𝑀𝑂𝐻𝐴𝑀𝐸𝐷 𝐴𝐿𝐴𝐽𝑀𝐼

اُحب الصالحين ولست منهم❤️.

[𝑀𝑂𝐻𝐴𝑀𝐸𝐷 𝐴𝐿𝐴𝐽𝑀𝐼 @viiy55]

اهتم بصلاتك ف هناك مكاناً
اجمل من الدنيا ينتظرنا ❤️

[سطام بن بدر @asqwzxd]

والله مايقبل ضميري وناسة
الا بمجلس غشمرياً سنافي

خطوى ابلجاً من طيب ساسه وراسه
يضحك وقلبه للمناعير صافي

[نـفـود @_Nfoodd_]

عليه اللوم ودموع الهقاوي والسلام الحار
كثر ماكان في صدري حكي قاسي ولا قلته

بيفقدني وياكله الندم وبتوجعه الأفكار
وانا جعل الله يقطعني اذا في يوم واصلته

عزاي اني عطيته فوق حقه والزمان اطوار
تركته للغياب اللي يصحيه ان تجاهلته

[𝑀𝑂𝐻𝐴𝑀𝐸𝐷 𝐴𝐿𝐴𝐽𝑀𝐼 @viiy55]

ماخلقت امشي على الارض عبدٍ للرجال
احترمها بس مانيب احب خشومها

[محمد مناور النفيعي @mhmd_mnawr]

وين رحب الاراضي يالصدور الرحوبه
العنا من ثلاث اعوام يبرق بالاكّه

ضايق الصدر ملّ الصبر وزرار ثوبه
لا هرج عن معاناته مع الوقت ضكّه

طوّح الوجد بشماغه وفرّغ جيوبه
كنّه يشيل فوق المتن الاقشر ابلكّه

يدري ان فيه حظٍّ مثل حظّه عقوبه
مثل مافيه سدّ وفيه شارع وسكّه

وفيه ثلجٍ جليد وفيه نارٍ شبوبه
وفيه للتمر كنز وفيه للسمن عكّه

عرضوا وجهه ل قفرٍ تزبّر نصوبه
واتركوا خنّة البن اليماني تصكّه

مهمهٍ ما يجيه ارسال والنار دوبه
يلحق اللي يشوفه فالخلا منه شكّه

مستكنٍ لحاله والعرب ما دروبه
صلّح من الحصا الابيض على الرمل دكّه

يتفكّر بخلق الله ويقطع دروبه
ماله ومال خلقٍ تمسكه ما تفكّه

صنفرت وجهه الدنيا وكوّت جنوبه
لين ماعاد يفرق مقلبه من محكّه

المصايب تواصى فيه ما قال توبه
والزمن لا ضحك سنّه معه قال بكّه

والردي ينبش جروحه ويفتش غيوبه
وان لقى بابه مسايف على الخير صكّه

الردي ودك ان الله ما يغفر ذنوبه
لو يصلّي تهجّد كل ليله ب مكّه

[قرينيس @qrenees]

ما فيها حرج . . يا جعل يفدونك الرديان
هل الطيب ذاخرهم لو انهم ورى شبوّه

انا عاذرك واللي حصل فات وانت حصان
ما والله اسج مـن المراكيض . . . بالكبوّه

[مساعد بن عريج @bin_3rej]

~ الجديد ~

٠
٠

اثر الولاء محصور بـ وراق وارقام
وانا احسبه محصور بالروح والدم

[𝑀𝑂𝐻𝐴𝑀𝐸𝐷 𝐴𝐿𝐴𝐽𝑀𝐼 @viiy55]

ودك تعرف ان صبري على صبرك يزود
الليالي تبي تكثر و جرب عدها

باكر اليا احترت ودك تعود أو ماتعود
شتت أفكارك ولابعد مسافه ودها .

[𝑀𝑂𝐻𝐴𝑀𝐸𝐷 𝐴𝐿𝐴𝐽𝑀𝐼 @viiy55]

« عقلك الرّزين وقلبك الشقيّ »

من أشنع الصراعات وأقواها صراعات العقل الرزين
والقلب الشقيّ ولو حكمنا نفوسنا بقرارات عقولنا
كان زانت أمورنا / لكن البلا لا تصرفنا بقلوبنا وتبعنا
هوانا والبلا الثاني لا تناقضت قراراتك
بين : عقلك وقلبك .

