جيته من الشوق لا حيٍ ولا ميت
واحياني بقول لبيه يوم ناديته
لباك ياللي في حنايا القلب حلّيت
ولباك يـ أول انسان حبيته
فهمني وقرب ضمّني وحسيت
إني ملكت الكون يوم ضميته
والله إني ما أتردّى ولا أحب القصور
وأتجاهل كل من هو ضعيف ومُبتَلى
رافعتني عزّة النفس لحد الغرور
والثقة بالنفس لأعلى مكانٍ مُعتلي
لا دعوا لي والديني بتيسير الأمور
ما علي من باقي الناس لو تدعي عليّ
— عندي شخص أقل ما يُقال عنه :
ضلع من ضلوع صدري وقلبي الثاني
وينطبق عليه هالبيت :
وشلون بلحق جزى قلبك وقلبك نِديّ
أرضيك مرة وترضي خاطري مرتين.
« ❣️❣️❣️❣️❣️❣️»
جمعتني فيك الدنيا وربطتنا الأقدار
شفتك لي دنيا وشفت بك عمري
ويوم ضاقت الدنيا والقلب محتار
جيتني وأشرقت شمسك على صدري
ويوم أخترتك عن بني العم والدار
دريت أن حبك وسط الصدر يسري
لاتخليني فيك مابي عوض ولا أختار
أنت العوض وأنت حافظٍ قلبي وسري .