_

طيرٍ — مايداني حياة عليها قيود

[_ @weill5_]

يا حبيبي بعيد من القصايد وأهلها
فيه كلمه في بالي ودّي تمر بالك

غيرك الناس ما أحسب وش عواقب زعلها
يزعل اللي بيزعل بس ترضى لحالك

أنت بين الضلوع تسوقها وتعقلها
والله اللي ما أحد بـ مخاشرك في حلالك

دام غترتك ينسفها الهوا وتعدلها
عندي الأرض وأهل الأرض فدوة عقالك

[_ @weill5_]

أنا عندي أحسن وأفضل وأروع وأعذب أب بالدنيا،حيث مالدّيت وجهي لقيته! أحبّة مرة وأتمنى لو العُمر ينعطى والله لا أعطيه عُمري ولا أذخره من دونه🤍

[_ @weill5_]

كفاك من السهر جفن يحبس الليل لين الضي
يفكه من شبابيك المباني مُنهك و دامي

وتسلكني الدروب إذا مشيتك فالخلا و الحي
و ألاقي ظلِّ يشبه لك وراي و ظلَّ قدامي

و أنا حولي شجر يكبر و يصغر ويتأثر فيّ
وإذا حلَّ الجفاف و شدَّ قيضه يسكن أكمامي

هربت من الهرب مرة و عرفت إن الهروب شوي
أجوع العمر وأحطب ضحكتي و أذبح من أعوامي

لي سنين أترمّم وأتعلَّم كيف بأبقى حي
وكل ليلة أموت من الرجاوي و أذرف أحلامي

أفتّش في خيالي في خفوقي ما أحصّل شي!
يدلَّ إني بقدر أبتسم و أوقف على أقدامي

وكيف الحال؟ لا تسأل بضحك لك و حالي سيّء
وبسهر لك و يعصرني الحنين ويشرب أيامي

[_ @weill5_]

تراك السيف الأملح وراس المال
ودرعي من ظروف الحياة وبلاويها

[_ @weill5_]

وين أودّي غيمة الأحلام من شمس الحقيقة
و أنت موجٍ لا تلاطم شفت به جزري و مدّي

ضحكةٍ لاحت على وجهك نسايمها رقيقة
تعترض لي في صباحات الهوى و أقول ودّي

كل دربٍ ما خطت رجلك على مفرق طريقه
ما يعّد من الدروب ولا يجيب ولا يودّي

[_ @weill5_]

أغليك لو إنك بعيد عن العين
دام المشاعر في غلاتك رهينة

وأعشق وجودك في حياتي وألبيك
هذا هو الموجز وكل الحقيقة

[_ @weill5_]

البارحة ربي كتب لي ومريت
دربٍ عليه بروق الأحباب لاحت

جيت المكان اللي جمعنا وخفيت
وقامت جروحي للجوارح وصاحت

والتم غيم الدمع من يوم لفيت
ورق القصيد لشوفة الغيم ناحت

حارت دموعي في عيوني وصديت
وأرمشت ما أبيها تبيّن .. وطاحت

[SAUDI POPULAR @saudipopular]

حنية الكلام❤️

[_ @weill5_]

بعد طول المواصل والشعور وفرحتي وبكاي
تعبت اتبع ورا اوهام السراب اللي علي تطري

بروح اليوم انا كلّي مثل ماجيتك من اقصاي
طريقي مو هذاك اللي على خبرك ولا خبري

فمان الذكريات اللي بتملى عمرك الجاي
فمان أحلى عمر عشته معاك ان كان ماتدري

فمان الصبح و دروب الأماني يوم انا دعواي
عسى الله لا يفرقنا ولا يمحيك من ذكري

فمان الليل وأحلام الوصال وبالك النسّاي
وسواليف السهر وعتبك اللي يتبعه عذري

فمان البعد واحزان الأغاني واشتياق الناي
فمان الشعر لا مني فقدتك وانتهى صبري

مع الأيام تستوعب خساره مثلي و شرواي
انا اللي لا رحلت تبيّن الدنيا كبر قدري

فمان جروحك اللي ما تركت حل يحلّ بقاي
فمان الله يا أعذب طعنة مركوزة بصدري

[_ @weill5_]

