلام محدوده و الايام تقزيره

ماكنت اتضايق ضيقة اللي غدى له طير
بجوٍ خلا موحش ولا حولهم ديره

يلوح على الحروه بعد ضاق منها عصِير
ونتل موتره قبل الغياب وكسر قيره

على اللي تعبت انسى غلاه و تعبت اسير
على جرته من يوم قفت مظاهيره

حَداني على شيئين يالموت يا التهجير
بعد كنت في بيت الغلا اغلى مساييره

فَرحت بلقانا الاولي فرحة التحرير
وحبست الدموع بنظرة العين الاخيره

لو ان القصايد دلو تبقى المشاعر بير
رحل و انتهت سيرة وصل وابتدت سيره

قصيدٍ يدف شراعه الهم و التفكير
ويضيّق وسيع الصدر ويفك ازاريره

صويب الهوى والشعر مثل ابرة التخدير
ولاني بحاجه للطبيب و عقاقيره

طعني بسيف الهجر والبعد والتأخير
مع ان الخليج بأكمله قريه صغيره

حزينٍ عليه ومن نشدني اقول بخير
وانا ضايقٍ من جور هجره و تأخيره

يقولون خيره واعتبر كل شي يصير
وانا اقول ماهي كل خيره تجي خيره

[المطيري. @ulv5i]

التضحيه .. هي أن تصنع لأحدهم اجمل حياه ، وأنتَ تعلم انك لست فيها .

وعلى أثر ذلك يقول سعد علوش :

"من كّثر ما أقدم لغيري تضحيات
معاد اعرف انا طريق .. او مفترق

الي خذا بيديني لشاطي النجاة
هو نفسه الي حدني على الغرق" .

[المطيري. @ulv5i]

من غدر الأيام جيتك " كارهن نفسي "
لو قلت لي وشفيك ضايق؟ قلت محتاجك
-
من غدر الأيام جيتك — كارهن نفسي
اكثر من أول احبك ! حيل " واحتاجك "

— ثامر شبيب

[المطيري. @ulv5i]

عيني تساهر ليلها من بلاها
شي دهاني باعد النوم عنها

بأسباب ذيك اللي بقلبي غلاها
راحت وهي ما طابت النفس منها

هذا وانا شفت العنا من وراها
ولاني بناسي لو نساني شجنها

حتى لو ان البعد عني خذاها
ابعدت والا صار مبعد وطنها

تبقى لي الذكرى العزيزة معاها
تبقى بداخل بخاطري ما دفنها

قولوا لها باقي بقلبي هواها
قولوا لها والروح بيّن وهنها

بحق من نزل ( تبارك ، وطاها )
لو ما تخلت عني ما تخليت عنها

-متعب التركي

[المطيري. @ulv5i]

خل عنك علوم الاحباب واللى كان كان
انتهيت وسيرة الشوق ماني يمّها

صاحبي حتى انت ماعاد تستاهل حنان
انت بعثرت المشاوير وانت تلمها

صاحبي لو كان لـ ناس والدنيا أمان ؟
ما تموت ورود الأحلام قبل نشمّها

- الشاعر : متعب التركي .

[المطيري. @ulv5i]

شوقي الليله تعدى عن مدى استيعابه
وين آبلقى سجتي والراحه النفسيه

الغلا مايعترف فالعالم الكذابه
يعترف فاللي شعوره فل مصداقيه

من يقول الكون لا يمكن تضيق رحابه
هذا أنا ضاقت علي الكوره الارضيه

في حراوي ديرة الرعبوبة اللعابه
الخيال يعيش فيها كامل الحريه

قبل تحديث النظام وقبل قوقل مابه
حافظٍ في قلبي الموقع والاحداثيه

ودي أصوّر جمال الطلّه الجذابه
وانتي أجمل من جمال الصوره الشعريه

اجتمع لون القمر مع لونك المتشابه
لين صرّتي كنك المجموعه الشمسيه

لا تلومين المولع في برود أعصابه
البرود أسبابه من الكتله الثلجيه

انظري ل اللي دموعه طاحت من أهدابه
أنا راضي لو تكون النظره الفوقيه

كان ما تم اللقاء و الوصل مغلق بابه
دوري لك باب لو من باب الانسانيه :)

[المطيري. @ulv5i]

لي من مراقيب الحبر راس مرقاب
ارقاه عن سفح الحياة وكدره
ا
ملح البنادق ذيّر الظبي وارتاب
ولا للخشوف إن خافت إلا حذرها

