سيف

فيلسوف / شاعر / استاذ جامعي / ادخن Marlboro - كل شيء عني صحيح بأستثناء اسمي و صورتي

[سيف @8ises]

• يلا ناخذ أجر مع بعِض 📩🕊️:
- ☁️ أستغفراللَّه .
- ☁️ الحمَدلله .
- ☁️ الله أكبر .
- ☁️ لا إله إلا الله .
- ☁️ سبحان الله وبحمده .
- ☁️ اللهم صلِّ وسلم على نبينا محمد .
- ☁️ لا حول ولا قوة الا بالله

[دمــث @v80r_1]

مامعي غير روحٍ ماتعرف الخضوع
خايف اسخي بها لـ رضاك وتهينها

سعود بن مبارك

[قروب اشعار @aShi3ar]

شلون ما اعدّك من الناس مركاي
وعليك عكفان الشوارب تراكت .

[:) @useer5ll]

يامرحبا ياحفيدة ناقلين السيوف
ياذخر من ترتع البل في ذرى سيفها

يوم المعارك ودقلات السرايا تطوف
ترعا الخطر بالمشوّك في رها ريفها

انتي هوا البال يامنوت بعاد الشفوف
يا بنت ..قوم على العليا ..مشاريفها

عيطاً تخطرف ليا منها مشت ماتشوف
تقول ما خذتن الدنيا ... على كيفها :)

[سبّيع . @subiie7]

مساء ودي . . إما بعد :

ودي أضيع بين يديك عقب البعاد
ضيعة اللي ما عيّن عاقلٍ ينصحه

[العنود الواصليه @anoudfaraj]

وشلون يرخص كل الاشياء الثمينة
ويعيش ما يحمل من الهم مثقال

مهما ادعّى قلبي شعور السكينة
يهزه البيت الشجّي قبل ينقال

في واحدٍ ماله مع الناس عيِنه
مستوطن اعماقي من الجال لـ الجال

ان حس بـ استلطاف و لا ضغينة
في كل حالاته سنافي و رجال

لو وزع احساسه على اهل المدينة
صاروا هبايب تحضن الغصن لا مال

هلوا مثل دمع الصبابة بـ عينه
وحنَوا مثل نبرة سؤاله عن الحال

جعل العمر و اللي بقى من سنينه
تفدى سواليفه ، ليا مرت البال

كل الدروب اللي تركها حزينة
وكل الاماكن من بعد فقده ، اطلال

لـ الحين لا غاب الشفق قلت وينه ؟
ولاهب نسناس الهوى قلت وش قال ؟

لو جادت الدمعة. ، و شحت يدينه
شفت العوض راسه قبل روس الاموال

مسموح ، و اعذار الحبايب سمينة
وش اجمل من الحب ؟ لو كان قتّال

[معكاز | شعر @M3kkaz]

راحت تسوي تان في قمة ..القيض
وجتني وشفت خدودها البيض جمرا

ماهو مكفيها التميز عن البيض
راحت تنافس بالحلا كل سمرا .

[‏᷂عسر٨٨ @Qhta10ni]

التردد دايم يخلًي الفرصه تروح
والعزيمه بيض الله وجيه اصحابها

خل في قلبك جساره وفي نفسك طموح
المثل قـد قال من هابها ماجابها

[دمـخ @__s2t]

كيف ! امتلت عيني بعدك دموع
و انا ما يملى عيني الا / انتي

- مشاري الصغيّر

[مدواخ شعر @Medwkh]

" عندي يقين إن الليالي المقبلة ماهيب سود
أنقى من قنوف السحاب ، الي تلوح بروقها "

[دمـخ @__s2t]

شعور السعادة في حياتي بشكلٍ عام
تلاشى شوي شوي كنه طموحاتي

إلا واهني من يحسب العمر بالأرقام
أنا صاير أحسب عمري بكثر طعناتي

مغانم حياة ومغريات وكثير أحلام
تنازلت عنها ما تنازلت عن ذاتي

- نواف ابو نيان

[ٌ @ajm7i]

محد قدك إلا قدك المترف الميّاس
وشقارٍ يدينك تجمعه وارجع اثرّه

على عنقك الفضه تحقر الذهب والماس
ويغلى ثمنها ويتضاعف مية مره

دخيل الوساع اللي تناعس بدون نعاس
ترفق علي إن كان ماهي بمضطره

وش أهديك غير الشّعر وأنتِ عريبة ساس
اجيب القصيد اللي يخليك منغرّه

[شطر/صورة @2lji7]

