Hussein Wousam

طالب معهد الفنون الجميلة بغداد/ قسم المسرح
مصور📸، ممثل مسرحي🎭، كاتب نصوص مسرحية📄، مصمم🌁، اعلامي👨🏽‍💻، مدون 📝، اوتاكو🛸.
تغريداتي الخاصة بالاعجابات 🍋🥛

[حسين وسام / كلمتي للجغرافية @welaeyty]

اني مثل مرجعية النجف 😇.
الكل تكول كلامها صح، وعدهم ايمان ان كلامها صح، بس محد يسمع كلامها وتوجيهاتها .
ومن تصير مشكلة يكولون ليش ما تحجي، ومن تحجي وتصير ضدهم يسقطون بيك ويكولون انت شعليك .
#المُرهف_لديكم
#صمام_الامان
#بُح_صوتي

[حسين وسام / كلمتي للجغرافية @welaeyty]

الي جان يكتب غزل ويكول :(أتمنى ان أضع وجهي بين نهديكِ) او الي جانت تكول :( اتمنى ان ارمي بنفسي بين ذراعيك)، شخباركم وي الحر ؟ 😂 احتضنتو بعض؟، ششششني ؟😂 ، المهم الغزل الوحيد الي احب اكولة : ( انا وانتِ وكهرباءٌ لا تنطفئ) ،( تجين اشغلج المبردة وتحبيني؟).
انحمسنا يمسرح الصدمة💔

[حسين وسام / كلمتي للجغرافية @welaeyty]

من تريد تعكر فرحة احد :
٢٠٠٩ : فرحان واحنة كل يوم انفجار وناس تموت ؟
٢٠١٦: فرحان وشبابنة نايمة على الساتر ؟
٢٠٢٠ : فرحان وبعدنة ما ماخذين حق الشهداء؟
تكدر تستخدم هاي الحيل، في حالة خسارة فريقك.٩٩% من الي يستخدموها ما يعترفون لا بالساتر ولا الشهيد.
حيرتونة يسمچات التونة العنيدة

[حسين وسام / كلمتي للجغرافية @welaeyty]

من هسة :
- حبب الناس بالثورة واكسبهم لقضيتك.
- شمك للدخانيات ومبيتك بساحة الاعتصام شي يخصك .
- ابعد شهواتك ونزواتك وكلاواتك من الساحات .
- يرجى كتابة الاسماء الي طالع علمودهم حتى تعيرهم بالمنشور.
- انتبه من المندسين، ولا تصدك بأخبار البيجات الممولة والوهمية.
#تشرين_الصمود_تعود

[حسين وسام / كلمتي للجغرافية @welaeyty]

#تشرين_الصمود_تعود وقد خَسرت خيرة شبابِها و أبطالِها ، فمنهم من خطفه الموت منا ، ومنهم من خطفه الاشرار ، ومنهم من خطفه الخذلان .
ويا مكثر الي خطفهم الخذلان 💔 .
#ثورة_تشرين #اكتوبر
#تشرين_تطرق_الابواب #بغداد
#تشرين_موعد_الثائرين #العراق

[حسين وسام / كلمتي للجغرافية @welaeyty]

كم شخص موهوب عدنة قرر يتوقف بسبب المُحَبطين والمستهزئين وما كدر يكمل طريقة؟

كم شخص موهوب قرر يتوقف لان واحد اعلى منة بالمجال قرر يكصكص جناحاتة ويبعدة من الطريق؟

كم رسام او ممثل او نحات او موسيقي خسرناهم لان "الماما" تريدة يطلع صيدلاني لان ابن عمتة دكتور ؟

هضيمة 💔

[حسين وسام / كلمتي للجغرافية @welaeyty]

كرأي شخصي ( ان الامام الحسين هو للشيعة فقط) و اي واحد غير شيعي يسولف بحب الحسين (ع) والاقتداء به فلقلقة لسان .
لان الائمة مو محل بگالة، تجي تاخذ من كل امام صفة، لو تقتدي بكل صفات الامام علي(ع) لو لا تقترب من هاي الشخصيات.
سالفة( لگط بيدك محد يفيدك)سويها وي غير ناس ومع غير افكار.

[حسين وسام / كلمتي للجغرافية @welaeyty]

مرة شخص انقبل في معهد الفنون الجميلة، يكول نزلت لمحافظتي حتى اشوف الاهل،جارنة شافني كلي شلونة الشغل في بغداد ؟يكول اني استغربت كتلة زين،بعدين عرفت ان ابوية ناشر خبر ان ابني راح لبغداد يشتغل .
يكول همزين بهذاك الوقت الفيسبوك ما جان موجود وعشت خمس سنوات الناس عبالها اشتغل بمطعم .

[حسين وسام / كلمتي للجغرافية @welaeyty]

لمعظم الاصدقاء الذين كانوا بجانبنا يوماً، والان يطعنون بنا سراً او علانية ، اريد ان قول :
انت مثير للشفقة
you are pathetic
Tu es pathétique
لكن باللهجة العراقية تكون اجمل خصوصاً عندما نقول ( انت خطية) .

[حسين وسام / كلمتي للجغرافية @welaeyty]

2015 :انت شلون جاي تمارس حياتك الطبيعية وتفرح واكو شباب نايمة على الساتر علمودك ؟.