عرش الكحل تستاهله عكش الاهداب
اللي غشت سودٍ تكاسل حورها

دعج وراها خفت إقلوب وألباب
وأنا أوجعت قلبي خناجر خدرها

حبيبتي لو يمتلي قلبي أحباب
واجد على جدران جوفي صورها

لي قلبها واحجاجها الطلق لو غاب
عني تلطفها اللذيذ وخفرها

لو للرغد عن ضحكها الترف مجناب
ما جادل الجمر البرد في ثغرها

لها القصايد لا أشتهت شوق وعتاب
واشتاتي إقلادة عقيق لنحرها

لعلها تضحك من الناب للناب
لا زرتها طيفٍ يشاغب بصرها

[المطيري. @ulv5i]

حي الله اغلا من يوقف علي بابي
وأحلا من تهزه الأشواق ويجيني

جت بك محبتك وانا حاسب حسابي
متوقعٍ جيتك هذي وجيتيني

ماني بقايل فقدتك وانتي ادرابي
وشكراً من أعماقي انك ما نسيتيني

طلتك هذي تراها تشفي اتعابي
تدلعي لي وجيبيني ووديني ؛)

لاتسأليني عن غيابي لي أسبابي
ضيعت عمري وراك وضاعت سنيني

انا على خبرك ليا الحين عزابي؛)
محدٍ يراعيني ولحدٍ يداريني

اموري مصلحه وانا على اعصابي
ودنياي كل مالها تنقص مثل ديني ؛)

نفسي هواويّه وقريني أعرابي
وملك على يساري وملك على يميني

وأبليس سلمت له عمري وضحابي
رايح له الله يغفرلي برجليني ؛)

"معطيني الله على نيّات شيّابي
الله يعطيهم الجنه ويعطيني"

ماني بكامل ولا أقصر مع اصحابي
اشيل همي وهم اللي يخاويني

عاتبتهم لين ما ملوا من عتابي
وخلوني لحالي .. الله لايخليني ؛)

[المطيري. @ulv5i]

يا صبري تمسك .. بـ العزيمة وبـ الالحاح
يبا الله يجيب اللي مجيه ، ماهوب شوي

احس الفرج قرب واحس ان عزمي طاح
واقول انتهض بتطيح اجل ما بقا الا هي

الابواب . . ( واجد ) ولا عندي ولا مفتاح
يا ربي بـ حظٍ شلعته . . فوق ، مثل دبي

ابا احارب ( ظروف الليالي ) بدون سلاح
واقول البلا . . فيها وانا ( داري ) انه في

وبارضي ضميرٍ من عذاب المعاصي صاح
انا غاويٍ ما عاد اداني . . ( طريق الغي )

من ابسط حقوق الشخص يندم على اللي الراح
لو انّا نعرف ان . . ( الندم ) ما يرجع شي

يقولون لي .. بكره تزين وعجزت ارتاح
تبا تزين بكره بس من يضمن اني حي

[الطيران السعودي @saudia_aviation]

توكلوا على الله 🇸🇦Clear For Take Off🦅

[المطيري. @ulv5i]

قدام عينـك لـو تطلعـت وخـلاف
تلقى الخفايا خاطـري لـك كشفهـا

[المطيري. @ulv5i]

مالقيتك في تويتر ولا فـ سناب شات
و قامت اشواقي من البعد تصلاني صلي

قبل اعرفك ماعرف ويش معنى الامنيات
و من عرفتك مابقى الا يعرفونك هلي

جيتك ابغى الود ما جيتك ابغى مغريات
الامور الثانيه كلهـا ما هيب الي

قمت ادور ما يجدد علي الذكريات
والليالي قامت تدور الزلة علي

[المطيري. @ulv5i]

وش عليك إن طوّل البعد يالغصن المريف
السنين تخلّي الناس تترك شفّها

يوم تِفرحك السحابة ويجرحك الخريف
كل دمعة تعتذر لي عشان أكفّها

ولا أنا قد ضاع وقتي على الضلع المنيف
للهنوف اللي عباة القصيد تضفّها

جادلٍ لا شاقها البرق وأغراها الرفيف
السماء تقرأ عليها والأرض تزفّها "

[المطيري. @ulv5i]

قمت اتذكر من الماضي بعض مانسيت
واكثر مايأثر علي فالحاضر اللي مضى

والصاحب اللي رضى يبعد وانا مارضيت
لكن جبرت ابتعد وارضى مثل مارضى

اتلى العهد به يقول اكلمك لافضيت
واليوم قد له سنه واكثر وهو مافضى

فيه الرجى ماقضى وانا مابعد قضيت
لكن حبه وتقديره هو اللي قضى