ٍ

Dr. | Lost between pages & poems

[ٍ @Calmedoctor]

في نهاية اليوم تستوعب أن الأيام المشحونة بالإنشغال
تحفظك من خطيئة الإكتراث لتوافه الأمور

[ٍ @Calmedoctor]

جنحان الأحلام ساقتها هبوب النّصيـب
وإن طاح مقدورها ما طاح مقدارهـا

وأنا غريبٍ نذر عمره لخاطر غريـب
وقّف على باب غاياته ولا زارهـا

[ٍ @Calmedoctor]

لاتنسون الوتر🤎

[ٍ @Calmedoctor]

يارب أنا قلبي عزيز وحياويّ
شيٍ يهين النفس لا تقسمه لي
حتى لو إني له شفوق وشفاوي
تغسل فؤادي منه قبل أغسل يديّ

[ٍ @Calmedoctor]

دعيت ان العوض يآتي كبير وما ذخرت آمين
عسى اللّٰه يطفي أوهام الشموع بلحظة احراقي

يمرّ العمر والحزن يتلاشى والطريق يزين
واغني كل ما يلمس شعوري لهفة اوراقي

أعرف ان العوض دايم يجي لكن يجي بعدين
أنا ما كنت اظن إن العوض يستَاهل إرهاقي

[ٍ @Calmedoctor]

والله إنَّك لتعجب كيف يُقلِّب الله الموازين لأجل دعوة دعوتها صادقًا في جوفِ الليل

الوتـر

[ٍ @Calmedoctor]

اكره اللي يصعب الحياه فوق ما انها صعبه

[ٍ @Calmedoctor]

ياخي والله الحياه بسيطه

مو لازم كل شيء له حسابات
اسمع، بادر، اسأل، عبّر
سو اللي بخاطرك وخلاص

[ٍ @Calmedoctor]

لابد من عقب المطاريش
معـواد
ولابد من عقب المواجع
عوافـي
ولابد من عقب السهر
لـذّة رقـاد
ولابد من عقب الكدر جوّ
صافـي

[ٍ @Calmedoctor]

من لا يعـدّك ربــح .. لا تـعـدّه خسـارة
وارفـع مقامــــك عن هـوى كل منّــان

الـطيـب فـينــــا مـا نـبي لــه تـجــارة
واللـي يـبي الفرقــى له الـدرب عنـوان

[ٍ @Calmedoctor]

هذه النسخة التي لا أشبهها
الأكثر انطفاءً
والأثقل تعبًا
والأشد وحدة
والتي يراودها الاختفاء أكثر من أيّ وقت مضى

هذه أضعف نسخة عشتها منّي

[ٍ @Calmedoctor]

يمرّني كل عامٍ يوم ميلادي
يومٍ أعرفه ويوم انسى مواعيده

يمرّني وانتبه للغايب البادي
واهوجس بحال غيري من مواليده

أرتاع وارتاح له يفرق وهو عادي
ينقص من العمر عامٍ في ضَحى عيده

أناغم الحرف ذا باكيّ وذا شادي
وارسل مع كل دمعه وجد تغريده

[ٍ @Calmedoctor]

13 September 🎈

[ٍ @Calmedoctor]

المـوت حـظّ القلـم والمجـد للدفتـر
حبـر القلـم غلطتـي وايامـي اوراقـي

الخـوف يجتاحنـي وجـه الطريـق أسمـر
راح اكثـر العمـر يـا خوفـي عَلى الباقـي

[ٍ @Calmedoctor]

13 September 🎈

[ٍ @Calmedoctor]

ماعاد أنا بخايف ولعاد بـ أهتمّ
وش فايدة خوفي والأيام تجري

دام القدر مكتوب بالكيف والكمّ
وحكم الولي ياخذ مَساره ويسري

ودام الشقا والراحه أمرٍ مقسّم
ليه أخسر أيامي وأفرط بعمري؟

أبنبسط واضحك ومالازم أفهم
بعض المعرفة تورّث الهم بدري

[ٍ @Calmedoctor]

اللهم في يوم الجمعة
أجـعـلـنـا من الذين نالـوا ماتمنّـوا
ويسـر لنا أيامـاً سعيـدة ومُيسّــرة

[عبدالله المهيد @LawAlmuhaid]

(وَكَيفَ تَصبِرُ عَلَى مَا لَم تُحِط بِهِ خُبْرًا)

يصعب على الإنسان، بعقله المحدود وقلبه القلق، أن يفهم كل ما يحدث، أو أن يدرك الحكمة وراء تأخر رزقه، أو حزن أثقل قلبه، أو ابتلاءٍ لم يعرف سببه…

الإنسان لا يرى سوى جزء صغير من الحكاية، بينما يرى سبحانه الصورة كاملة بحكمته ورحمته.

[Majed alnufaie @otbbva]

متساويٍ كل شيء إيجابي وسلبي
والقلب ما يشتهي والنفس ما تهوى

محتاج ضحكه قديمه من وراء قلبي
الضحكه الحين لو من قلب ما تسوى

[ٍ @Calmedoctor]

ياعذاب اللي هقاويه واحلامه كبار
يحسب الدنيـا تراعي شعور الطيّبيـن

الزمـن دوّار وأنا نشدته يوم دار
قلت ليه تدور؟ قال انتظر ما دِرت زيـن

عايش الحرّيـة اللّي ماهي عند الحرار
ومن كثر ما أسرفت فيها شعرت إنّي سجيـن

صكّت الصكات جعل راسي مجـار
من معاناة وظروف وبقايا راحليـن

[ٍ @Calmedoctor]

ما هي بيدينّا مقادير الأيـام
واللي مضى صعبٍ علينا رجوعه

كل ما كبرنا تصغر كبار الأحـلام
وجدي على حلمٍ تهاوت شموعه