Ha .

يا هي مشاعر عيَّت لغيره تميل .

[ّ @y5iib]

اليوم ما عاد به صكات و مواجه
في ساير الناس لا اشكك ولا ارّيب

لاشفت من غيرت الايام منهاجه
جزعت منه جزوع امجري الهيّب

مالي ورى الناس لا مطلب ولا حاجه
ما دام رايي وجيه ومنهجي طيّب

[هـيا @Haya31_h]

أستحلفك باللي خلق كل ما فيك
تصدق معي لان الغلا باح .. سدّه

كيف أستبحت شعورنا خاب واليك
يومك دريت إن مالنا عنك .. صدّه

فاحت دلال الصبر من جمر مغليك
والعلم يا مضنون لا جاك .. بده

قلبٍ كفخ بين الحنايا وناصيك
إن كان مالك حاجةٍ فيه .. رده

- علي بن رفده الحبابي ♥️

[ّ @y5iib]

كبرنا على هذا تردّى و هذا طاب
ولا عاد تشحننا ولا عاد تغرينا

نشوف العتب والهقوة وشرهة الاصحاب
ضريبة مكانتنا الكبيرة واسامينا

نحفظ الجميل وننطح الواجب الغصّاب
علشان موقفنا و هقواتنا فينا

ماننشد عن المقفي لا قفًا بدون اسباب
" لو أنه على قولت عتيبه بناخينا "

- مبارك بن رادعه

[عسّاس القصيد @3sa__s]

وش تبي بالكلمه الناقصه يابن الحلال
ومنطقٍ يشره عليه الغبي قبل الذكي

ماينزل قيمة الرجل ف عيون الرجال
غير طرّاد العذارى وطرّاد الحكي

-محسن بن مترك

[ًًً @uniqueallv]

مصير البنادم لو يّعمر مابين وبين
لحود القبر مهما المقادير تمهله

تجاهل زمانك لو مصيره ماتدري وين
لاتحسب حساب لـ دقه ومعضلة جله

رهين الظنون وحيرة الشك والتخمين
تمر السنين وخطوته مافهقت ظله

[عسّاس القصيد @3sa__s]

" وش عاد باقي يا محطات الحنين
تعبت اضيّع في محطاتك عـمـر

صارت قناعاتي .. تمثل كلمتـين
ما الله كتب مالله قسم ما الله ومر "

-سعيد الدحابيب

[جابر بن علوش @J3losh]

مدام اللي تحت في دبرة اللي فوق
على ماذا القلق والضيق والحره ؟

لا عاملت الحياة .. مْعاملة طاروق
غدت الايام كنها " صفوف مغتره "

لو اعيش الحياه بصدرها المخنوق
على القاع الوعر .. بتشوف لي جره

انا و الياس مثل : ابليس والفاروق
مايسلك دربٍ اسلك فيه بالمرّه ..

[1 @alajmii4e]

ليا منّا لقينا كل .. بابٍ للأمل مسدود
طرقنا باب ربٍ ما عليه أقفال وحراسة

[عيار @Eiar_q8]

تجنبت المراقيب المنيفه والهبوب عصير
ماعاد اطلالها و منادم النسناس تجذبني

على الوحده وْ سجات السفر ماعاد أغبطْ الطير
طويت فجوج الارض ولا لقيت اللي يناسبني

تغير كل شيٍ كان تْحفظه الليالي ، غيـر
غروب الشمس مازال الوحيد اللي يغرّبني

[عسّاس القصيد @3sa__s]

نعاني و نجهل شعور المعاناه
متعودين نخوضها ما ندقق

راضين بالمكتوب والحمدلله
ماهوب لازم كل حلم يْتحقق

-عويّد النجود

[عسّاس القصيد @3sa__s]

نغفل عن الاخره رغم ان فيها خلود
والحرص كله على الدنيا وهي فانية.

[د ‏‏﮼دسمان ⁹⁰⁶ @Dr_Dsman]

"أسافر من محطات الخيال لـ وقفة التفكير
واغني باللحون إللي صداها يطرب أسماعي

جناحي ذكرياتي والسما فكرة وأحب أطيّر
كرهت الواقع إللي يحبس افكاري في قاعي

جفيت الليلة إللي تشغل الخاطر عن التعبير
وسكنت الليلة إللي في دجاها يظهر إبداعي

قريت الصفحة إللي كان في روحي لها تأثير
لقيت سطورها ماحرّكت قلبي من اضلاعي

كثر ما كنت أخاف المفارق صرت أشوفه خير
مثل ما كنت أخاف من البحر قبل اطلق شراعي

غديت أودّع المقفي ولا أحب أسمع التبرير
أشوف إن التفاصيل الكثيرة ما لها داعي

فـ أنا يا اللي تظن إني بدونك ما أحسن التدبير
هجرتك وأشتعل نور الحياة و زانت اوضاعي

فلا شكراً على وقتك ولا اعذرني على التقصير
أنا من يوم فارقتك تلاشت معظم أوجاعي"

[جَ @yvkf_]

اتركوني في زماني لاهي ومتغاضي
واعفوا الخاطر من اللي يوجعه ويحدّه

البلا ماهو في حزني .. ولا فـ امراضي
غير والله في ضميرٍ ماعرف وش ودّه ..

[‏وهم @rrcv0]

عادتي لا تكدر خاطري وأستضاق
أخبط الارض / و أرقص عفاريتها

قال قد الفراق ! وقلت قد الفراق
يحسبني ما أسويها ؟ وسويتها .

[يزيد الفوازي @Ya2eed]

سريت يوم النهار بوجنة الليل ذاب ..
سريت من بعد ما صليت شفع ووتر
-
مانطلب الا الله اللي يطلب الناس خاب
نطلب من الخالق الرزاق .. رزق وستر
-
مع كل كيلو متر - يطيح - كيلو عتاب
وازود نشوة طموح بـ كل كيلو متر

[شطر/صورة @2lji7]

"عفى الله عنك يا حلم ٍرسمته بالطريق وتـاه
وأنا في داخلي فوضى حزن وأوجاع مختلطه"

[معكاز شعر @M3kkaz]

جعلني لاجيت مكه معتمر وملبي
يغفر الله كل ذنبً فالحياه اذنبته .

[قروب اشعار @aShi3ar]

من فضل ربي عالم السّر والغيب
عشنا على حشمه وشيمه وقيمه

تزيدنا الايام .. طيب ٍ على طيب
وتزيدنا العثرات « صبر وعزيمه ».

[عبدالله السراهيد @Alsraheed]

لا على عيني « غشاوة » ولا وجهي قناع
مقتنع في حجم علمي وفي حجم جهلي

البشر فيهم هوامش ومن سقط المتاع
ما لهم ( تأثير / واضح ) على مستقبلي

والحياة ، و مجريات التلاقي ، والوداع
خضت لي فيها تجارب وجيت بْما يلي

يوم فضّلت انعزالي .. على كل اجتماع
استرحت وصارت الراحة ألزم ما علي