سـمّية الــنّــور🪞

"عَيْطموسٍ كل مطلع صبح تستاهل قصيّدة🎠

[سـمّية الــنّــور🪞 @vuvrr2]

لا أستوى في عين شوقك رحيلي مع بقاي
إستوي يـ الأرض ما لـ الغريب إلا هله !

[سـمّية الــنّــور🪞 @vuvrr2]

الوداع اخير من بعض المسالك
لو وداعك يترك اعماقي جريحه..

[سـمّية الــنّــور🪞 @vuvrr2]

صكيت بابك ؟ مستحيل اطق باب
يخلي النفس العزيزه , ترتجي

تبي الصراحه يوم جربت الغياب ؟
نهج المحبه ما يناسب منهجي

الله يصبرني على طول العذاب
اللي يجيني , لا تحريتك تجي

- سعد بن لويبه

[سـمّية الــنّــور🪞 @vuvrr2]

"قال قد الفراق وقلت قد الفراق
يحسبني ما أسويها ـــ وسويتها"

[سـمّية الــنّــور🪞 @vuvrr2]

هاجر ودرسك مَعَك والوقت درسَه له
وانا من دروسك وْدرس الزمن شايم

الوقت .. خذيت منّه تجربة كهله
وطاحت من عيوني الدنيا وانا قايم

والكفر ملعون ابو لهبه وابو جهله
والعشق ملعون ابو بايعه والسايم

[سـمّية الــنّــور🪞 @vuvrr2]

هو مرك الشوق وألا هز وجدانك؟
هونّي على البال وألا سامحً مني؟

نسيت يوم أسرق الكلمة من لسانك
عادك "رضيع الهوى" ماصرت متجني

لكن كبرت وكبر حبك وطغيانك
وانا على الحال لا وني ولا وني

والرغبة اللي تراودني لنسيانك
وثقت فيها .. ولكن خيبة ضني

[سـمّية الــنّــور🪞 @vuvrr2]

وأنا بعد رحت ماطوّلت مقعادي
مقاعد الذل نفسي ماتدانيها

أزهد بها وأترك الجمّال والحادي
والله يا لو تنوزن بألماس مابيها

من باعني لو تكون أجداده أجدادي
بعته وبعت الديار اللي سكن فيها..

[Cristiano Ronaldo @Cristiano]

It means so much to us 🏆 YALLA NASSR! 🟡🔵

[سـمّية الــنّــور🪞 @vuvrr2]

﴿ وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ ﴾
الحمدالله ما انتهى درب ولا ختم جهد ولا تم سعي الا بفضله وما تخطى العبد من عقبات وصعوبات الا بتوفيقه ومعونته فالحمدالله على التمام❤️

[سـمّية الــنّــور🪞 @vuvrr2]

من كثر ما روعني الوقت وارتعت
صرت أشرب العصفر قبل "لاأتروع"

- زبار الحربي

جاني من الروعات وملاوع البين
"شيٍ يخلي العصفر أحلى من الماء "

- بيت يتيم

[سـمّية الــنّــور🪞 @vuvrr2]

لي أيام سارح مايشد انتباهي شي
يمر الكلام المختلف كنّه العادي

احس إني أملك كل حاجة مابين يديّ
واحس إني الخسران من كثرة عنادي

[سـمّية الــنّــور🪞 @vuvrr2]

على خطاويك يا المقفي ، يحن النديم
حنين عودٍ على ماراح له من سلف

من سجّة الذكريات لـ عاذيات النسيم
غيبوبةٍ ، ما تصدقها لو انْك اتحلف

من ذاق طعم الليال الخاليه من قديم
لقيت في رف عالم ذكرياته ، ملف..

[سـمّية الــنّــور🪞 @vuvrr2]

حدني على المفارق وانا ماريدِ
والجفا والبعد شيٍٍ من الحرمانِ..

[سـمّية الــنّــور🪞 @vuvrr2]

سلامة رماحك اللي جرحها غالي
طعنتني غاضبٍ لين أنكسر رمحك

لو قلت لي كان أجرّح حالي بحالي
لا عاش قلبٍ جزع وإرتاع من جرحك

لأجلك جروحي غدن اليوم عذالي
ذميت ظلمك وأنا من عادتي مدحك

ياليت لي ذنب وألقى علقمك حالي
وياليت بك عدل وأرضى فـ الهوى ذبحك

[سـمّية الــنّــور🪞 @vuvrr2]

لاكن لا زلت بخير الحمدالله
حتى لو إن الدار بعدك وحيشه

يحزني إن الماضي الي بنيناه
ماهو بـ مثل الواقع اللي نعيشه..

[سـمّية الــنّــور🪞 @vuvrr2]

قبل " الموادع " نحسب إنّا قويّين
و عند الوداع أثر أضعف الناس حنّا

[سـمّية الــنّــور🪞 @vuvrr2]

-ولا نعيم أغلى عليّ من عذابك-

[سـمّية الــنّــور🪞 @vuvrr2]

كن في راسي معارك بلاد الرافدين
وكن فالحلق اختناقه وفالكبد لْهده

[سـمّية الــنّــور🪞 @vuvrr2]

"ترى اللي جحد جرح المحبه على العذال
سوات اعرجٍ لا مـن مشى يجحد الضلعه"

[سـمّية الــنّــور🪞 @vuvrr2]

بين صدفة جابها العمر ووداعٍ ب اختياري
ما عرف قلبي يطيع الواقع او يرضي ضميره

كنت اظنّ انّ مرّت الأيام ب يْجفَ انتظاري
ما هقيت ان الأمل يستمطر اليا جف بيره

كيف صارت وحشة الغربه تغنّي في دياري
"ذبلت انوار الشوارع" وانطفت شبه الجزيره..