(:

انتو ناس عايشين كويس أويّ وإحنا كويس أوي إننا عايشين .

[شعييل @0ickk]

سرحت بخيالي فيك وأسهبّت فالتفكير
وطلّعت كل اللي مخبى ورى صدري

ماتمنعني حدود المسافة عن التعبير
أنا توّي مسولف معك وانت ماتدري .

- عبدالله السراهيد .

[(: @v29_ii]

خلّي من ينافس جمالك يستريح
من شافك إن ما طاح من طوله شَرق

كل القصيد اللي على غيرك قبيح
اللي انطرق من قبل واللي م انطرَق

شعر النبط ما كان أرَق من الفصيح
قلتي تحبينه ... وخلّيته أرَق

اذا انسرق فيك أعذبه … ماني شحيح
انا انسرق لي قلب ما قلت انسرق

[(: @v29_ii]

المعارف بـ العمر حظ ونصيب
والأسف بعد الخطأ من يصرفه !

مايجيك الجرح من واحد غريب
مايجيك الا من اللي .. تعرفه

[(: @v29_ii]

مترامي الاطراف وين اروح !
سورك وقف بيني وبين الدرب

عليك شرهة صوتي المبحوح
لو كان مالك في ظروفي ذنب

وشلون ابوح .. ومن عليه ابوح ؟
وانا الثقيل ابو الشعور الذرب ..

والله ما يضحك على المجروح
الا الكريه اللي ما عمره حَب ..

[(: @v29_ii]

يعم الهدوء ويستثير السكون الصوت
وأنا بين صوت العقل واحساسي الجايش

ما ضيّعني وذوقني الموت قبل أموت
الا عقلي المتحرّص وقلبي الطايش

أشوف الحياة جنازةٍ في بطن تابوت
لكني رغم كل الصعوبات متعايش

ترا ما أصعب من الموت واللي خلاف الموت
إلا الفترة اللي لا أنت ميت ولا عايش

[(: @v29_ii]

وطنا كل ما هبّ الهوى واسترسل النسناس
اقول الله يحفظك من عيون اللي يشوفونك

وطنا نام بسم الله عليك من الحزن والياس
وبكرا يشرق المجد ومحبينك يصحونك

جعل يفداك كل اللي ضمايرهم بدون احساس
وحتى اللي ضمايرهم نقيه جعل يفدونك

🇰🇼❤️

[(: @v29_ii]

لأن الله أبخص من المخلوق فيك
يا كويت يا أوّل سطر واخر سطر

إيران .. ترسل قذايفها عليك
والله .. يرسل عليك من المطر

[(: @v29_ii]

انتي أكبر كارثه في مجتمعنا الديني
تختلس حبّ البشر يوم البشر حساسة

والله إن عيني على شّوفك تسابق عيني
يا موديل الحسن بالدنيا وهاي كلاسه

من تعاطى إبتسامة وجهك الهرويني
لا تلومين راسه إن ماتت خلاِيا راسه!

[(: @v29_ii]

الساكت الممتلي بـ الياس
يبكي على الغد من أمسه

دايم قليل الخطأ بـ الناس !
أكثر خطاياه في نفسه ..

[(: @v29_ii]

اضحك ، فديت العيون الناعسات الوساع
" الناعسات الوساع " اللي … تثير الجدلّ
ٰ
وان ضعت من نظرتك ياجعله ابرك ضياع
يا جعله ابرك ضياع . . وجعل ما عاد ادلّ

[(: @v29_ii]

ما كنت اصدق مقولة كل قصّة نجاح
من خلفها قوة الهمّه و سود العبيّ

إلين طحت بـ هوى المجمول سِيد الملاح
اللي شرايين خفاقي سبتها سبيّ ..

اثر المعارك ماهي كله بـ خشم السلاح !
اشد من خشمه الفتاك " خشم الظبيّ "

إن صلفق الموج ولا هبّ عكس الرياح
فلا يهمك حرام إنك " بـ سد شنبيّ "

[(: @v29_ii]

تمرّ الناس وتدور اللّيَالي وأنت شرب، وزاد
وأنا أدري وأنت تدري عن نَزاهَة قلبي وْغِلّه

يهون الدرب ما هان الغريب اللي بدون بلاد
ترى لو ما سكنك يشوف فيك الدار، والحِلّة

على إنّي قبلك أمِلّ الرتابة، وأكرَه المعتاد
أنا وجهك لو أملّ البلد، والنّاس .. ما أملّه.

[(: @v29_ii]

خدين الروح وش خلّا مناديب العيون تْطل؟
تحبس الدمع ما كنّ الحزين يبان بـ اسلوبه

دخيلك فكّ قيد الدمع من رمشك، ولامن زلّ
فناجيل الزعل يا مترف الخدين مشروبه

[(: @v29_ii]

الذاكرة !

كل هذا الثقل الذي يحمله الإنسان على كاهله
وليس لها وزن !

[(: @v29_ii]

دريت انك رجعت وهزك الطاري عليّ وجيت
وهم ما علموني .. بس اشوف القاع ممطوره

[(: @v29_ii]

صوتين تسرف بـ الشعور وربّك ..
تاخذني من الأرض لييين الغيمه !

صوتك اذا عبرتي لي عن حبّك
وصوت المطر على شراع الخيمه (:

#امطار_الكويت

[(: @v29_ii]

هواك خلاني اشوف الحياة بوضوح
وافسّر العالم اللي ماحد مفسّره

وان شافك اللي طواه الهم همّه يروح
وعطى المسرّات وجهه والهموم ظهره

الحب ما ذاق لذاته قريب الشّبوح
يذوقه اللي مثل قيس ومثل عنتره

ما يطرب الشاعر اللي ما بصدره جروح
" النّاي " لولا ثقوبه كان عود شجره

[(: @v29_ii]

" انتي على الثوُب الأبيض مَنتي مِن البنات
من بطن غيمة تشبّ الشمس بأطرافها "

[(: @v29_ii]

على وجهك اللي نوره يقدّي السارين
ملامح فراق ونية مابعد بانت

تكبَّر ماكن الله عطا الناس مثلك زين
وأشوفك بعين منْك ما كنّها عانت

حقيقة غلاك أكبر من الظن والتخمين
تهون الجروح ونظرتي فيك ما هانت

مصير الزمن لا دار كانك من الحيين
يعلمك أنا وش كنت والناس وش كانت

[(: @v29_ii]

من الحقيقة ليه بس إنفعلتي 
إنتي جميلة وجه بس شينة طبوع

كل ما بغيت أرضيك رحتي زعلتي
بالأرض مالي غير روحتك موضوع

الله عطاك أسبوع وإن ما رجعتي
الله كريم .. ويعطي أكثر من أسبوع .