احمد بن مليس

- سبحان الله وبحمده سبحان الله العظيم -

[احمد بن مليس @6weg11]

ﺳﻮﻑ ﻳﺄﺗﻲ ﻳﻮﻡ ﻻ‌ ﺃﻛﻮﻥ ﻣﻌﻜﻢ ..
ﻭﺳﻮﻑ ﺗﺪﺧﻠﻮﻥ ﻟﺘﻘﺮﺃﻭ ﻣﺎ ﻛﺘﺒﺖ ﻓﺈﻥ ﻭﺟﺪﺗﻢ ﻣﺎ ﻳﺆﺟﺮﻧﻲ فأﻧﺸﺮﻭه ﻭﺇﻥ ﻭﺟﺪﺗﻢ ﻣﺎ ﻳﺆﺛﻤﻨﻲ فأﺗﺮﻛﻮه

[الدكتور نايف العجمي @Dralajmey]

دوت صافرات الإنذار فجر العيد!
هذه عصابة مجرمة، لا تعرف حرمة رمضان، ولا تحترم بهجة العيد، مزق الله جمعها وشتت شملها وكفى المسلمين شرها!

[عمر الوهيطي @whe6i_]

اسمه وفعله بنى في قمة المجد سور
يجدد فعول اهله اللي تلح الهجن

الحملة اللي تبّرك ساكنين القصور
يقوم فيها و هو متراكيٍ فـ السجن
-

[احمد بن مليس @6weg11]

@s_305 الف مبروك والله يتمم لك على خير يابو مرزوق

[احمد بن مليس @6weg11]

@iimutair5 الف مبروووك والله يوفقك ويتمم لك على خير يابو ضيف الله

[عمر الوهيطي @whe6i_]

ماسريت اجاذب الطاروق و اقول الله الله
فـ العيون السود ولا فـ المظاليل الرهيفه

والله اني ساريٍ تحت .. المصابيح المطلّه
كن نسنانيس الهوى طلقات والقمرا قذيفة

-

يقلط البيرق بعد طول المغيبه في .. محله
آن لـ ابو خالد اللي .. آن لك يـا ابو حنيفه (:

من يطاول روسنا في حزة الميقاف .. قله
شرهته على ذلوله لا ابركت به فـ النصيفه

@3IBANI
#شاعر_المليون

[عمر الوهيطي @whe6i_]

هذي علومٍ تجلي الخاطر العمس
لاسولف التاريخ عن محتواها

عن سيرةٍ تطمس ليال الفتن طمس
ونارٍ يشعشع بـ الجزيرة سناها

ليث الحروب اللي جلا ليلها الدمس
موسس الدولة وحامي حماها

" أعظم ملوك الأرض وأطيب رجال أمس
يده عصاةٍ ماسلم من عصاها "

[BetterMe: Health Coaching @betterme]

ما هو أسلوب الصيام المُتقطّع الذي يتناسب أكثر مع نوعية جسدك؟ يُمكنك معرفة الإجابة الصحيحة من خلال هذا الاختبار القصير. 🥗

[عمر الوهيطي @whe6i_]

تزبرّي فوق القفار الجرد يا الغر النصوب
عسى مخاييلك على عوج الحنايا تستهِل

البارحة نسناسها ضيّق على العين الدروب
ما كن في مترامية الاطراف شبرٍ ، يندهِل

اشدد ركاب الطواري عن ملاهيف القلوب
واسقي ثرى محراب وجدي دمع عيني وابتهِل

متعبني ان ذكرى رحيل اللي معاريفه تجوب
قريب من مولد حفيدٍ من قراحه ينتهِل

اقسى مراحل هاجس الاشواق فـ الوجه الشحوب
نفسٍ ما نالت صادق اعجابه و روحٍ تكتهل

كثر ما شفته في عيون ابوي له زولٍ ينوب
كني معاه ازخرف الابيات و اهيجن و اهِل

طرقٍ موشح من عروق المجد و الميقاف ثوب
ماهو سهل .. في بال قرايّه و في بالي سهِل

اسمع طواريقه تسابق مع ذعاذيع الهبوب
وارسل مع النسمه سلام ولحن قافٍ ما جهِل

احفظ تفاصيله و وقفاته و صفراه الهذوب
ومجالسٍ لا مرّها الضايق يعوّد مسفهِل

صدى تراحيبة يداريه الهوى من كل صوب !
حتى السحاب ان مر مدهاله .. تهادّى ممتهل

اسمه من يشيله سهل يدحم ثقيلات الخطوب
عادي يشوف ان الجبال الراسية , مثل السهل

ما نقدر نرده و لكن سيرة الصدر الرحوب ؟
وقفّ عليها كاتب التاريخ ، وقفة منذهل !

