.،

على النقاء نبقى ولو عاقنا عوق
ويبقى الوفا منا وفينا والينا

[.، @xqaoonkk]

لله در الوجيه اللي على مـاهـيّ
تضحك معي فالرخا وتبين فالشدّه

[.، @xqaoonkk]

حبال العلاقه تقطع الشك والتخمين
ووجيه العرب بـ سلومها ماتغلطّنا

لنا مجد يملا الراس قدام يملا العين
ولنا سمعةٍ يفخر بها من يخالطنا

نشوف العلوم الغانمه عندنا روتين
وعلى اخصامنا هيباتنا من تسلطّنا

قلطنا على طيب النبا والجناب الزين
قبل لا النشاما فالمجالس تقلطّنا

[.، @xqaoonkk]

مريت اماكنّا القديمه من سنين
توحش بقايا الذكريات بـ طرفها

رغم الوداع المرّ و الواقع الشين
و ذنوبي اللي كل ليل .. اقترفها

ودي أشوف شلون ضحكتك هالحين
تغيّرت و الا .. مثل ما عرفها

- مشعل ثروي

[.، @xqaoonkk]

ان كسبنا القلوب الطيبة والنظاف
ماعلينا من اهل الكذب واهل الردى

[.، @xqaoonkk]

يجي من ظهور اللي لهم طاله ونوماس
ضعيف يفرط في شرف مجدهم كله

- جابر النشيرا

[.، @xqaoonkk]

جادلٍ فـ اطرف مزاياها لقينا
المجوْع و المشبْع و المعنّق
ㅤㅤ
وعلموها لا قبلت ترفق علينا
لا تقفي للـ هبوب ولا تدنق :)

[.، @xqaoonkk]

يآ خالد وش اللي صار ؟ مدري لكنهّ صار
قبرنا الظنون الي من العـام مذخوره
.
رسمنا على الاوراق جلسه وشبة نار
لكن يوم هب البرد ما فادت الصورة
.
ويآليت الصغير اللي يشوف العباد صغار
يحده زمانه لين يبرك على زوره
.
ويآليت الكبير اللي يشوف العباد كبار
تبسّم له الدنيا ولا تجرح شعوره

[.، @xqaoonkk]

مرحبباااا يا غايب ٍ ساق طاريه النسيم
غاب لين ان كل عرق ٍ على شوفه ذوى
ㅤ
شاحب ٍ في غيبته وجه الاحلام و سقيم
و كل ما هب الهوى جدد الجرح الهوى
ㅤ
في رجا سيل الوصل يقتفي مجراه ديم
و نردّ ميراد الضوامي على عد الروى ..

[.، @xqaoonkk]

على سور قلبي لا تغرّك جموع الناس
ترى ما ورى بيبانه إلا .. مداهيلك .

[محمد فهد @Mf_mf111]

كفرت بكلام اللي يقول الليال شحاح
وأمنت بـ أنه يبطي السيل من كبره

أنا مثل عودٍ رغم ضعف الامل ماطاح
ألا قلت ياقوّه .. وألا قلت ياااصبره

وقف ينتظر له واحدٍ .. خابره لاراااح
مايرجع لو أنْك ترجّع أبوه من قبره ؟

[.، @xqaoonkk]

كريم النوايا ما يبي .. للجميل ردود
يحدّه على درب السخا طيّب عاداته .

[.، @xqaoonkk]

خلّ في راسك نعاره و في نفسك شموخ
لا تضيعف و أنت من روس لابه و اومرا

دايم اصحاب المصالح و عبّاد الشيوخ
في سجل العزّ دايم تحصلهم وراا

[الأفلاج لايف @aflajlive]

انتقل إلى رحمة الله تعالى الشيخ غريب بن محمد بن درمان ال عمار اثر حادث مروري
وسيتم الصلاة عليه غداً الخميس بعد صلاة العصر بجامع الملك عبدالله في #الأفلاج

[.، @xqaoonkk]

مثل الفهود ارزاقنا نهب و صياح
تزين ولا جعلها .. ما تزيني

- سعد ابن جدلان

[.، @xqaoonkk]

البارح الطيف يسعى والطواري تطوف
والقلب تومي به الذكرى سوات العلم

- عابر

[.، @xqaoonkk]

والله انه مابعد سج فكري واستراح
من هنوف ٍ مايجي قد فتر ٍ خوّها

- دهيمان الهوامله

[.، @xqaoonkk]

ماهقيت ان المقادير تنصب لي كمين
فالعيون الساحره والجبين الشمسَوّي

- فيصل الرياحي

[.، @xqaoonkk]

الا ياظلام الليل منها غشاك النور
بعد ملتقا الاحباب رحنا ولا جينا

- مشيع بن فهيد

[.، @xqaoonkk]

فريدة الحسن فيك الشعر نوعه فريد
والشعر مثل الهوى العذري طويل الآجل

مستثني اسمك عن اشعاري قديم وجديد
وشلون عاد المعزل والعيون النجل

اخفي عن عيونهم كل الكلام الآكيد
من دافع العرف ماهو من دوافع خجل

الحب ستر وذرى وامان قبل القصيد
وآنتي ستيره وبنت أصول وانا رجل

[.، @xqaoonkk]

راحت ليالينا وانا ساكت مع الساكتين
حنّت عليّ نفسي من الدنيا وحنيتها

يا ساهرين الليل شرهتكم على النايمين
انا مشاريهي على صدري وملّيتها . .