لما تصير عندك فلوس فأهم وأول شي تسويه انك تبدأ ترفع جودة حياتك ، بمعنى انك :
أكلك يصير اكثر صحة ( تشتري مواعين افضل - خيارات صحية أكثر - مواد أولية صحية للطبخ )
بيتك يكون لراحتك ابتداء من المرتبة اللي تنام عليه لنوعية الملابس اللي تلبسها لأي جهاز تشتريه في بيتك يزيد من جودة حياتك .
علاقاتك تصير أفضل ، مو تنقطع عن الناس وتجحدهم ، بل العكس يزيد كرمك وسخاءك وتترفع عن سفاسف الأمور.
انفاقك لوقتك يكون اكثر جودة ، معك فلوس يعني تقدر تشتري الوقت ويكون في ناس تؤدي عنك المهام الروتينية ، وبالتالي يكون وقتك في ما يعود عليك بالسعادة والرفاهية .
مو شرط تصير ملياردير عشان تسوي هالأمور ، تقدر تبدأ بأبسط الخيارات.
انفاقك للمال بذكاء راح ينعكس على جودة حياتك وبتحس فعلا انك قاعد تستفيد. افضل من انفاقه في مشتريات استهلاكية لأشباع لحظة وقتية 👍🏻