السبيعي

"إذا الشِّعرُ لم يَهززكَ عند سَماعِهِ فليس خَليقًا أن يقال له شِعرُ"

[السبيعي @7izzp]

أنشدوا شاري الراحة شراها منين؟
ودي أشوف راحة غير راحة يدي

[السبيعي @7izzp]

قولي لهم ياعزوتي ما عابنا موت النخيل
الي يوافيها الأجل وتموت لكن واقفه

آخر عباراتي وداع آخر مشاويري رحيل
جيتك وكبدي ناشفه واقفيت كبدي ناشفه

[السبيعي @7izzp]

آخر عباراتي وداع .. وآخر مشاويري رحيل
جيتك وبي لفحة ضما واقفيت كبدي ناشفه

اصعب كلام أصعب خبر صرخه عقب صمتٍ طويل
مثل الهدوء الي سبق لحظة هبوب العاصفه

وأنتي بمتناول يدي .. تبدين مثل المستحيل
في عشرتك صوت العقل يقتل طموح العاطفه

[السبيعي @7izzp]

الحب ماهو كل شي إليا وقف حظٍ بخيل
قلوبنا مثل العسل بس الظروف مخالفه

لا للندم .. لا للعتب .. أو شي من هذا القبيل
وانتي ماجا منّك خطا حتى تقولي اسفه

من غير ليه .. استسلمي .. واستلهمي صبرٍ جميل
ولا تسأليني وش جرا .. مالك بطول السالفه

[السبيعي @7izzp]

عز الله إن الشايب الي جاب جاب
جت من خياله مستحيل من ظهره

اعاني من الحب ومن الاغتراب
ومن الوله ومن الحظوظ المدبره

عن ما اشتهت نفسي ومالذ وطاب
يردني دين ومروّه ونعره

[السبيعي @7izzp]

خليط ما بين العذوبه والعذاب
لها شكل عبله وطعنة عنتره

تفتح مغاليق الضماير فتح باب
وتدخل على الصدر وتبختر فـأيسره

وإليا تجلّى البدر من بين السحاب
تطالعه كنها تطالع منظره

خذت من الظبي الجفول الارتياب
ومن الخيول الشقر ثقل وبخترة

[السبيعي @7izzp]

الحب مايرحم سلاطين وملوك
وشلون يرحمني وانا شخص عادي؟

[السبيعي @7izzp]

يكتمل نضج البنادم في شعوره
لا شرا الخلوه وملَّ من التواجد

ولا أنا يا وجه.. غيبتْه وحضوره
ماخذٍ حتى خشوعي فالمساجد

كل فجرٍ .. يطرق الشباك نوره
كيف أسجّ وفيه من ضحكتك واجد؟

[السبيعي @7izzp]

تبسّمت لحديثك بسمة الي ممتلين إعجاب
مع إن نص الكلام الي ذكرته ما يناسبني

[السبيعي @7izzp]

ولا تطرّف للسباع وللضباع
ولا تطالبنا بما لا نستطيع

ولا تفكر في لقا ولا وداع
ولا تَنازل وانت منزالك رفيع

ولا تفرّط في فخامة الامتناع
الحدايق مالها سورٍ منيع

ما يعلم بالصحيح الا الشجاع
والصحيح يضيق الصدر الوسيع

[السبيعي @7izzp]

وش تبي بي ماوراي الا الضياع
وذكرياتٍ من ربيع إلى ربيع

لا تغرّك مفردات الاطلاع
فلسفاتٍ جبتها من كل ريع

الغرام "اوهام" والدنيا متاع
وانت لا تتبع هوى نفسك تضيع

عن ذنوب الوصل .. خيرة الانقطاع
خيرةٍ لك وانت تسمع ماتطيع

كل وجه من الاوادم له قناع
"كل" تعني الاغلبية لا للجميع

[السبيعي @7izzp]

وترا لو هو سهل فن الاصطناع
كان شفت الناس مافيها وضيع

يامليح الوجه يالنجل الوساع
انت آية حُسن من صنع البديع

اول الايام فرصة للخداع
والمدى يكشف لك السر الفضيع

انا شاعر لي مزاج الاستماع
وانت موسيقى ولحّنها وديع

لا تروع الناس جعلك ما تراع
ولا تفتح سوق عشق ولا تبيع

[السبيعي @7izzp]

قدم لنا الي فوقها الثلجه تعوم
ماهيب لحية دلةٍ شاذلية

[السبيعي @7izzp]

ظلمتي من يجي بعدك يجون وكنهم مقفين
قهرتي من يجي قبلك لو انه شمس تخفينه

[السبيعي @7izzp]

ما احدٍ لمح في عيني الضعف والياس
على كثر ما اقبل زماني .. ودبّر

ان زانت اوضاعي تواضعت لـ الناس
و ان شانت اوضاعي .. بديت اتكبّر !

[السبيعي @7izzp]

حسّ الفكاهه والشغف والتونّاس
جميعهم ما عنهم الطير خبّر

احيان يكسرني من النود نسناس
واحيان لا همّلت كسري تجبّر

في المجتمع فيني من عناد جسّاس
و في عزلتي .. مثل الفجيع المصبّر

احتاج واقفّي وانا رافع الراس
كنّ السحايب من جبيني تزبّر

[السبيعي @7izzp]

تغاضي ياعيوني والسنين قصار
مادام الوقت لا انصفني ولا انصفته

احب الي مضى لي .. واكره التكرار
واشوف الي يخوفني .. ولا خفته

غريب شعور والواقع غريب اطوار
كثر ما كنت راضي .. كثر ما عفته

ياكثر الي تحاشيته يصير ، وصار
وياكثر الي تمنيته .. ولا شفته

[السبيعي @7izzp]

@1Tacobel @mesasrr طريقتك بالكلام غلط اخي الكريم حيث قولك بان القبائل لاتنتسب بشكل مباشر طعن في نسبها يعني وشلون سبيع وعتيبه في هوازن من ورا التريلات ؟

[السبيعي @7izzp]

@_alhakm الحجاج يلحن!