7a.x

" أنا لا أعيش يومي .. أنا أنجو منه فقط "

[فــهــد @Faahdd5]

ياخوفي أبقى على وهم الأحلام
وأبقى أطارد في سراب الأماني

ماغير أكبت في حشا صدري كلام
وأستقبل الذمات من طالح وداني

أنا السجين اللي حكم نفسه إعدام
بسيوف صمت قطعتلي لساني

أشيل حمل تعجز تشيله أقوام
وأبني من جروحي لحزني مباني

ياخوفي أبقى على وهم الأحلام
وأندم ع مافات من عمري وزماني

[‏᷂عسر٨٨ @Qhta10ni]

امجادنا يضربها وصف وامثال
ارفع عيونك فوق وتشوفها فوق

[سعود @sud1iii]

يارب ما للعبد دونك مداهيل
تضيق الأرض وتاسعه في رحابك

[معكاز شعر @M3kkaz]

تميل هالدنيا وانا ثابت ولا اميل 
ولو كثرت الطعنات ماباح سدي

رباني اللي من زحول الرياجيل 
متوارث الطيب من طيب جدي

اعطي قفى لملفقين الاقاويل 
هرج القفى ما يجيب حتى يودي 

وماهو غريب ان كثرو فيني القيل
لعيون مثلي تقوم ثورة تحدي .

[سعود @sud1iii]

جف صوت الحروف وشح فكر الكلام
وانعقد حبل .. فوقه عبرة جانيه

كل ماقلت هانت بذكر الله .. وانام
ناخ ركب الجروح اللي لفت عانيه

كل ليلة بـ صدري .. مؤتمر لسلام
وينقصف ما يكمل بالفرح ثانيه

الطف الكذب قولة بـ أن حالي تمام
والمعارك بـ صدري طحن متفانيه

بين خابت ظنوني بين كثر الملام
ارجي الله جزانا ثمرة دانيه

كيف بقنع عزومي تستمر ل الامام
وانا حكمة حياتي الدنيا فانيه فانيه

[‏᷂عسر٨٨ @Qhta10ni]

الدين ساس المرجله ثم الأخلاق
والطيب ثم الصبر ثم الشجاعه

[ِ @_nahi1]

اسر يالليل القصير اللي تفاصيلك طويلة
العوض في ليلة ما تظلم الدنيا بختها

في رحاب الارض ساعات دقايقها ثقيلة
يتساوى عندي اللي فوقها بـاللي تحتها

التظاهر بـ الفرح غير التظاهر بـالفضيلة
اتركوني مثل ما اعرف نفسي اعرف مصلحتها .

[‏᷂عسر٨٨ @Qhta10ni]

على صعيد القلق والظن والحيره
آمر بظروف ما يعلم بها الا الله

ارجّع الحلم واقدّم معاذيره
واقول للعقل طمّن قلبي وقله

ليا انكتب خير وان ما الله كتب خيره
سبحان من يملك زمام الامر كله

الانسان مضغة غرور وفطرته غِيره
شيطان وتهذّبه الاخلاق والمله

[معكاز شعر @M3kkaz]

ودي اضمك لين تصبح على خير
الخير انت وضمتك " خير ثاني ".

[معكاز شعر @M3kkaz]

إن طعتني لاعاد تشره على الناس
من جاك رحّب به ومن راح خله

لا تجرح الغالي ولا تقطع الياس
واضحك ولو بالقلب ستين عله

لا تنقل الهرجة ولا تصير بلاس
حتى ولو تملك عليها الأدله

واحذر تصير انسان ضايق وحساس
وتبالش العالم على كل زله

واصبر على دنياك بالعزم والباس
حتى لو انك عايش فوق ملّه

[‏᷂عسر٨٨ @Qhta10ni]

حي راسٍ ماتوطيه المصايب
يرتفع عند المصايب في علوه

[معكاز شعر @M3kkaz]

فنجالنا ماله مواعيد واوقات
فنجالنا والم على كل حزّه .

[‏᷂عسر٨٨ @Qhta10ni]

مجالس تبنى على العز والطيب
فيها النشامى بين وارد وصادر

[معكاز شعر @M3kkaz]

تمنعني الشيمه وبعض المشاريه
وصبراً لو ان الصبر مرٍ مذاقه

لو كل من يخطي علينا نجازيه
ضعنا بعجات الغضب والحماقه

لكن مدام الوضع يمشي نمشيه
من شان مانقطع حبال العلاقه .

[موطن القصيد @_mw6n]

لو جيتني بالطيب واللطف والذوق
تبشر بوجـهٍ سمح ، ما صك بابه .

[‏᷂عسر٨٨ @Qhta10ni]

اما انجز الموضوع مثل الرياجيل
ولا تعذر والرياجيل واجد

[معكاز شعر @M3kkaz]

ماني مدوّر بالمعرفه عزايم
ولا دجت بالشبّات و رجلي خفيفه

و أن غبت مالي في غيابي خصايم
نفسي تشوّم ولا تروم السخيفه

أما نجي و بالكف سمن و دسايم
ولا نموت ولا نسوق الضعيفه .

[‏᷂عسر٨٨ @Qhta10ni]

يْسوّي المعروف ويسد اللزوم
واليا شكرته قال ماسويت شيء

[هادي @u0r24]

مابين الصعب ، وبين الخوف ، والتجريب
أحاول ما أميل بيوم ولا تتشرد أفكاري

أمرّ بمرحلة صح ، أو خطا ، أو صدق ، أو تكذيب
كأني تايه في شيء ولاني عارف أقداري

أنا يارب ما أدري وش اللي ينكتب بـ الغيب
ولكن رحمتك أكبر من اللي فيه أنا داري .

[#بـقايـا جـروح💔 @YL4IF]

كافحت بدنيا بعز وذقت شي مايذاق
مامرت ظروف الليالي بارده ومبرده