مّ .

ومرّت سنة .

[نايف السراهيد @al_shamk111]

ابعد عن الاحلام .. يا طاري الياس
على رصيفك لا تجي في رصيفي

العز فـ الاصرار والطيب فـ الراس
والنصر بإذن الله دايم حليفي

ممتن لظروفي .. قبل منّة الناس
خلتني اشوف الغنى في رغيفي

انا وصلت لمرحله مالها قياس
حطت ربيعي في غياهب خريفي

فقد الشغف فقد المشاعر والإحساس
مؤشرات .. ( الاحتراق الوظيفي )

[مبارك بن وافي @bn_wafi]

يجيبك الله عقب طول البعد يا ظبي الحماد
واقول ذي فرصه جديده والله اللي عاضها

من عقبك أدلّه ضميري من بلاد اليا بلاد
والقاك في سبع الاراض طوالها وعراضها

انا اعرفك وانت تْعرفني من قبل سن الرشاد
عاد القلوب نظاف مثل الغيمه وبياضها

واليوم تجهلني عيونك كني من أي العباد
وانا المنيّه في عيونك قد وردت حياضها

[جزاء الغيداني @j94iii]

يا بعد كل الوجيه اللي تجي في بالي
لو اغيب شوي تفقدني وتنشد عني

قد يجوز يخيب ظني في رفيق موالي
ومستحيل ولا يجوز يخيب فيها ظني

[قشعـان. @ti5lln]

وجهك لا زال يمرني في كل حين
معه المشاعر , والجوارح ساكره

انا اشكر طيوفك , ليا زاد الحنين
بس الوداع المر ماني شاكره !

على العموم بخير انا والوضع زين
ما عندي الا بيت لـ اجلك حاكره

انا فقدتك , وانتهينا , من سنين
واللي بقى لي صورتك فـ الذاكره !

- سعد بن لويبه

[زوومـّان @wj__4g]

الشعار الي كتبو فـ " التعلق " واجد لكن ماشفت مثل /

جمال بندر :

لو نبت لي من ظروس العقل عشرة ظروس ؟
ماني بعاقل عن الحب " اننننااا ممجننوونهاا "

متعب التركي :

ياليتني لابغيت اكره قدرت اكره ..
ما كان قلبي ليا جيت اكرهك عيا ..

مزيد الوسمي :

" ولا فيه احد يقدر يخليني اخليك "
لو يضيع عمري في رجاك ؟ العمرر ملحوق

صالح النشيرا :

قالت الحب اشوفك ودك تصك بابه ؟
قلت قفت ضعون الحب وانتي مقيمه

سوالم ..

[أحمد صالح البحّا @albaha_as]

لو يصير الصمت عادي .. منت عادي
انت ميلادي وخوفي واجتهادي

ليه صوتك بس اعيده بالرسايل
والرسايل لا تحس ولا تنادي

نسمع التكرار والتكرار .. قاتل
اقرب الاشياء للحلم الرمادي

يا أمان اللي فقد داره وامانه
للوعود احساس ودموع ومبادي

كيف تضحك وانت ما تضحك لـ غيره
ضحكة الاطفال .. قدّام العيادي

الهدوء ازعاج والتفكير مُزمن
وانت فكره .. كانت الاكثر تمادي

السجين اللي تركته ما يحبك
قال احبك وبشكل غير اعتيادي

تحت سقف الظلم زادت مغرياته
بالهوى ماكان مكتوف الايادي

جاك من صدر الجدار وقام يكتب
غربتي ما ودّها تشتم بـلادي

ما تنازل عن قراراته وحلمه
واجتمع ويّاك في سجن انفرادي .

[َ @veteranskyz]

وين أولّي وأنت ساكن في الصوّر وفي الرسايل
هي بقت سكّة ما تطرقها طواريّك وأجيها !

ليه اعوّد لك مدام إن ما ورى المعواد طايل
وش يرّد اللهفة لنفسي على أشياء كنت أبيها ؟

يوجع ، إني في سبيل رضاك سوّيت الهوايل
وأنت مستكثر علي " آسف " و مستكبر عليها

[وهّاج @_3jim]

أنتي صباح الخير و الخير كله / مطلق بن شويه ٢٠١٣

[رخي الرمالي. 🇸🇦 @roki_alsh]

💫للمجاراه💫
👇
كلمات؛ نواف الطعيسان الرمالي
👇
يامل قلبن تتله نوف
تلن على غير مصلوحي

تل الرشا والمقام هدوف
انصار بالمقط ساموحي
.
.
نواف الطعيسان الرمالي.