أحسبك بكفّي مثل خط القدر مرسوم
على الله كفوفوك تملي خالي كفيني

عسى عمري الضاحك بحضرة لقاك يدوم
وأشوفك بعد ما طالت الغيبه تجيني

لك في شعوري امنيات ووله وحلوم
ولك في دروبي ذكرياتٍ تواسيني

ولك في بريق العين قبل القصيد وسوم
ولك في ضلوعي حبٍ عيا يخليني

لو أقابلك العمر كله مامليتك يوم
ياوجهٍ أشوف الخير لا شافته عيني

[_ @weill5_]

مألوفك العادي من الحب و الريب
عيني تشوفه مثل شوف العجايب

شيدت دارك بالضلوع المحاديب
وسريت لك من نبض قلبي ركايب

غيرك تراحيبي لزوله مواجيب
ولا انت حاضر مرحبا بك وغايب

يا نعمة أيامي ويا حكمة الغيب
يا ألطف مقاديري وأحب الحبايب

غيرك خذا معزة القلب بالطيب
الا أنت ماخذ القلب مني غصايب

من دون ليه أرهى حشاي التراحيب
ضيفك قلبي والمحبة وهايب

يحبك اللي حب فيك العذاريب
من دون ما يعرف لحبك سبايب

[_ @weill5_]

يكفيني أغيب وخافقي ماجاك منه قصور
ويكفّيك تتذكر كل ليلة لهفة عناقي

تذكّر يوم أخليك تتباهى كبرياء وغرور
يوم إني اتحدى بك وأخيّب هقوة الهاقي

وتذكّر يوم أعذرك وأنت لا صادق ولا معذور
أدور لك عذر وأصدقه وأكذّب أحداقي

وتذكّر يوم جيت من الحزن متضايق ومكسور
فرشت لك الضلوع وقلت لك يا سيد عشاقي

وبعد هذا رحلت ولا بقى إلا بيتك المهجور
وألا ياكبرها لا من رحلت ومنزلك باقي

[َ @iiconfounded]

من أجمل هبات الرحمن أن تعيش مشغول بنفسك، طامح للسمو في الدنيا والآخرة، ومكرس وقتك لعائلتك وشؤونك الخاصة

[_ @weill5_]

تروح سنين من عمري وأنا في ضحكتك طواف
وتمر السالفه ويطول في طاريك موضوعي

لي عام شفت في وجهك طهاره قلب ما ينعاف
ومعك ما زادت أحزاني .. معك يا خفة دموعي

فداك الشعر والشاعر وقافٍ ماعليه خلاف
وفداك القلب يوم إنه لدربك صار متبوعي

[_ @weill5_]

والله اني أحبه و بقلبي حيل أغليه
و خابرٍ مكانه بوسط قلبي و مقرّه

كل ماضاقت فيني هالدنيا أجيه
ولا تهون ضيقته لو أنها كبر ذرّه

أخاف على قلبه وبكل ليلة أداريه
لأنه السبّه في رضا قلبي والمسرّه

أهد كل الدنيا لجله ولجل أرضيه
ولجل يتبسم بالدقيقه مليون مرّه

[_ @weill5_]

عزاي إني رغـم شدَّة وضوحي ما عشقت إلَّاك
لَكنْ اللي سرقني عن عـيونك شدَّة وضوحي

تخيّرتك وأنـا ماني بـ جاهل وجهك ، ومبداك
أشوفك ديـرةٍ ضمَّت مداي ونصف من روحي

[_ @weill5_]

أنا بليّا شوفتك شخص أعمى إلى متى ؟
و أنا عليك أتحايل ما يكفي إني
لاغي كل الأسماء و مشطب الأرقام و أغلى الرسايل أوقّف لطاريك و أشوش و أحمى
حمية تضرب عليها الـمثايل

[_ @weill5_]

عشت في دنيا أدور بها وأجول
عشت فيها بضيق وعايشت السعه
ما لقيت اللي على دربي صمول
كود بعض الناس وقته يمنعه

[فايزة @____fooz]

مشهد يشبه شعورك و أنت عارف أنك محبوب
ومجلاسك مرغوب ووجودك يصنع فارق مع من تحب

[_ @weill5_]

أنتي ولو مريتي بعمر آدمي حظّه شحوح
ما عاد يبغى من عطايا الحظ حاجة تقنعه
❣