أحافظ على سيرة وصاله من التشويه
ودربٍ على غير النقاء ما "تمثنيته"

وصلت لمكان فيه .. واتلى العهد به فيه
الا ليتني من قبل لا آجيه " ما جيته "

اسولف لـ"نجد" و "نجد"تمطر على طاريه
تلم السحاب وتنثر الما " على بيته "

[شطر/صورة @2lji7]

معايدك يافاتنه يّقعد الراس
طلّي مادامك في ضلوعي سكنتي

لاتذخرين الكلمه اللي على ساس
حتى لو انك بالكلام استهنتي

خلي الكلام اللي يقولونه الناس
خير الكلام اللي تقولينه انتي

[العنود الواصليه @anoudfaraj]

افك الستاير و انتظر من ورا الشباك
متى الليل يجبر خاطري واكسر سهاده

أنا أحق بـ أنسام الهوى من غصون الراك
لو أني ما اميل أن هبت النود بزيادة

معي بعد هذاك الغياب الطويل ادراك
ادراك اللي يدري بـ الخطا كل ماعاده

حبيبي من الـ لبيه لا يا عساه فداك
ماعندي لك الا قلبٍ بما نبض جاده

يناديني النسيان ، و اسمعّه ذكراك
على صوت فيروز وعلى القهوة السادة

يازين الحظوظ اللي رمتني على مرماك
عنودٍ تقود الصيد و اليوم منصاده

لا تستغرب اللهفه على ضحكتك و رضاك
رضاك السحاب و ضحكتك صوت رعاده

تماديت في قلبٍ جبره الحنين و جاك
و معجبني انه فيك " مسلوب الإرادة "

تمادى علي أكثر ، مادام الغلا ولاّك
لك القلب مرتاح و لك الروح منقادة

أحبك ، قبل لا أختار في وصلك و فرقاك
ولا فيه احد يختار موته و ميلاده

وش العيد و ايام الغلا و المطر لولاك ؟
يا فرحة ملذات العمر و أجمل أعياده

انا لو دريت اني بحبك قبل لا القاك
ماعشت آتمنى حظ ليلى و ولادة

ولو اني عرفت أسمك قبل طلة محياك
نقشت اول حروفه على عنقي قلادة

[معكاز | شعر @M3kkaz]

لا صار شفّك بعيد ومحزمك فاضي
والوقت حمله ثقيل وعلته علّه

لا تلتفت في حسايف وقتك الفاضي
غامر على العز والتوفيق عند الله .

[بوح غفراني @bo77_1]

أقبل وكنّه يسحب أخطاه مذهول
من الحيا لا من وطا القاع سمّا

متسلّطٍ بـ الوجه والرق والطول
تسلّط الدنيا على .. أخوان شمّا

بياض عنقه من ورى شاله تقول
نور القمر لاجا على .. راكد المّا

[بوح غفراني @bo77_1]

كانك تبـي تعــرف مقاييس الجمال
بعطيك في ما يجـذب الخافق دليل

ترى الحيـا والعـقـل في بنت الرجال
يغني عن التوصيف والوجـه الجميل ..

✋🏻

[🧁 @uixfii]

انتي اخطر قنبله, تخصيب زينك زايد
كن جيناتك" نوااااة القووه الذريه "

القوام اللي برغم اللين رسمه كايد
و البيّاض اللي يرد البرصه اثيوبيه

لا تلومين الصغير اللي يجيك يعايد
شوفتك عند الصغير احلى من العيديه

[بوح غفراني @bo77_1]

يـ لذيذ العنـق لد العين ..( يمي )
ودي اهديلك من حروفي قصيده

احسبنك مانت هم وصرت همي
سامح الله ظن قلبي في ( وريده )

عاد " قلبي يجتلد ويفور .. دمي
فيني من الشوق و اللهفه وقيده

(خل) عيني ما تشوف الا تسمي
كل مابانت لي وصوفٍ (جديده)

الجسد من نابي الردف .. متنمي
والنهد ساعي وانا ساعي ، بريده

غير شيٍ ما يسميه ..( المسمي )
وغير قلبٍ لا هوى يفني رصيده

لو تمد من الكفوف البيض سمي
كيف اردك في طلبك الي تريده ؟

انت تامرني وانا اجيك ( متحمي )
لو تقول نموت قلت نموت سيده

مقرن بن حربي

[شطر/صورة @2lji7]

"فتحت لك بيبان صدري على شان
إن جاتك الفرصة تمرّين مرّي"
_عبدالله بن دايس