[𝑀𝑂𝐻𝐴𝑀𝐸𝐷 𝐴𝐿𝐴𝐽𝑀𝐼 @viiy55]

أبقى معه مثل الدعاء المستجاب
ويبقى معي في ضيقتي مثل الفرج

نعذر بعضنا كان غبت وكان غاب
لا ينحرج مني ولا منه أنحرج

على القدا يعدي مثل عدي الذياب
وعلى الخطأ يمشى مثل مشي العرج

إن صرت له عن لاهب الكنّة حجاب
يصير لي في مطلع القمّة درج

[محمد المقحم @mohamed6290]

أنا اللِّي والله حياته مالها خانة
وأنا اللِّي أعز ربعه.. ما يعرفونه

مافيه شي يستحق أعيش من شانه
ولا فيه شي يستحق أموت من دونه"

#محمد_المقحم

[𝑀𝑂𝐻𝐴𝑀𝐸𝐷 𝐴𝐿𝐴𝐽𝑀𝐼 @viiy55]

نتفق نختلف عاداتنا مثل ماهي
كلش الا مواقفنا وعادات اهلنا

وان تباهو هل الوقفات لاجل التباهي
يامواقيفنا قومي تباهي بدلنا

[محمد المقحم @mohamed6290]

الأصدقاء الذين عرفتهم في مرحلة جميلة من حياتك لا تستطيع أن تُقابلهم وأنت متعب،تضل تتهرب من رؤيتهم حتى تتعافى.

[عبدالله آل لزيوح @87_a_]

نهارٍ غثيره يرضي .. الخاطر الزعلان
لك الله كن الشمس بالغيم محجوبه

تخفّى بعضها فـ الغثير وبعضها بان
مثل بنت عودٍ يوم شافوه .. هلو به

عطوه النشاما منحر المجلس المليان
وهي تتقي من زحمة الناس في ثوبه

[راكان @Alsharway]

يا عبدي لو علمت كيف أدبر لكَ أمورك، لعلمت يقيناً أني أرحم بك من أمك وأبيك، ولذاب قلبكَ محبًة لي، فقُل الحمدلله

[صالح النشيرا @saleh_neshaira]

مالقيت .. الجواب اللي يثمّن سؤالي
انت ماتدري ان نفوس الأعراب عَفنه؟

مـ انت بـ اول رفيق غيّرته الليالي
اغدر الود واكرامه من اليوم دَفنه

لاتبرر وترخص قيمتك وانت غالي
اجمع اللي لقيت من المعاذير وافنه

ماقدرت .. اتجاوز كلمةٍ قلتها لي
وزنها وزن ريش ومسها مس ثفنه

[محمد المقحم @mohamed6290]

رفيقي اللي ما يطيق المنه
لا ضعف ما ابيّن لضعفه طاري

احارشه كني مانيب احنه
عشان ما أحسسه بني داري

#محمد_المقحم

[𝑀𝑂𝐻𝐴𝑀𝐸𝐷 𝐴𝐿𝐴𝐽𝑀𝐼 @viiy55]

اليا خذاك الكبر ف انا سليل الكبار
اللي تناقل فعايلهم شيووخ الهجرㅤㅤ

جدودي اللي مسيرتهم بكل اختصّار
مخلّدين الفعول و كاسبين الأجرㅤㅤ

من دون نفسي ما أحب الذل والانكسّار
نفسي عزيزة و قلبي دون نفسي حجرㅤㅤ

ما هابوا جدودي الفرسّان فوق المهار
وشلون أبى اخالف جدودي وأخاف الهجر .

[𝑀𝑂𝐻𝐴𝑀𝐸𝐷 𝐴𝐿𝐴𝐽𝑀𝐼 @viiy55]

ايّ والله اسيّن ياكبدي من الضيقه
اللي عقبها ماني . . ب إياي متغيّر
ِ
حتى ضلوعي لها حنّه ، ومنطَحنَه
انشهد انها دبور . . . وملعنة خيّر.

[𝑀𝑂𝐻𝐴𝑀𝐸𝐷 𝐴𝐿𝐴𝐽𝑀𝐼 @viiy55]

كرامة الطيّب أكبر من كبار الظروف
وقسوة ظروف الحياة تلاوعه في شقى

والوقت متغير وصلف الليالي تحوف
عزيز قومٍ يكابر و الظروف محقى

ولو يختلف كل شي وكل شي منه خوف
يبقى على أرحب وحيّ الله ودام البقى

لو كان ما يملك من المال قيمة خروف
يملك وسبعين نعم وهقوة اللي هقى