D7H

*أشوف الجبل مركاي والأرض زوليّه*

[D7H @wil2n]

الباقيات الصالحات 🌹

[D7H @wil2n]

عقب الضما ما جاز لي مورد الماء
يجف ريقي ما شربت الحثاريب.

[D7H @wil2n]

ما تعبت من السعي بين الشوارع والحواري
" اتعبتني عند بيبان الأمل .. لحظة وقوفي "

[D7H @wil2n]

كان ودك تدس المرّ فـ الحالي
حالف إلا أمشي الوضع ماكنه

واجد أشكال مرتني على فالي
تترك الفرض وتسولف عن السنّه.

[D7H @wil2n]

في معارك ذكرياتي عشت متعفف وعايف
غلطة تشرب وتاكل فالحشى وادفع ثمنها.

[D7H @wil2n]

كل شيء الحين بالعين استوى
بستريح شوي من حرب الضمير.

[D7H @wil2n]

شعوري اليوم ما قد مرني مثله
الظاهر انه بداية شيء ما يصلح.

[D7H @wil2n]

اركض ورى هقوة الشيبان واردد
ما الله قسم لي تعب الا وانا قده.

[D7H @wil2n]

قادني قلب شاب وردني عقل شايب
قبل لا اتوه فيه وقبل لا اروح كلي.

[D7H @wil2n]

العقل شايب وفاهم فالحياة وخبير
والقلب ورعٍ يدور حاجةٍ تزعله.

[D7H @wil2n]

تدور الليالي والعرب بين حال وحال
وتبقى النفوس الطاهره نهجها بيّن.

[D7H @wil2n]

ان حصل خير وان ما حصل خيره
عسى الله يزين ما تبقى من تواليها.

[D7H @wil2n]

لو عرفت انك بعد الوفا بتغيب
كان ما عطيتك بالصدر اغلى مكانه.

[D7H @wil2n]

تبي الحقيقه بسطر واحد
كل قلب طيب لازم يعيش حزين.

[D7H @wil2n]

داويت جرحه يوم صكته الأقدار
ورد العطا بجرحٍ ماله مداوي.

[D7H @wil2n]

وين انت ياللي كل ماقلت وينك
لج الخفوق وجاوبته المعاليق

وجدي على شوفك وماضي سنينك
وجدٍ يفتق ثومة القلب تفتيق

رحت وتركت بداخلي لك حنينك
وذكرٍ تهد صروح عزمي من الضيق

بنيت حلمٍ كنت اشوفه بعينك
وانهد من قل السعد والتوافيق.

[D7H @wil2n]

اهديتها الفرصه اللي ما تجيب الذنوب
واهدتني الغلطه اللي ما تعديتها

من يوم ما كذبت صادق وحبت كذوب
لو شفتها في نحور القوم ما جيتها

قولوا لها انه خذا شفه وقرر يتوب
يعني لا جتها البيوت تعيد رتويتها.

[D7H @wil2n]

قد قلت له تكفى تجود في عيوني لا تطيح
الين طاح تقول كنه طايحٍ له من جبل.

[D7H @wil2n]

ضيعتني مثل تكفى في حلوق الرجال
لا سندوها على اللي ماهو بكفوٍ لها

[D7H @wil2n]

الوفا فطرة تجي بطبع الإنسان
ماهي على قد العطا لو عطينا.

[D7H @wil2n]

لو كنت بأطراف الحنايا تفيّا
وقلبي لقربك ينجذب وانت جذّاب

صديت في نفسٍ تروم الثريا
عزيزةٍ ما تقبل عساف وآداب.