نّ.

🇰🇼

[نّ. @v9hii]

ما لقيت بطيب قلبه شخص ٍ يشبهه ويكفيني
صاحبي اللي لو تضيق الارض ، تكفيني يدينه

@1ll8e 💛💛

[نّ. @v9hii]

هو رفيقي في متاهات الدروب ونوم عيني
كل ما ضاقت فجوج الأرض يبسط راحتينه

هو ملاذي لا تضايقني ظروف الوقت وتجفيني
وهو الأمان اللي ليا مالت بي الدنيا يجيني

لا تعثرت الخطا في درب عمري ما يخليني
يمد لي كفه ويوقف لين أعدّي ما يعنيني

[نّ. @v9hii]

The Last Dance starts today @Cristiano 🐐

[نّ. @v9hii]

أعوذ بك ربِّي من الخوف ومن الوسواس
ومن حاجةٍ مالي بها قوّه ولا .. حيله

فيك الرِّجى ما خاب يارب الفلق والنَّاس
ومنك الأمل ما مات لا لحظه .. ولا ليله

أنت اليقين اللي قطع حبل الجزع واليأس
وأنت الأمان اللي بخوفي دايم أشكي له

[نّ. @v9hii]

يارب مالي ملجأ من صكَّة الدنيا سواك
لو شانت وضاقت علي أضْيق من عيون الإبر

الأرض أرضك والسِّماء بأفلاكها العليا سماك
والمنكسر لا من دَعى بإسْمك من كسوره جبر

يارب أنا عبدك وابن عبدك وراجٍ في عطاك
وعبدك ليا ضاقت به الدِّنيا من إلهامك صبر

[َ @iire_24]

يا رَبِّ اجعلهم ثلاثين يومًا
جبرًا، وخيرًا، واستجابةً، وعدلًا، ورزقًا، ونورًا، وبركةً في كُلِّ اتجاه.

[نّ. @v9hii]

روح يا عامنا الموجع و شد الرحال
يكفي اللي خذيت وياكبر ما خذيت

[نّ. @v9hii]

بعض الليالي مامرتني مرور الكرام
احداثها مُحزنه و امراضها مُزمنه

و أنا اللي أقصى طموحاته يعيش بـ سلام
فاقد شعور السلام الداخلي كم سنه

انا الحزين — الحزين اللي عليه الكلام
و أنا الغريب ، الغريب المغترب بـ وطنه

يا صاحبي صاحبك ماهو على ما يرام
الحزن مثّر على نفسيته و بدنه

[نّ. @v9hii]

راسي من الفكر لا يهدا ولا يستريح
تقول كن فيه من كثر الهموم سعره

اعالج الوضع مثل اللي يعالج جريح
ان طاب ولا يزول من الجريح اخطره

ودي اني اسج لو ضاق المكان الفسيح
ولا استمع للهروج اللي بدون ثمرة

من قيدته الظروف و حدته للمطيح
الله لا يجعل عيون العرب تسبره

[نّ. @v9hii]

تمنيت شي وقدر الله شي وصار
ولا لي سوى وجه الرضى لوتصنعته

أنا كنت أحسب إن راحة العبد فيما أختار
أثـر خيـرة المـولـى لـ عبده مسنّـعتـه

نطحت الزمان بقوة العزم والاصرار
ولا اقول طوعني ولا اقول طوعته

تبون الصراحه والله اني بغيت انهار
ظروف الحياه اقسى من اللي توقعته

[نّ. @v9hii]

والله إني ما أغبط إلا جموع الساجدين
لا أستلذوا بالذكر و الشكر و الأدعيه

اللهم كنّ بعوني على طاعتك لين
ألتقي بك في نهار العدل و التسويه

فيك أعلّق هقوتي ياملاذ الخايفين
لا أنقلب حالي على الحزن عقب التسليه

جعلني من ذكرك أروى ياخير الذاكرين
مثل ما الحُجاج تروى بيوم الترويه .

[نّ. @v9hii]

من كثر ما فيني من الكتمان والسر العميق
احيان مع نفسي احس اني عليها مغترب

اداري الضايق واقول ان الحزن بك ما يليق
وانا بصدري ضيقة اللي حس موته يقترب

[نّ. @v9hii]

هدوء القلب والنفس ولخبطة باقي الارقام
هدوء يروع ماعرفت الليله وش هي ابعاده

هدوء يشابه هدو الصوت في لحظة الاعدام
هدو الهادي الميت المنتظر ضرب جلاده

لو الواقع المر منهي يازين العيشه فالاحلام
يشوف القلب مايبغى ومايقدر على اسعاده

[نّ. @v9hii]

من كثر ماني على حياتك .. أخاف
ودي لو أعطيك من عُمري عمر للأخير

كثير أشياء ما هي لازم تصير و تشاف
" إلا ابتسامة شفاتك .. لازم إنها تصير "

خذني معك أرتوي خذني معك للجفاف
أنا معك مستعد أواجِه أقسى مصير

تعيش في قلبي الأول من أول طواف
و يا جعلك تعيش بِـه لين الوداع الأخير

[المُصْحَف @AlMosahf]

رَبَّنا وَلا تُحَمِّلنا ما لا طاقَةَ لَنا بِهِ

[نّ. @v9hii]

تباطيت الفرج يالله وانا داخلي تايه ومرتاب
يصيب من الهوا خاطري صوت رعبوبه

اشوف الامل غايب والعنى داخلي جاب
هموم ملت صدري ولاهيب مرغوبه

مضى عمري الاول وضحكتي ملح وذاب
يلاعبني الزمان وضحك علي بأسلوبه

ولو قلبي مع عقلي الليله بجلسة استجواب
سكت قلبي وعقلي من السكته وضيع دروبه

[نّ. @v9hii]

على كثر مافقدتك كان عندي يقين
بكره تقر العيون بشوف مظنونها

[نّ. @v9hii]

وقتي يصارعني بحدب السيوفي
واصارعه لو مامعي خيل وسيوف

ياكبر هقواتي وياكثر خوفي
تدفعني الهقوه ويمنعني الخوف

واللي حداني عن مرادي ظروفي
صرت اتنازل عن حقوقي وانا اشوف

[نّ. @v9hii]

ضايق صدري ولا ادري وين اروح
كل ما حاولت اسلي نفسي م قويت

ان شكيت همي زادت . . الجروح
وان كتمت الحزن من همي بكيت