لو جاك من بعض المهابيل زلات
ارفع مقامك لا تدقق وراهم
تجاهل الجاهل تعيش بسلامات
خذها نصيحة وابتعد عن غثاهم
لا تشغل أفكارك تراها سهالات
بعض البشر لا تنزل لمستواهم.
جازت لي جداً جداً جداً 🌹
مساء الخير والسعادة والمحبة للجميع 🌹🤍🌹
ليا شفت السنافي مامعه شي لاتنخاه..
احدك على الله، لاتحده على ضيمه
ترا الناس ماخلوه والوقت ماخلاه..
يحاول ولايقدر يخالف مفاهيمه
غريبٍ بديرة غرب وادنات ماسراه..
ولانجرحه لو جوفه اكرم من الغيمه
خالد ماطر
كم واحدٍ له غاية ٍ ما هرجها
يكنّها لو هو للأدنين محتاج
يخاف من عوجاً طوالٍ عوَجها
هرجة قفا يركض بها كل هراج
يقضب عليك المخطية من حججها
حلو ٍ نباه وقلبه أسود من الصاج. راقت لي
يالله لاتجعل بقلبي لاحد غل
وتسامح اللي شال بالقلب غله
واللي بعد مغتابني مني بحل
لو ماطلب منا السموحه بحله
لله متنازل عن الناس بالكل
لو كان مال الناس بالقلب ذله
ماقلتها من خوف والا بعد ذل
نبي العوض من غافر الذنب كله
لو الخطايا كلها مالها حل
ما فاز راع الصبر بالاجر كله... راقت لي
انا هواي وغايتي ياهل الذوق
ممشاي مع خدٍ فياح مريفه
ماطب فيه من المخاليق مخلوق
ولا داج به خطوا الضعيف الهديفه
فيه ام سالم ترفع الصوت برفوق
دارٍ يونسني ربيعه وصيفه
اتبع هواي وتالي العمر ملحوق
وكلٍ على شفه وذوقه وكيفه
راقت لي
يقول لو نلتفت لأهل الحكي والمقاريد
أن كان متنا بين خذها وذقها
.
للسالفه لا جاتنا عندنا قيد
ما يفرح اللي جابها يلتقطها
.
حنا نحب أهل النقا والاجاويد
وأهل الوفا والطايلات انعشقها
.
وقلوبنا ما تعرف الحسد والكيد
من فضل ربي صافيه من خلقها. الهاب بدر
وين الرّفيق اللي مع الوقت لازال
ثابت على مبداه طول المسيري؟
يعني ثقه وانسان في كل الاحوال
أشكي عليه اللي بداخل ضميري
ماشفت غيـر اللي منافق ودجّال
راع المصـالح والكلام الكثيري
وانا طموحي كـل وافي ورجّال
ماهو من اللي بالعجاجه يطيري
#ابو_محمد
من لا يودك لا توده وترجيه
ارفع مقامك يا عزيز المقامي
ارفع مقامك عن عدوك وتوذيه
ويلحقك من تركة رفيقك ملامي
حق الرفيق وواجبه لا تخليه
يلزمك مثل الوالدين الحشامي
اختر عزيز الجار والحق يعطيه
شبل على هرج يقوله يحامي
ومن قارب الاجرب بالامراض يعديه
عدواه تسطي باللحم والعظامي
درب السلامه بينات مماشيه
ودرب العطب يرث عليك اللكامي
محمد بن أحمد السديري