صالح بن سرحان

بين الحروف ( قصّة عميقه ) .

[صالح بن سرحان @v_7mn]

صلوا على مِن تدخلِون بشفاعتِة دِار السْلام .
- اللهُم صلّ وسلم على نبينا مُحمد🤍.

[صالح بن سرحان @v_7mn]

-
بسم الله اسمي عليها من العين
( واحـبّها ) وادرى عـليها وأحذّر

لو تطلب عيوني سؤالي لها زين
وشلون لو اعطيـك عيني اعبّر ؟

صالح بن سرحان

[لافي الغيداني @lafihmud]

ماعاد للمبدول ينقال .. مبدول
يزرا علـيـك ... وبلكلام يتمدَا

بالغصب يبغا يصير في جنب ابا الهول
هرم شعر .. كن الردي ماتردّا

ولاقول ماللشعر شعار وفحول
اقول لك هزله .. بجزله تفدّا

اصابه من الذنب ماصاب كابول
ماله وزير .. ولا مليكٍ مفدّا

في ساحةٍ ماهي تحت حكم مسئول
والمدعي فيه الدوا سبه الدّا

هزيلها يركض من الحول للحول
شديد ويطق اصبعه للأشدّا

يركض ويضرب له مزامير وطبول
وجديها بـاقل مـنـه يتجدّا

ماعاد ينفع بالصداع البنادول
اللي من اول بالمسكن يهدّا

كلٍ يشوف العدل بالظلم مقتول
على النعش مثل الجنازه مسدّا

وصلوا معي ماذير الملح عطبول
على رسولٍ فيه الامه تقدّا

[عبدالله السراهيد @Alsraheed]

كثر ما شفت من ؛ الملامح والعيون
في ناهيات الحسن من بيض وسمر

ما كان فرقك .. فرق شكل وفرق لون
فرق " النجوم الساريات " من القمر

تمر في .. « بال » القصايد واللحون
إن ما قدرت ( إنّـك ) ؛ على بالي تمر

الله يسامـحني .. على بـعض الظنون
كنت أحسب إنّك مرحلة وآثرك عمر

[صالح بن سرحان @v_7mn]

@3oi88 عزاي ان تعاما الحظ واقفيت مجبور
وعاشت هقاوينا مثل ( عازف الناي )

يسسسلااام يامقرن 👏🏻

[مقرن بن حربي @3oi88]

بدى الليل يسكن مدهل .. الصبح والنور
بعد طاح قرص الشمس من عين دنياي

تهادى الظلام .. وجرح الايام مستور
وانا اكبح هوى نفسي على .. حد مبداي

احث القلم .. والفكر منهي ومأمور
يحط الفضا كله على .. حيد مركاي

ترى القلب لو ينقل على متنه كسور
لابد إنه يعود .. مع الوقت نساي

الأقدار تأخذنا .. من بداية الدور
ماندري من الرايح ولا نبخص الجاي

يا ذات القوام الغض والنعس الحور
لك العذر لاجيتي ، وجيتك من أقصاي

انا الثاير الي .. جاك واعماقه تفور
احب اشتكي لله .. ولانيب شكاي

معي مايزيد المشهد الهام وشعور
مادام الكلام تخدمه فعول يمناي

ملامك على اللي يقبل بلقمة السور
عسى الله .. لايبلاني على غير بلواي

من يخيل برق العز ماعاش معذور
طموحه يذب الرجم مع كل رقاي

عزاي ان تعاما الحظ واقفيت مجبور
وعاشت هقاوينا مثل ( عازف الناي )

[الحاكم @_alhakm]

#الكويت
#صفارات_الإنذار

اللي يصادف هالجمال يْدوخ
يسحب على الإنذار حرفيًّا

ليه ألتفت وأدوّر الصاروخ ؟
قدّامي الصاروخ شخصيًّا

[صالح بن سرحان @v_7mn]

-

مـحلاك ( يادوله🇰🇼 ) نـحب الارض فـيها والـجبـال
أنتي رغـم انـف العـدو جـوخك ( مـخيّط بـالحرير )

فهد تعزوا يوم جاك الضرب مـن ( صوب الشمال )
واليوم في عزوة ( محمد🇸🇦 ) خير شيخ وخير أمير

( مهما تحاول ) ياعـدو تـلعب تـرى مـالك مـجال
هذي ( كويت العز🇰🇼 ) تبقى شامخه مهما يصير

الله يـعـز ( ال الـصـباح ) بـحكـمـهـا والاعـتـدال
مْـرسخـه ( خـشـم الغـزال ) اللي يـوازي للـغدير

صالح بن سرحان
#الكويت_خط_أحمر

[عبدالله السراهيد @Alsraheed]

