الكايد

اكتب من الشعر مايطري على بالي): '

[الكايد @vp1200]

@barq ولا ريال

[ناصر الحمادين @nalhmadeen]

ياعذبة الصوت فينا مايكفينا
تبسمي ياجميلة واخذي علومي
..
ماعاد فينا قلوب اللي بقى فينا
ستايراً كل ماهب الهوى تومي ..!

[الكايد @vp1200]

اللي انا احبهم .. مايهموني
ان صفوا ؟ ولا قدرت اتخطاهم

انا مشكلتي معى اللي يحبوني
لا اقدر احافظ عليهم ولا انساهم

خالد مبارك

[الكايد @vp1200]

الحب مخلوق مثله مثل الانسان
يكبر ويضعف ويمرض ويتوفى

والناس مثل القلوب اشكال والوان
والموقف اليا حصل كفّى ووفّى

قلبٍ سوات اللئيم يهين ويهان
وقلبٍ عزيز ومتى ماهين قفى ):

[الكايد @vp1200]

يقول خالد مبارك :

يالغالي اللي غلاك جنان ف جنان
يبعد ويقرب ويظهر ويتخفّى

احيان احس انك المظلوم واحيان
احسك إن هلّت جروحي تشفّى

احبك اي والله احبك الى الان
لكن صبري معي ماعاد كفّى

ماعاد يمديني اجامل علشان
ترتاح وانا اجرع الموت المصفّى

[فهد قطنان @Fahad_Qatnan]

مساء الفل ياللي كل مافيك فل الفل
عسى ما تغيرتي علي ونسيتيني

أنا بعيد بس أحبابي اقرب لي من الظل
قريبين من قلبي بعيدين عن عيني

وانا صدق احبك بس احب الوصل لا قل
اشوف ان وجودك في خيالي يكفيني

ياحلو العذاب اللي يجي بين خل وخل
وحلوك وحلو طيوفك اللي تسليني

جبرنا الزمن ناقف على اطلالنا ونطل
حلالاه يا ماضٍ مضا بينك وبيني

تعبت اتذكر وقتنا الاول اللي زل
أنا الماضي اللي فيه فرحه يبكيني

أبا امل من حبك ولكن عجزت امل
وعجزت آخذك والعجز ماهوب مرضيني

إذا عايفتني صدق روحي تراك بحل
أنا والله اني ودي انك تعافيني

كفاية عتب ماعاد عندي دموع تهل
ذبحتيني الله يرحم امك ذبحتيني

تقولين دوّر حل واقول مالك حل
لو الحل عندي كان جيتك برجليني

لا تستغربين ان شفتي اني بديت اختل
ولا طحت طيحة منهزم لا تلوميني

أنا ما انهزمت إلا بعد ما هزمت الكل
وصاروا معاديني منول محبيني

يحبون شعري في ضياعي وانا ابغا ادل
واركز على نفسي وأركز على ديني

[العتيبي سلطان @s_alotaibi53]

الا يا...... والليالي حزن وسرور،
وصدري وصل حدّه وبيحت مكنونه

سلكت الطريق ( المظلم الموحش المهجور)
وحبيت لي من بدة الناس .. مزيونه

حسبت الهوى ضمن القوانين في الدستور
واثر كل عاشق صار يمشي .. بقانونه

شهد لي على حبه .. ولكن شهادة زور !
وقفى وحمله شايله .. من على متونه

لو إن العذر ينسيني اللي مضى ؟ معذور
ولكن بعض لاحيان .. لاعذار مدفونه ،

ف اذا شفت لك رجال عايش بدون شعور ؟
تأكد تماماً خاب ضنه بمضنونه :(

[الكايد @vp1200]

اشوفك تمّن وتكابر وانا من عرب
اول مايقفي بهم .. معزه نفوسهم

[محمد ظافر @ip1616_]