2019 :انت شلون جاي تمارس حياتك الطبيعية وتفرح واكو شباب نايمة بالشوارع والخيم تتظاهر علمودك؟.
بالعراق انت مدلل كلها تسوي شغلات علمودك شرط ان ما تعترض،غيرك يعرف مصلحتك اكثر منك
حيرة يمسرح القسوة💔

[حسين وسام / كلمتي للجغرافية @welaeyty]

بالنسبة لللاديني الي عاش حياتة طبيعي وبدون اهتمام للقضية من بداية محرم لليوم، هذا يستحق الشكر والتقدير، اما بعض الملطلطين الي بقو يفترون بالمواكب، ويدورون اكل وچاي وينشرون الحسين هيج يريد والمفروض هيج، يحسون نفسهم يضحكون على الشيعة ما يدرون هم جاي يكثرون السواد،نشوفكم بالاربعين.

[حسين وسام / كلمتي للجغرافية @welaeyty]

جملة "غمان الشيعة" شو بديت احبها 😍 .
الحلو بيها ان هي نسبية ، كلش تفيد هلجملة ، واني منا كلبي "مورم" من وراهم 😂😂😂 .

[حسين وسام / كلمتي للجغرافية @welaeyty]

انا مع التصوير والتوثيق .
من تسوي اي شي يخدم المجتمع صور و وثق وافتح بث مباشر وما عليك 💙 .
والي يكول رياء وجماعة "صورني واني ما ادري" ، لا تهم بيهم ، لان نفسهم راح يكولون ( وانت شمسوي) اذا سويت شي وكتمت عليه.
التوثيق " العقلاني" ينطي حافز لغيرك 💙
المرجعية والعتبات نموذجاً

[حسين وسام / كلمتي للجغرافية @welaeyty]

فد يوم اجتمعنا كم صديق في بيت احد الاصدقاء، فصار نقاش وصارت مداخلات ومن هنا وهناك، فصار اختلاف بالرأي، فكال صاحبي ( اهوووو شيخلصكم من حسين راح ينزل عليكم ستوريات ومنشورات) .
فيا شباب هذا منشور نزلتة عليكم اهم شي ما يطلع صاحبي چذاب كبالكم، واسف لصديقي لان انتظرت اسبوع حتى انشر 💔

[حسين وسام / كلمتي للجغرافية @welaeyty]

من المعروف ان المندسين بأقصى قوتهم يوصلون ال١٠%، ويسون شغلات خفيفة وبالسر، بس بالعراق تحس الشغلات الي يسووها المندسين جبيرة وبالعلن وحجمهم مال ٧٠% .
من الاخير، المندسين هم الجهة الي نخاف نكول منو و المندس الي يشتغل ع المزاج ليش نسلمة للقوات الامنية او نفضحة ؟ مووو 😌 .

[حسين وسام / كلمتي للجغرافية @welaeyty]

مجتمع الوسط والجنوب تقسم الى:
١- الاحزاب وجمهورها
٢- النواشيط وربعهم
٣- ناس تريد حل لهذا البلد
٤- حسين وسام
الاول الثاني، واحد يدور ع الثاني حرشة ، و واحد يسقط بالثاني،وكلهم جاي يضرون الثالث، ويريدون يكسبوه لطرفهم بالقوة.
اما الرابع حاير بالمسرح 🎭
ويريد يتزوج يا ناس 💔

[حسين وسام / كلمتي للجغرافية @welaeyty]

من شخص علماني او مدني او متحرر ... الخ ، يتعرض لحادث او مضايقات او يتوفى، مباشرة تتوجه اصابع الاتهام الى الاسلاميين، متناسين ان بهذا البلد عصابات وعشائر وثارات ومشاكل، صدك لو گالو كلمن عدوة كدام عينة .
المهم يا شباب اي شي يصير علية صوج ثانوس وسكان كوكب المشتري .
كافي حقد 🤕

[حسين وسام / كلمتي للجغرافية @welaeyty]

اغبى ما خلق ربي، هو هذا الشخص الي حتى لو تسولف عن عالم الاسماك والمخلوقات البحرية، يكلك مو ما عدهم احزاب اسلامية ولا عدهم فلان الفلاني وينطيك ملصق الغمزة😉.
على اساس توجهك السابق فضيحة لازمها عليك، ولك لو ادور مثل سوالفك ابقى اغمزلك للصبح يروحي 💙 .
غبي مع سبق الاصرار والترصد

[حسين وسام / كلمتي للجغرافية @welaeyty]

شكد حلو من تصنع مشكلة " سراً " ، وبعدين تحلها وتصير سوبرمان 💪🏼.
بس بهاي الحالة لازم يكون عندك كم مطبلچي 🥁 وكم اعلان ممول، حتى تكون الامور تمااام .
بس ملاحظة : المطبلچي راح يقبض راتبة قبلك ✌.

[حسين وسام / كلمتي للجغرافية @welaeyty]

جذوري الاسلامية وحبي للمذهب الشيعي و ايماني بالقضية الحسينية وتمسكي بمرجع ديني، هذا الشي خاص بية وما ينفرض على احد، وما اكدر اتنازل عنها لخاطر أحد، اما ذنوبي او السيئات الي انت تدري بيهن فهاي مو دليل على عدم اقتناعي ب الي ذكرتهن ، ترة سميتهن "ذنوب"، ولحد الان اشعر بتأنيب الضمير.