بين لحظات التجلّي ولحظات الشتات
روحي أدنى ؛ ما يتلّ - الشعور - يتلّها

كلّ ما قامت تغنّي طرب .. لـ المقبلات
رجّعتها - كل - « ثورة حزن » مَحلّها

يشتويها الخاطر اللي جروحه مرمسات
والعيون . . اللي ( تدوّر دموع ) تهلّها

صاحبي من باب ماجا على ألسنة الرواة
ماأطيب مْن الحاجة اللي تجي في حلها

الظروف اللي تحدّك من الاربع جهات
حلّها عند الله .. اللي جدير بـ حلها

والهقاوي حملها آثقل من جبال السرات
لا تعلّقها على اللي ماهو بـ كفوٍ لها

مشكلتك إنك تهقوى .. بدون مبررات
ماتحسب حْساب دق العلوم وجلها

ولّا من بد الشجر والغصون اليانعات
شجرة الزقوم من ينسدح في ظلها ؟

والله إنّي يوم أبدّي على الهرج السكات
تندبل كبدي . . بـ كثر الهروج وقلها

مبتعد عن كل زحمة بشر مجلود ذات
بين ( يا ليت الليالي ) .. ويا لعلّها

وسارحٍ مع ذكرياتٍ قديمة وأمنيات
خايف إن كبدي عليها تموت بـ غلها

من تركني حاير البال مهزوز الثبات
لا صمل ؛ يِجهز على روحي ولا بلّها

التشبث فيه مثل التشبث فالحياة
بس أنا حتى . . حياتي بديت آملها

ما بقى من حبه .. ألا بقايا ذكريات
ودي إنه « راح كله » وأخذها كلها

[فهد قطنان @Fahad_Qatnan]

سرى الليل واللي يسري الليل من همه
مواصل على موال يا لاح يا ملاحي

يدّور ملاذ من الهواجيس وتخمه
ولا خمّته ما عاد يدري وش يناحي

ابا اعيش جوّي في فضاً ماحدٍ يمه
وأكافح لحالي واتعلم من كفاحي

وابا افضّل العزله عن الضول واللمه
وابشري خسارة ناس واجد من ارباحي

وباب العلاقات الكثيره مع الامه
ابا اقفله بالقفل واطش مفتاحي

ياكثر الرجال اللي ما يبرابها الذمه
ويا قل الرجال اللي مثل خالد مناحي

عموما يقول الشاعر اللي نزف دمه
أنا منجرح وأكثر جروحي من رماحي

وكل ادميٍ يحسن الظن في رمه
أبشركم انه رايحٍ مثل مرواحي

بدأ الهّم ياكل مني اكثر من الهمّه
وبدت تنتقم من عقلي خيوط مسباحي

ادمّدمّ لي مطمّه واسوي لي مطمّه
سلاحي شعر والخوف كله من سلاحي

ياعينٍ تقول تتطالع الناس من قمة
أنا قابلٍ في حزنك بكامل افراحي

جمالك ما خلّا سيرة الماضي مهمّه
ونواعسك هذي جننتني وانا صاحي

تعالي عساني ما اتعّوضك ف ابن امه
يا شيهانةٍ ما تاثق إلا فملواحي

كسرني زماني كسرةٍ تجبر بضمه
تزبّني لعالمك من عالم اشباحي

إذا العمر معك الله يتمم لي اتمه
واذا الموت فيك الله يجعلك ذباحي

[فيصل بن جلوي @IbinJelawi]

يا كويت و الله ما يضيمك يضيمنا
من دونكم والي يصير يصير
**
وصاتن من الشيبان فهمها فهيمنا
دون البلد و الشعب و الامير
**
لين اتخيتونا نجيكم جميعنا
من اول لوانا إلين اخر خفير
****
#فيصل_بن_جلوي

[صالح بن سرحان @v_7mn]

-
بـين ( الـزوايـا ) ذكـريـات ( وكـآبـه )
واحلام ( طاحت ) مثل دمع الجفوني

لا والله الا مـن حـظـوظ ( الـغـلابـه )
اخذت لـي قسمي ( وخابت ) ظنوني

انا اسـيـر الـحـزن ( دمـع الـكـتابـه )
مـابين ذا الابـيات تـسمع ( لحـوني )

يافاتنه وشـهو ( دواعـي ) الإصـابه ؟
اللـي دعـت للـناس تـسمع فـنونـي

اصبح سـجين الحـب شـارب عذابه
مجنون في حبه من اصل الغصوني

احـاول أتـبـع ( جُــرتـه ) فـي تـرابـه
ودي لـو اعـرف وش سبايب ظعوني

بعد ( اقتفى بـه ) شي مـا يندرى به
حسيت ( بالوحده ) وجنّت جـنوني

( كـل ) الخـيالات بـعيـوني تـشـابه
الا خـياله فـي عـيـونـي ( عـيـوني )

حـتى اللي ( يجمعني ) معاهم قرابه
كنت احسبنهم مانسوني ( نسوني )

صالح بن سرحان

[صالح بن سرحان @v_7mn]

@1Jazil -
حطيت لهروج المهبل ( ملفات )
حـطيتها ( تحت القدم ) ورفعتني

وحطيت لـهروج النشاما بطاقات
حـطيتها بـالمحفظه ( ونفعتني )

