َ

" الله لو ترد الليالي الماضيه "

[َ @viiiio_]

عطيتك من بشوت الهقاوي ثلاث بشوت
ولافيه بشت جاء مقاسك .. ولا قدّك

أحسبك من اللي لادعيته يرد الصوت
واثاريك تسمعني وودك ولا ودك

أنا والله المخطي خطاً ما عليه ثبوت
عطيتك سلاح يرتعد في كنف يدك

وذخرتك لو انك ما تنذخر في لعب بلوت
وتقدمت بك حدٍ ما هو والله بحدك .

[َ @viiiio_]

يا عظيمة وأنتِ الأشياء الجديدة والقديمة
وأنتِ اللي لو تصد الأرض .. ما صدّيت عنها

وأنتِ أشجع الانتصارات، وملذات الهزيمة
وأنتِ اللي وين ما لقّيت قلبي قال عَنها

وأنتِ أعجوبة زمان الشاعر اللي هَلّ ديمة
وارتوت جدب القصايد لين صح الله بدنها .

[َ @viiiio_]

« اللهُم لا تجعل هذا اليوم يمضي إلا وقد أعطيتَ كُل منا مُراده ، ورويت قلوبنا بفيض كرمك ، وحققتَ لنا ما كُنا نظنهُ مُستحيلاً يالله »

[َ @viiiio_]

يابو ضحكةٍ ماتعترف في وطن وحدود
تمر القلوب الصادقه .. دون تأشيره

وانا واحدٍ قلبه نظيفٍ وعِرفه زود
مهو بـ لاحقك شرّه إذا ما الحقك خيره

يشوف السنين اللي معك هي عمر و وجود
وباقي السنين اللي بليّاك … تقزيره

جعل وجهك أبيض من كثر ما يديك تْجود
يا ويش الشعور اللي معي منك تأثيره .

[َ @viiiio_]

هلا يابسمة الوجه الحزين وخاطر الملتاع
هلا يانسمة الليل العليل وضحكة أيامي

عرفتك وأنتهى عصر الحسافه والتوجد ضاع
ولقيتك واقعٍ أجمل مدى من سالف أحلامي

أنا وشلون لو أبعد وأقول إن الدروب وساع
وأنا مالي سوا دربك عظيم ومصدر إلهامي .

[َ @viiiio_]

سوالفك معها البشاير تهلي
أعذب من النسمات وأطيب من الفال

أطهر من القلب الخشوع المصلي
وأصدق من الضحكه على وجيه الأطفال

ضلعٍ يرحب بك وضلعٍ يهلي
تربعي وسطه من الجال للجال

لرضاك ترخص وقفتي في محلي
ودموع عيني لا تذكرت الأطلال .

[َ @viiiio_]

سلمته الروح و أغليته على البدّه
يرعى مفالي حشاي ويارد عدوده

من كثر ما أتوق له وأغليه و أودّه
تنقص مقامات بعض الناس من زوده

ماوالله أقسى على العاشق من الصدّه
إلّا إنّ كبده بحدّ الموس مقدوده .

[َ @viiiio_]

"مضىٰ مُعظمه وبقيَ أعظمه"
اللهم تداركنا بلطفك، وأعنّا على طاعتك، وبلّغنا
ليلة القدر، وتقبّل منّا يا أرحم الراحمين"

[َ @viiiio_]

على وين ما أسج القدم شرق ولا غرب
أشوف الليالي ما تشابه سنا .. ليلك

قضى ثلث عمري بين ضيقة وحالة حرب
ما بين إحتقار الناس و ما بين تبجيلك

أنا وين ألّد العين منّك و أدور درب
و كل الدروب إللي تودي ، تودي لك .

[َ @viiiio_]

يا غناة القلب يا مدهل الصدر الوسيع
يوم صدر الشاعر الذرب محدً يدهله

جيّتك تكفيه عن جية العالم جميييع
قافل مخرج مكانك و قافل مدخله

أنت شوفك خير و أمطار و سيول و ربيع
و شوف غيرك مثل شوف الديار الممحله .

[َ @viiiio_]

مرحبا ، يا وجهٍ أذكره من شدّ الرحيل
مَبدعك ربي من أنسام ليل ومن حَيا

ما أذكر أني كنت طرقي ولا عابر سبيل
" بعدك " الدمعه شحيحة وضحكاتي ريا

غايتي لا أمحل ربيعي أهيم بكل ليل
فيك طاولت المسّرة ولوعات الغْيا

و أن ذبل غصني لقيتك قراحٍ سلسبيل
دونه تهون المساري و الأغصان تحيا .

[َ @viiiio_]

تبختر وطل بحسنك اللافت الخلاّب
جمالك يهدي روعي ويضبط أعصابي

عيونك قصيد وبسمتك تخطف الالباب
وكلامك لطيف وحكمتك حكمة إعرابي

أشوفك هنا وهناك وإعجاب تلو إعجاب
ماشفت ابتسامة عيني ونظرة إعجابي ؟

وش المانع أحبك ؟ وأحبك بدون اسباب
ماعندي سبب مادامك أنت أجمل أسبابي .

[َ @viiiio_]

كل دربٍ تمرّه .. لو تمرّه عبور
شعشع النور فيه و ليلته عامره .

[َ @viiiio_]

"حيثما كنتم فصلوا عليَّ فإن صلاتُكم تبلغني"
« اللهم صلّ على نبينا محمد »

[َ @viiiio_]

الغيث لا هلّ كنّه .. عذْر رد إعتبار
عن الغياب الطويل وجارح شْموسها

يا حبّني للغيوم الزِّم .. والإنهمار
من يومني صْغير وانا ودّي أبوسها

الغيم والحُب وأنفاس المطر والوَقَار
أشياء ما تشتريها النّاس .. بفلوسها

[َ @viiiio_]

كيف يلحقني من الوقت .. و الأيّام روع ؟
و أنت مدّاتك سَحابة و فزعاتك وبل .

[َ @viiiio_]

هني والله اللي فيك مايقبل التبديل
يبيع الحياة إن قيل له لأجلها بعها

يعرف إنك أجمل ماخلق بين هذا الجيل
جمالك مهوب الحاجة اللي يضيعها

محبتك عنده واجبه خلي التأجيل
أبواب الهوى قد شرعت لك مصارعها

ترى الحب مايقبل من العاشقين بخيل
ماخاض الهوى غير أكرم الناس وأشجعها .

[َ @viiiio_]

"يا أغلى مقادير عمري واصدق آماله
الله يديم الرضى .. ونعيش في ظله

ادور اللي يسرّك واتعنى له
واقدّم العمر واقول يا قلّه

لي عمر محدٍ وقف قبلك على جاله
ولك قدر محدٍ قدر فالناس يوصل له .

[النّاي @iiixye]

صباح الخير❤️
هذا وقف لأبي حبيبي ،قُرّة عيني و سلّوة فؤادي ،ملاذي و ضماد جرحي
اسأل الله أن يجعل كل ما أصابه تخفيف ذنب و رحمة و إن يعوضه بجنات عرضها السماوات و الأرض.
رتويتك ومساهمتك في نشرها نفس مساهمة اللي يدفع لا تبخلون على أنفسكم و موتاكم بالآجر.

https://t.co/lKeUDZMRPK

[َ @viiiio_]

عليك الغلا مردود يالغايب الموجود
سوالف غابت مير طواريك ما غابت

غيابك حضورٍ له بصدر البيوت شهود
وش اللي يغيب ضحكتك والغلا ثابت

أحنك مثل ما أحن وجهي من المنقود
وأعدّك ليا عدّيت الأيام وش جابت .