عاضى

ماجاكم من القصيد الا ربعه

[عاضى @w47rr]

أميرة الحسن وأميرة جميع الملاح
أنا معك لو تبين نروح كوكب زحل

رموش عينك تراها مثل علط الرماح
اللي من أسبابها قلبي غدا مستحل

ليا ضحكت بالثنايا بارق الوسم لاح
أروت معاليقي اللي قبل قاعٍ محل

مجدولها اللي تفلّه كل ما الليل راح
في غيهبه من يلوم العاشق ليا رحل :)

[عاضى @w47rr]

غنوج تبختر ..عودها ..ناعم ..وميال
تقض الجديل وخصلة الشوق منسوعه

على كل ممشوقة خصر شربت الفنجال
لها عنفوان .وسطوة الحسن مشروعه

تلاشى .بلمعة جيدها لمعة .السلسال
منين .طلعت والزين ذا .منقطع نوعه

[عاضى @w47rr]

لعب بي غزالٍ قام يلعب بمجدوله
على ذكر جدّانه وصيتٍ لهم ذايع

لقيته مثل شمسٍ على الليل مرسوله
وبشراقها نورٍ على صدري اللايع

جعل عمري الباقي فدا زوله وطوله
من عيونه النجلا ليا خصره الجايع

جعل ما يجي يومٍ اجي ماني بحوله
حياة ما تجمعني معه جهدها ضايع //

[عاضى @w47rr]

يافارقه بين ربات الحسن والجمال
مبسمك طوق النجاه وعينك التهلكه

من ابسط حقوقك تشوفين نفسك لحال
ماحولك الا ملامح ناس مستهلكه :)

[عاضى @w47rr]

انت تملك زين يعجز كبار العقول
مفترض تدفع على زينك الطاغي زكاه

لاتلوم اللي لامريته يصير مهبول
أنت لو إنّك تمر الجبل ينزح وراه

اخذ من ضيّ القمر يابعد عمري غسول
يمكن يحسدك عشانك مهمّش ضياه

كنّ في خدينك ورود والريق امعسول
لاتلوم النحل لا جاك من كل اتجاه (:

[عاضى @w47rr]

لا تنتظر مني ليا رحت مرجاع
هذي عليك ابعد من الفنزويلا

والله لو انك موت وعيونك وساع
خفي علينا شوي ياسندريلا :)

[عاضى @w47rr]

قولي عن اللي بأطرف المبسم يمين
منين جات ومن متى ومن أيّ خال ؟

لا تسأليني في البشر من تشبهين
انتي مثل للحين ما جا لك مثال

بلا حور عين .. وبلا غمّازتين
جمالك أجمل من علامات الجمال

[عاضى @w47rr]

تجين وانتي عليك الاسود المخملي
وتبيني من المغاني والقصيد اعتزل

تسمعي يا مقر الشعر في ما يلي
ما ودي ان الخطاوي عن غرامك تزل

انتي عليك البهاء والزين وانا علي
اثري لك الساحه ابداع وقصيد وغزل

[عاضى @w47rr]

الا يا غزال فوق خدّه رموشٍ سود
مضاليل رمشه ظافيات على خده

على خدٍ ابيض مع بياضه حمار ورود
ليا شافها راع الهوى ينلعن جده

ليا شاف رمش العين والاشقر المرجود
تقول الدروب الواسعه عنه منسدّه

ليا راح عوّد كن عنه الفضا مسّدود
جداه الونين وصفقْ يدّه على يدّه

[عاضى @w47rr]

ياعيون اللي مع الخبه تذيّر
تتعب اللقاف في خد وسيعه

ماتغيّر . . كود جراره تغيّر
لو يسميها الملك باسم الرفييعة

[عاضى @w47rr]

امتزج فيها جمال البياض مع السواد
غير سود عيونها شامة فوق النهد

[عاضى @w47rr]

صلوو على من حنا خواله

[عاضى @w47rr]

فارعٍ .. لا رد ليله عن جبينه
بان صبحٍ خلفه العتمه تسوّل

كن عنقه عنق ريم وكن عينه
عين حرٍ من على المشراف حوّلللللل

[عاضى @w47rr]

ماني بخايف من ايام السهر والسهاد
خايف من سنين عمرٍ ما تمرّينها

احبّك الضايعة بين الكبر و العناد
"رهنت" عمري ورا يمكن تقولينها

[عاضى @w47rr]

قلب الوله وقلادة التيه والمدح
يستاهله عنق الجفول ونهدها

[عاضى @w47rr]

أحب نجد المسمى واعشق ترابه
والناس في ماتحب وتكرهه حره

ياجعل من لامني في نجد وهضابه
يغزونه اللي من العارض اليا الحره

[عاضى @w47rr]

الجادل اللي صوبها قلبي يميل
صوت وشكل يجذب و نفسً غروره

تقول انا اخواني دهاة الرياجيل
والله لو ان اخوانها اخوان نوره ؟

[عاضى @w47rr]

سرقني غلا رعبوبةٍ خصرها مسلوب
اليا ناحرت كن القمر فوق لبتها ".

[عاضى @w47rr]

لامال ريّان عودك واعتدل واستدار
اللين كله قدم والثقل كله وراء

والنور والنار فوق الخوختين الصغار
واللي خلاف الذرا ماكن دونه ذرا .

[عاضى @w47rr]

أعاف الخطأ .. إلاّ الخطأ من يدينك صح
و أعاف المطيح إلّا مطيحي على صدرك .