واثـق🪶

لا تدخل الصفحه ذي مدام مالك ف الشعر 🤍.

[واثـق🪶 @z2za1]

عليك السلام الفارق اللي مثل معدنك
و علي أني اسولف بسيرتك لأحفادي

[واثـق🪶 @z2za1]

مساء الخيير ،

اعبري بي لا اغدي عادي و انا مانيب عادي
الحريص تورّده للموت غلطته الوحيده

- صالح النشيرا

[واثـق🪶 @z2za1]

ياما تنازلـت عـن حقي ومصلوحي
حتى لو الكلمة العوجا على لساني

يفتل حبال الكلام وينقض جروحي
اللي على أتفه ذنوبي ينكر أحساني

وانا علشان غيري . . موجعٍ روحي
ولاحدٍ موجعٍ روحه على شاني

[واثـق🪶 @z2za1]

بالله ابنشـدك ما تـوجعك رجلينك
من كثر منتب تجي وتروح في بالي

[واثـق🪶 @z2za1]

عرفت منك الغرام ولا عرفت الغرام
شيٍ من الروح ما يدرى وش حكايته

فوضى مشاعر وصدق وتضحيه والتزام
بياعته في المساء و فـ الصبح شرايته

جيتك مجي الكرام اللي تحب الكرام
واخترت دربٍ توقف عندك نهايته

إن كان جيتي مجيك فوق صدري وسام
و إن كان رحتي فمان الله ورعايته .

👏👏👏👏👏👏👏

[واثـق🪶 @z2za1]

صبـــاح الخــير أما بعد ❤️

ودي ارد قلبي بالغزل يا غزاله
لايسوي سوات اللي يهمّل رفيقه

الهوى لذتّه في طيشه وفي هباله
ولذّة أول شعور وربكة أول دقيقه

وجهٍ اللي يشوفه ينبهر من جماله
وطلّةٍ تجعل الرجال يشرق بـ ريقه!

ودي أمثل مثل المتهم للعداله
ما علي دامني بين اليدين الرقيقه

[واثـق🪶 @z2za1]

غبت ياللي تدري اني من الفرقا حزين
ما تخاف اللّٰه من الروح واللي ناشها

صار حبك مثل الايام من عمر السجين
تنحسب له في حياته وهو ما عاشها

[واثـق🪶 @z2za1]

مابعد قفى المقفي و قلنا له تعال
من بغى الصده يبين علمها ومخدوم

ان رضيت رضاك مكسب وقربك راس مال
اعترافي لك بقدرك يدوم او ما يدوم

ان زعلت ارضتك الايام وارضتك الليال
السنه واجد ثلاث ميه وستين يوم ..

[واثـق🪶 @z2za1]

ليه ضقت من الكلام الصدق يا محبوبي
وين ردك يا شقى روحي ويا مزعلها

من متى واللوم ياصل غيرتي واسلوبي
ومن متى وانا سبب متلاتها و اولها

لا تمنيني بحاجه وانت ما انت بصوبي
ولا تطالبني بحاجه . . وانت ما تفعلها

خف مفعول المحبه لين شفت عيوبي
وقمت تستنكر عيوبي وانت ما تجهلها

[واثـق🪶 @z2za1]

على دارهم مرّيـت يا مال فرقا العين
عليها تهب الريـاح . . والدار مهجوره

[واثـق🪶 @z2za1]

لا يهمّك جور الأيام " يالصدر الرحوب "
خلها تمضي مثل ما على غيرك مضت ..

_ مساعد الرشيدي

[واثـق🪶 @z2za1]

شوفته تسوى الذهب ومقابله يسوى عماير
والغلا والزين في شرواه .. فرض إلا جبلّة

[واثـق🪶 @z2za1]

تعـال بنـدور لزلاتـك . . أعـذار
مهما حصل بدفع بدالك ثمنها

صح إن عيوني ماهي جنـه ونار
لكن بعد ما ودي تطيـح منها

[واثـق🪶 @z2za1]

(فمان الله ) يا نجد العذيّه و الوعد بعدين
متى بعدين ؟ مدري بس خليني على ماني

[واثـق🪶 @z2za1]

فمان الله يا أول من سكن بين الضلوع العوج
عسى دربـك سفيـر و يا عسى الله ما يخليـني

توكل لاتوادع رح عسى درب الجفا المسهوج
يصـادف درب فرقى عقبـها ما تلمحـك عيني

[واثـق🪶 @z2za1]

سود الليالي علمتني حاجتين
أن الحياة دروس .. والعيشة كفاح

إن حاربوني بالنجاح الساقطين؟
أقول حرب الساقطين أكبر نجاح"

-محمد الشمالي

[واثـق🪶 @z2za1]

ما راح من دنيا الفنا بـ الف طقاق
العمر سلفه .. والأوادم طراقي

[واثـق🪶 @z2za1]

لا يغـرك نبـض كفي و ارتجافه
ضاق بي قلبي وشلتـه في يديه

[واثـق🪶 @z2za1]

يوم شفتك طحت للشوق و كرهت الغيبه
و جيتني عقب البطا تلعن سنين غيابك

استحيت اعاملك .. بـ اللي تعاملني به
قلت لك يا مرحبا ماقلت لك وش جابك

[واثـق🪶 @z2za1]

العيد والله ثالث العيد ياسعود
لاهوب لا الاول ولاهوب ثاني

شوفي معك ف الدار طيب وموجود
يعوضني في مامضى من زماني

لو كان شوفك بيننا يافتى الجود
ماعاضني ف الاربعه من اخواني