☪︎

[☪︎ @vlleww]

خاوينا القصيد .. يوم شفنا للبشر عدة وجيه

[قصيـد @eix6__]

مرحوم ياللي كل ماجيت برثيه
عجزت اعبر بالحكي والكتابه

اللي خذاه الموت ماني بناسيه
وعقبه تجرعت الحزن والكأبه

الفقد موجع والقدر راضيّن فيه
والدمع يذرف مثل وبل السحابه

يالله ياللي نلتجي به وندعيه
تغفر ذنوبه ثم تسقي ترابه

[بَذخ. @1i__g]

عطتني الظروف الصمله ورفض الاستسلام
وخذت لون وجهي عقب ماوجهي بنيّر

من يعز نفسه حط نفسه كبر الاهرام
ومن يهين نفسه حطته نفسه صغيّر

وانا واحدٍ لو ضامه الوقت ما ينضام
تجور الليالي غير مانيب متغير

ولو خيروني في غناتي وسبع انعام
على السبعة الانعام ماني ب متخيّر .
#بـذخ

[مستعآر @xx_q01]

فصدورنا ، مستودع اهات والام
وفوجيهنا ، عكس انهيار المحاني

نصبر ، على رجوى مقابيل الايام
وتجاهل الفايت ، وجور الزماني

انا الحزين اللي بوجهه تبسّام
وانا الامل ، رغم انخذال الاماني

ماني بعيش العمر في ظل الاوهام
عمر الوهم ، مايخلق انسان ثاني ؛)

[مستعآر @xx_q01]

لله دري .. على الصبر وعلى الاعتياد
اواجه الوقت صلبّ وخاطري ما حكى

انا اكثر انسان تشكي له قلوب العباد
وعلى كثر ما يواسيهم ما عمره شكى ؛)

[قروب شعر @Group_she3er]

هذا أنت ياللي .. مال حبّك نهايات
يستقبلك حاضر و يحضنك ماضي
ㅤ
في زحمة العالم .. لو تمْر لحظات
كنّ المكان اللي تجي فيه : فاضي
ㅤ
بس أنت من يجعل من الهم بسمات
" يمرّك الزعلان . . . ويروح راضي

[ّفـــراج @tllq5]

عن ربيع احساسك العذب ما تبت الطراد
لين ربّيت المواثيق وافنيت الشكوك

امسح الخوف وتسامى وصدّ من السواد
نهجر الليل ونسيم البراد ان روّعوك

انت بين العين والقلب يزهاك القعاد
مثل لا منّك تربعت بين امك وابوك

[ّفـــراج @tllq5]

البارحه ليلي هموم وكوابيس
وابعد من الجوزاء علي الوناسه

ماغير انا والليل والثالث ابليس
كلن على الثاني يبي له رياسه

مدري ظروف اوحب ولاهواجيس
والاالثلاثه كلهم فوق راسه

[ّفـــراج @tllq5]

دكت على صدري هواجيس وأحلام
وأصبحت أفكر في تقلب زماني

ساعة تعلمني مقادير الأيام
وساعة أعلمها بعلم دهاني

أمشي بهمي محفي روس الأقدام
أما طويت الهم وإلا طواني

يالله دخيلك صابني سهم الأوهام
لين ارتكز بين الضلوع وكواني

لا قلت هذي عادتي صار لي عام
أعد وأسجل وأحسب الثواني

[ّفـــراج @tllq5]

زول خذا قلبي غدا به نهابه
عليه بيبان الضماير مغاليل

علـّق ببيبان الضماير صوابه
تعليق عكفان المسامير بالخيل

أنا أشهد انـّه صار فعله جوابه
وانـّه عسير ولا شبح فيِّ بالحيل

بنت اللذي كم من قطيع غدابه
فوق المهار القحص وهجن مراميل

[قروب شعر @Group_she3er]

وجيه العابرين تمرّني .. ما تلفت الأنظار
مدامك لافت أنظار القصيد و لافت أنظاري

أنا كل اللي أعرفه .. أحبك حُب بـ استمرار
وأشوفك راحة أيامي و أشوفك أجمل أقداري

وغريب الدار في حبّك ما عاد انّه غريب الدار
خذا حلو السنين و جاك لا بايع ولا شاري

[‏᷂عسر٨٨ @Qhta10ni]

اكابر واجامل وانطح الضيق بالسجه
ونا في ضلوعي من قسا الوقت ماريه

[معكاز شعر @M3kkaz]

ارفع مقامك عن علوم المذله
وربك على طيب النوايا بيعطيك

واللي يثير الشك والكره خله
إرسم على بيض النوايا مباديك .

[‏᷂عسر٨٨ @Qhta10ni]

من قسوة الوقت وإلا قسوة الضيقة
كم مرّةٍ متّ لكن ربّي أحياني

صك الثقة عاد باقي في مواثيقه
واحد من الربع وإثنينٍ من أخواني

مسلّم الأمر لله وتوافيقه
ماعاد دقّقت فأصحابي وعدواني

لو يكشف الله ستره عن مخاليقه
ماعاد سلّم حدٍ منهم على الثاني

[قروب شعر @Group_she3er]

كثر ماعندي مزاجيّه وعندي ميول
يوم أكذب نفسي أقدر على تصديقها

كل يوم يمر في داخلي أربع فصول
والحياة تطيقني ، بس أنا ما أطيقها

تكبر أحلامي وأضحك وأنا أردد وأقول
خالق الأحلام قــــــادر على تحقيقها

[قصايد @hnoof_x]

في رجا فجرٍ يزف - الرضى والرحابه -
وأحتفي فيه وأنسج من نسيمه وشاحي

ما بقى غير — صبرٍ يفتح الله بابه
وكلمةٍ في حشاي وطلقةٍ في سلاحي

ووقفةٍ ما تزيد الا مقام ومهابه
أتقلّد وراها فرحتي وإرتياحي

[معكاز شعر @M3kkaz]

دنياك يا الحيّ ما تسوا ولا حاجه
ايامك الفانيه مسرع نهايتها

تطلع بدرّاجه وترجع بدرّاجه
كنّك تعود لحياتك من بدايتها .

[‏᷂عسر٨٨ @Qhta10ni]

دوامة اوهام ومدارات واقواس
هدت عزومي وذبحتني وانا حي

احس بوصيف الهوا داخل الراس
ماينتعالج بالعقاقير والكي

نومه وغيبوبه وسجه وهوجاس
اروح لدكتور وارجع وهي هي

[معكاز شعر @M3kkaz]

احتزمنا للمقادير ب الصبر الجميل 
بـين صكات الليالي و ميلات الدهر 

ولا رضينا الذل لارحم ابو جد الذليل
الـخوي نفرحه و العدو يلقى القهر .

[معكاز شعر @M3kkaz]

نداري تقلاّب الزمن والزمن ؟ دوّار
يغيّر مضامين النفوس ومشاعرها

صبرنا عليها والصبر للحليم إشعار
تجينا الامور الكايدة وإنتصاغرها .

[معكاز شعر @M3kkaz]

يامدوّراً بالناس نقص وعذاريب
قبل تعيب الناس فكر بعيبك

مالك ورا الاجواد حق ومطاليب
تخطي على العايب وتظلم نصيبك

هرج القفى عند العرب دايمٍ عيب
احذر من المظلوم دعوه تصيبك .