عشان ما الّفت عين واشد انتباه
افهم واسوي نفسي اللي ما فهم

الموت ما تمنع منه .. سترة نجاه
خصوصاً اذا صار في قلبك سهم

( تعال ) ياللي بين هاه وبين هاه
واعلمك معنى الحقيقه والوهم

ترى الحياه الي معك هي الحياه
والا الحياه اللي بدونك ما تهم ):

[الكايد @vp1200]

كم واحدٍ طيبته هي مصدر احزانه

[الكايد @vp1200]

@Sowwo5o والله ابد

[الكايد @vp1200]

الجو يطلب له قصيد ومووايل ):

[فهد قطنان @Fahad_Qatnan]

يا بنت ياللي من بني حوّا
الوقت سرّا يتبعه ضرّا

الناس خربانين من جوّا
مغير أنا الخربان من برّا

[الكايد @vp1200]

أنا سيّد أفكاري ما أحب أتبع التنوير
قناعاتي اللي داخلي .. موجز أحزاني

ما أعيش الحياه اللي تجي وفق فكر الغير
شعوري عميق ومنطقي منطق إنساني

ولاني بحاجه حُب واهم ، ولا تقدير
أنا نصفي الأول .. وأنا نصفي الثاني

[الكايد @vp1200]

وش عاد باقي يا محطات الحنين؟
تعبت اضيع في محطاتك عمر

صارت قناعاتي تمثل . . كلمتين
ما اللّه كتب ما اللّه قسم ما اللّه أمر

- سعد الدحابيب

[الكايد @vp1200]

عاشقك ، ما ضاع وليا ضاع دلّك
والمشاعر ، ما تضيع وقلبه أدرى

يوم قفّا الوقت فيك ، ورحت كلك
ما بقى له من غيابك غير ، ذكرى

حاول يخلي غلاك ، وصار خلك
وحاول النسيان يوم أقفيت ، وازرى

أدري إن الشوق من قلبي ، وصل لك
وادري إنك تفتح ، حسابي وتقرا

[الكايد @vp1200]

تريد شي ويفعل الله مايريد
وتخون ابو قلبٍ قوي شجاعته

عيب الفراق انه يبي قلبٍ بليد
يالعنبوا جد الفراق وساعته

قصر على العذب وعلى عبدالمجيد
والايفون عطني طرف سماعته

مانيب من صمتي وحزني مستفيد
مليت من عذري ومن شماعته

ناصر الحمادين

[الكايد @vp1200]

@Fahad_Qatnan حنا مجانين ابداعك يامجنون🕺

[فهد قطنان @Fahad_Qatnan]

"المجنون شخصياً"

[ناصر بن مفلح . @nassre_]

"

من دافع الود .. مدري دافع الأشتياق
أقبلت و الشوق ماحوله شكوك : و زلل

أبني عليك إختلاف ( الراي ) و الأتفاق
رغم إختلاف المبادي و إختلاف الملل

التضحيه معك .. لو تبلغ محيط الآفاق
ماهيب واجد على إللي يسهجون الحلل

الحب فيه الوصل و البعد نفس السياق
يحط فـ القلب ثقب !.. وفـ الخلايا شلل

ياغاية الروح حسنك واصل أوسع نطاق
يعني جميله .. ماتحتاجين لا أبها الحلل

لو قالو الناس فيك إللي لا يمكن يطاق
ابشرك كل ماقالو ؟.. ما يسوى ( هلل )

مافيه مثلك مشى من تحت سبع الطباق
من ساكنين الخيام ؟.. و ساكنين الفلل

الساعه إللي معك " بداية الأنطلاق "
و الساعه إللي بدونك ؟ كلبوها ملل

أخاف و أضيق و الأنسان لا خاف ضاق
بـ الذات لا جاني الطاري بـ الأمر الجلل

حنا رياجيل ؟.. لكنّا نخاف " الفراق "
إللي ما خاف الفراق : أكيد عنده خلل