مكبوت، وشْعوري من الصبح مكبوت
والليلة من الخوف ليلة اخيره ..
مطر، وليل ٍ أدلم، وْوحشه، وْنوت
واطراف ترجف برد واطراف غِيره
وانا احترق.. ماهو من الضوّ والكوت
قلبي يساومني على اخر ذخيره
الله يجعلني من جْروحه آموت
ولا آتعافى منْه وآحبّ غيره :(
إذا انك بخير .. انا بعد ماعليّ خلاف
تخطيت مرحلة الجفا الإنتقاليه
ياحيّ الفراق وقسوة الظلم والإجحاف
ولا وصل .. من شاف أوله عاف تاليّه
لا تفرح بكسر الخاطر اللي عليك يخاف
ترى احيان كسر الشي .. يزيده جماليه
انا من تعودت اسمع اسمي بصوتك حاف
وانا داري إن حبك على اخر لياليّه
” شلتك بصدري يوم ضاقت لياليك
و أشعلت لك نار كوتها ضلوعي
أخطيت في حقي ولازلت أناديك
عندي أمل بكره تحن لرجوعي
أنا الأمان اللي قتلته بـ أياديك
و أنا ضياك شلون تطفي شموعي
بالأمس توعدني وعد ما أخليك
واليوم أحارب بالمفارق دموعي “
فيني بكى لكن دموعي قليله
والحزن فيني قد وصل اخر الكون
فيني عتب عيّت عيوني تشيله
ماعادها وساع مثل ما تحبون
مافيه دربٍ مستقيم و اميله
مافيه عاذل اعتبر ضحكته عون
كلي ملام وخوف من اشتكي له؟
من هو ينسيني بأكون ممنون
امشي واحس الارض هذي ثقيله
كن الاوادم فوق قلبي يتمشون
ذكرياتك لو بسولفها و اعدد ،
كل موقف ماخذ بقلبي مجاله
الشعور اليا تجاهلته .. تجدد
لو شعورك مع مرور الوقت داله
ودّي أرسل لك رساله و اتردد
الكرامه بيني و بين الرساله ..
صحت أرحب يا هلا يومك لفيت
وجاتني أرحب ولا جات البقى
أثر طيفك مرني يومي سهيت
وأثر ذا صوت الصدى يوم ألتقى
في غيابك كم سهرت وكم شقيت
مالقيت من الهوى غير الشقى
عيبي إني جيت كلي يوم جيت
ليت قلبي صان بعضي وانتقى
وعيبي إن حبي نقا وإني نسيت
إن عربنا كذبوا حب النقى ..
شهر والبال من حيرة إلى حيرة
وأنا والصمت والنسيان نتشاور
إذا بحكي أخاف الحكي وتعبيره
وإذا بسكت أخاف الهم يتكاثر
أهيم بكل شارع واطلب الديرة
تشيل أوهام دمعٍ قام يتناثر
وأجيك بشوقي المُنهك وتقصيره
وأنا أدري في ذراك الحزن يتقاصر