ليت العمر مسجد والايام ركعات
ويـاليتني لا تبت مـا عيد ( ذنبي )

مهما تجرب من شعور الملذات
مافيه اطيب من شعور المصلي

- سعد بن جدلان

[صالح بن سرحان @v_7mn]

@l01llii الفـرصه المـستعصيه تنتف ( نتف )
( أحـذر ) قـبـول الهينه والـرقـيـقـه

بين الظروف العوج ومداحم الكتف
( امـا تـصـيـر الـحـر ) ( ولا زريقه )

صالح بن سرحان

[صالح بن سرحان @v_7mn]

@klohaa -
هلا يامرحبا ترحيب ( خالي ) من سِهام اللوم
تخص الشاعر اللي نعرفه بالاسم ( وندينه )

طلع نجمك ومابعد النجم يطلع بدر مرسوم
وانا لا من قريت الاسم احس ان الاسم زينه

[³ᴮᴼᴰᵀ.⁷ᵂ @3wa_a9]

وش الومك عليه ؟ وخاطري دون الملامة طاب
ياوجهٍ يوم أشوفه كنت اشوفه وجهي الثاني

كذا استكثرت الراحة على قلبي بدون أسباب
كذا ترضى لي عصف الشتات بعز خذلاني ؟

مثل مأكنت اشوفك حقيقة فـ زمن مرتاب
لقيتك زيف يشكك عدوي كل ماجاني

ذخرتك طلقةٍ ترمي بصدر الصاحب الكذاب
لعل سلاحي موجه على صدري و شرياني

وقفت وقفةٍ صلبه ، بعد ماصفو الاغراب
وجابو لك حطب صدري و ولعت موقد أحزاني

وأنا ورب الفلق والناس والاحقاف والاحزاب
ماكنت احسب حساب لساعة يربط فيها لساني

اعاتب من ؟ والدنيا بخطاها ماعليها عتاب
مثل ما جابني درب الزعل .. لهناك وداني

هناك لـ وين ؟ مدري بس أعرف إن الطريق غياب
غيابٍ كل ماطال ،الطريق تخف نيــرانـي .

كسرت الباب أبو مزلاج حزن ولا بقى لي باب
ودانيت الجفا حتى لو آني كنت ما ادانـي

فمان الله . واللي بيننا يبقى لـ يوم الحساب
اخاف اسامحك يوم الحساب وأنجرح جرح ثاني

[صالح بن سرحان @v_7mn]

-
قامت حمام النوح فالبال ( تطرق )
( موال ) في مـنهو يـسبب سـهرها

الحب موضوعه مـثل شـوفة البرق
يبـسط ولكنّه قـوي فـي ( هدرها )

مـن ذاق ضعن العَفر ما عاد تفرق
معه الحياه في برّها وفْـ ( بحرها )

صالح بن سرحان

[سياف السواط @alo_taibi1]

تعثـرك احـيان شمس الحقيقـه
يكشف لك الواقع عجايب ماتطرى

تبدا هنا تصفى وجيـه .. الخـليقه
وتظهر لك جروحٍ عميقه ماتبرى

راع النوايا البيض … محـدٍ يعيقـه
يلقى العوض والخير في كل مسرى

سراقه بن مالك تعــثّـر … طريـقه
خسر مية ناقه كسب تاج .. كسرى

- سياف السواط

[صالح بن سرحان @v_7mn]

@alo_taibi1 سراقه بن مالك تعــثّـر … طريـقه
خسر مية ناقه كسب تاج .. كسرى

يسلاااام 👏🏻👏🏻.

[صالح بن سرحان @v_7mn]

@3wa_a9 الله يرحمه ويغفر له ويجعل قبره روضه من رياض الجنه ، واسال الله ان يجمعك به في جناته 🤲🏻.

[صالح بن سرحان @v_7mn]

-
مع صوت مـوج البحر والصـبح موزون
ومع غُبشة اصحاب السُفن فالصحاري

ذكرى لِفت عالبال والبال ( مشحون )
( مـعشوقةٍ ) مـنها اخـذت اعـتبـاري

مـا عاد ينفع فـايت الفوت ( محزون )
لا ذاقـت القـرنـاس ( فـرخ الـحباري )

يوم انخطف حلمي بعد كنت مضمون
مـاني بـ لا ( بايع ) ولانـي بـ ( شـاري )

اقوى مـن الفـرقا علـى قلب مـطعون
لا قـامـت ( الـذكـرى ) تجدد طـواري

عـز الله ان ( الحـب ) حـالي ومـفتون
وعـز الله انـي مـنـه جـاني ( مـوارِي )

تـناقلوا مـني عـلى ( لـسان مـجنون )
( نـصيحةٍ ) خـضراء بـها صـك جاري

بعد ( الفراق ) تْصير مبلي ومسجون
وتندم على اللي فيه كنت ( اختياري )

صالح بن سرحان