[بدر @justmebader]

القلب شفّه في عماهيج علوى
نجل العيون مهلّكات الجنيني
َ
الي مجاذبهن من طيور شلوى
مروين حد مذلقات العريني

- محمد الخس رحمه الله

[مدغم ابوشيبه @medghem]

قالوا العذال والعذال مرضى
وش بلا حالك من الهجران قاضي

قلت يهجرني حبيبي لين يرضى
علموا الظالم ترا المظلوم راضي

ب ع

[مبارك المطرباني @almtrbani]

تكشخي بس لاتنسين
الأذكار ، في ذمتك ذمه

أنا آعرف ربعك الآدنين
مايلحقون الحوار أمه

[‏ᴹ @_euu7]

البستان #محمد_الخس رحمّه الله :

الله من قلبٍ عوى عويت الذيب
ذيب عوى لجت ضلوعه ولجي

عليك ياراعي العيون المهاديب
سودٍ مضاليلٍ وساع ٍ وبجي

سودٍ تشذب بسرة القلب تشذيب
طحت بخطرهن يالله انك تنجي

سهومهن تسطي على القلب وتصيب
تخج صندوق المعاليق خجي

ياصاحبي حبك لقلبي عواقيب
ارفق علي شوي قبل استلجي

يا اللي عليك عيون الامه مراقيب
تقول بين شفاك درٍ يمجي

والخد براق المزون المهاضيب
اللي رعوده رجت القاع رجي

يامنوتي مافيه شك ولاريب
منساك كود انسى صيامي وحجي

يابو نهودٍ شلعن مقدم الجيب
كمشمشٍ عرقه من الماء ينجي

من فوقهن شقرٍ تغذى على الطيب
ريح الشمطري في طرفهن يعجي

ذيل اشقرٍ ينسف خلاف العراقيب
تطلب عياله بالمهر والترجي

هزه وزرفات السبايا جناديب
لوما شليل السبر والمال هجي

ذبحتني ياسيد كل الرعابيب
فجيت قلبي يأريش العين فجي

فجن مثل مضراب شلفاء تراحيب
شلفاءاً تخل الدم الاحمر يكجي

لا وردة من كف مرو المغاليب
والخيل كاسيها ضبابٍ وعجي

ياعاذل المشتاق مابالهوى عيب
ماذقت لذاته عسى امك تدجي

لو ذقت من حلوه ومره تجاريب
مالمت طراد البني الغنجي

نجل العيون مزعلات الخطاطيب
شعوٍ عذاب مقطعين الفرجي

لو يحصل ليديك فيهن مقاضيب
مالمتني في حبهن والتهجي

يم الحبيب اللي هروجه تعاجيب
ياعين لدي له ويـارجل سجي

[الرفيق @TheSongOfOMR]

ضاعت سنّينك بالتفريط يا ذاتي
متى ستصّحين إذ تدنو نهاياتي ؟

أفنيّت عمريُ في لهوٍ يكدرهُ
حتى خسرتُ بلهويَ نيل غاياتيِ

[محسن بن مترك @aprvip]

ناوه البال صوب دياره ومرباه
والصبر طق جوله ، والجفن بيّت

اغبط الداله الي ماتجيب اقصاه
حنّت الخلج ولا حنّت الويّت

جعل من حال دونه يوم جيت ابغاه
تاكل اعلى ضلوعه طلقة مزيّت

لا قدرت الوصال ولا قدرت انساه
والمواساه عنها ، شيمتي عيت

ساتر ِ سيرته حتى بعد فرقاه
مثل ستر الكفن لـ جنازة الميت

[᷂إلدوسّـري @aiii1rr]

يوم اني أبغي وصالك زاد فيك العناد
" محبّتي لك بريئه وأنت جرّمتها "

الجيّه اللي تبيها طاب منّها الفواد
لو حللوها شيوخ الدين حرّمتها

- طاب الخاطر يا مبارك بن وافي .