[احمد بن مليس @6weg11]

@whe6i_ فالك التوفيق يابو عادل

[عمر الوهيطي @whe6i_]

-

نلتقيكم بحول الله يوم الثلاثاء القادم
والله يجملني و اياكم #للشعر_بقية.

[عمر الوهيطي @whe6i_]

إليكم قصيدة المشاركة.

[أيمن الرويلي @ARowili]

حلقة اليوم ردّت للشعر روحه
لو فيه علامات استفهام على النتايج
ناصر بن هندي ونايف القرن وحامد بن بركي
ومفاجأة الساحة عمر الوهيطي ماشاء الله تبارك الرحمن شعر حضور ثقة
ودك تأهلهم كلهم .

[احمد بن مليس @6weg11]

@whe6i_ جزل وحضرت وجملتنا يابو عادل

[عمر الوهيطي @whe6i_]

نلتقيكم يوم الثلاثاء القادم،
اسأل الله التوفيق لي و لـ زملائي
ابشروا باللي يسركم 🤍🤍

[احمد بن مليس @6weg11]

@whe6i_ بالتوفيق يابو عادل وفالك الرايه

[عمر الوهيطي @whe6i_]

يا عين المهاه و قبلة القاف و الميقاف
انا ضعت بين اشراقك و ليلك الغدري

كثر ، ما تحدّى بالجفا .. قلبي الميلاف
كثر ، ما درْج سيل المحاتاه من حدري

يا مرّة بغيت .. اغني بـ مبسّمك واخاف
وأحشمه واذرّي كل الابيات في صدري

سحاويةٍ .. تقول خلقت .. من الشفاف
تعدّاك من كثر الحيا .. و انت ما تدري ):

[عمر الوهيطي @whe6i_]

نقض ليل الشتاء قافٍ من .. لحون البطا مفتول
وصحى جرحي على صوت الرقيبه يوم مشذوبه

على صدك ملامة خافقي .. يا فكري المشغول
لو ان عذرك سمين و كلمتك عذبه و محسوبه

يمّر الليل .. و يطل النهار .. بـ وجهه المخذول
وانا اللي كن عيونه عن شعاع الشمس محجوبه

اغامر .. و اتمنى .. و " الاماني سيفها مسلول "
واداري دمعةٍ من ضحكة محياي منهوبه ..

ياملهوف الحشا مدري مِن القاتل مَن المقتول
ما دام ان وصلك عقوبة مثل ما هجرك عقوبة

حبيبي والله اني .. بين ضيق .. وبين قِل حلول
سوات اللي كلاه الهمّ من .. " راسه لـ عرقوبة "

عزاي ان ما بقى لي غير صوتك فـ الضمير يجول
وآكابر ، و اجحد جروحي معه ، و امجد عيوبه

وكثر ما كنت اماري في عيونك واشقر المجدول
اوصيّ، كل عاشق لا يبكي عين .. محبوبه ):

يقولون الليالي تطوي الماضي طوي واقول ؟
انا للحين اضيع ان ذعذع النسناس من صوبه

تدور أوهام .. وصله كل ليلة .. لين دار الحول
ونار الشوق كنها من ضلوع الصدر محطوبة

فراغات السطور اللي تهيّب عقلي المذهول
تجرّي كل كلمة من شعور الصدق مسلوبه

عسى عامٍ تجلى به ثغرك وهرجك المعسول
فدا ليلٍ بعده تدور .. الغفران و التوبة

انا من علق فـ صدرك قصيده " وزنها من لول "
( كتبها ) والزمان يقول له .. ( ماهيب مكتوبة )

[احمد بن مليس @6weg11]

@whe6i_ صح اللسانك يامبدع ❤️

[احمد بن مليس @6weg11]

@whe6i_ الف مبروك يابو عادل والله يوفقك ان شاء الله

[عمر الوهيطي @whe6i_]

اللهم لك الحمد،
تم قبولي مع كوكبة من الشعراء المبدعين
في #شاعر_الراية
اسال الله التوفيق لي ولـ زملائي
وابشروا باللي يسركم باذن الله