ابراهيم بن هادي

[ابراهيم بن هادي @I_ooo44]

مادام الاحباب لـ بيوت الغلا تبني
لك ف الحشى بيت من يقدر على هدمه

ماكل احبك من اي انسان تعجبني
مشاعري عند بعض الناس منعدمه

من يوم حبيتك الله لا يعاقبني
حطيت كل الحبايب خارج الخدمه

[ابراهيم بن هادي @I_ooo44]

تبين في الوجيه الكلمه اللي ماتبي تنقال
يميّزها الضمير اللي مهوب يكيد ويموّه

وكيف الحال بلسان العدو ماهيب كيف الحال
تراها الميسم اللي مندفن في قاعة الدوّه

خليين المكارم يحسبون ان الكلام افعال
على غش الضعيف من الاوادم فيهم اجروّه

[الحاكم @_alhakm]

#خطبة_الجمعه

بلسان ناصر مناحي:

يبين الغل والا ما يبين الغل انا رجال
اعرف المخطيه والمقديه واقدّر الخوّه

واعرف ان الليالي زايله وان الوفا لا زال
واعرف ان الحسد والكذب شر وفقدة مروّه

الا يالله بجاهك من غضبك وفتنة الدجّال
والا يالله بجاهك من تضيعافٍ بعد قوّه

خبيثين السراير لو يحطون القصار طوال
حصايلهم من الدنيا واهلها ذكرٍ امشوّه

خليط من النذاله والكراهية والاستغفال
مثلّث منت قادر توصفه لو انّك مفوّه

تبين في الوجيه الكلمه اللي ماتبي تنقال
يميّزها الضمير اللي مهوب يكيد ويموّه

وكيف الحال بلسان العدو ماهيب كيف الحال
تراها الميسم اللي مندفن في قاعة الدوّه

خليين المكارم يحسبون ان الكلام افعال
على غش الضعيف من الاوادم فيهم اجروّه

ترى المحروم من ربي عطاه الجاه والاموال
وعلى ما الله عطاه من المزايا ما شعم ضوّه

لا شفت اللي يعبد المال ينصحنا ببذل المال
تجنبت الكلام وقلت لا حول ولا قوّه

خذوني للشعيب اللي توطاه المسيل وسال
ولأنسام الصباح اللي غيومه تارسه جوّه

غريبات الليالي مالها وزنه ولا معدال
احسب انّي سلمت من الغثا واثر الغثا توّه

[ابراهيم بن هادي @I_ooo44]

الإنسحاب في بعض الأمور أشبه بالعفو عند المقدرة
مثل ماقال سفر الدغيلبي /

« يوم شفنا الشك والريبه وعودنا نكايف
والرجوع من الدروب العوج نوع من الشطاره ؛)

[ابراهيم بن هادي @I_ooo44]

ليت قلبي وان عذلته ينعذل لي
وان سمع هرج السفاهه لد بابه

عادت المخلوق لا غيب يزلي
ويتحسف عقب ما يمضي جوابه

[ابراهيم بن هادي @I_ooo44]

يا ملاذ الروح لا زلت , انا منك واليك
اعشقك واهوى , عذاريب حبك كلها

يمكن اعيش العمر في رضى قلبك دريك ؟
بس لا يمكن سيوف , الفراق اسلها !!

قلبي اللي من يديني مسلّم في يديك
كل لحظه معك , والله مهوب يملها

ليه اعاتب واتشره تعرف اللي عليك
والدروب اللي تودي , علي تدلها !

[سعد بن لويبه @sd280]

لا تولع في هوى اللي تبيه ولا يبيك
القلوب تشوم , ماهيب تقبل ذلها !

يا حبيبي والمشاعر من اللهفه تجيك
لا تخليها تعود , تموت بـ غلها !!

ارحم اللي ضاع عمره موقف يحتريك
كل ما تعقد حبال , الوصال يحلها

يا ملاذ الروح لا زلت , انا منك واليك
اعشقك واهوى , عذاريب حبك كلها

يمكن اعيش العمر في رضى قلبك دريك ؟
بس لا يمكن سيوف , الفراق اسلها !!

قلبي اللي من يديني مسلّم في يديك
كل لحظه معك , والله مهوب يملها

ليه اعاتب واتشره تعرف اللي عليك
والدروب اللي تودي , علي تدلها !

لا تزيد جروحي جروح يرحم والديك
كان ما تقدر تداوي , جروحي خلها !!

[هــاوي . @hh19__]

إرجع وترجع لي البسمه يا سمح الجناب
يكفيك لا مر ذكرك قلت يا مرحبا

وشلون أوصل شعوري بعد طول الغياب
يا ليت للشوق طير مثل هدهد سبا

إن رحت راحت حياتي كلّها فإكتئاب
و إن جيت جات السعاده مع نسيم الصبا

بديت أشوف المواصل مثل طرد السراب
من يوم صار المفارق مثل حد الشبا

ودي بوصلك فليله تكتسيها السحاب
في قاع ما داج فيها غير جول الظبا

من كثر مانيب أحنّك من جروح العتاب
ما أقابلك غير بالضحكه وطيب النبا

ماتدري إن المعانق مثل عتق الرقاب
بالذات لا صارت عروق القلوب شهبا

مابين جرعة حنين و بين جرعة عذاب
العزم من كثر ما عاش المفارق كبا

إفتح للأشواق باب و للمراسيل باب
يمكن نعيد المحبه في سنين الصبا

[ابراهيم بن هادي @I_ooo44]

انت حبّك ما لقيته على جال الطريق
ما تجيبه غير دعوّة حجيجٍ في منى

جيت من بطن السحايب كما الغيث الدفيق
تنجي اللي طول عمره حياته في عنا

منهو اللي يكسب رضاك يوم انك تضيق
ويتجرع كل لوعات حزنك غير انا

ايه احبّك واشهدني وسط حبّك غريق
وحالفٍ ما اخون حبّك ليا يوم الفنا .

[ابراهيم بن هادي @I_ooo44]

لاتعاتبون احدد . .
يقولون البدو / لا اشتهى القلب ساق القدم ؛)

[ابراهيم بن هادي @I_ooo44]

المفارق وجهه اسود مثل وجه الكذوب
والمواصل مثل وجه التقي فيه سفـره

لو يقول انه على نية الوصل مغصوب
من عيونه تدري ان الولـع جاب خبره

العبي به ياذعاذيع دام انه لعوب
يلعب بقلبي وانا العب بقافي واصخره

ضيعتنـي هزعـة العمر والقلب الطروب
في متاهـاتٍ عليهـا وسومـه وصوره

[ابراهيم بن هادي @I_ooo44]

عشان الضحكة اللي ما لها بين الخلايق نِدّ
أسوق أقصى معاذير الغلا، وأشدِّد ركابي

لو إنه ما وقف بيني وبينك فـ البسيطة: حَدّ
أنا اللي واقفٍ بيني وبينك: «دمعة أهدابي»

أنا أولى بالهوَى، ودموع عينك، والهدب، والخدّ !
مع إن العبرة اللي في خفايا صوتك أولى بي

[ابراهيم بن هادي @I_ooo44]

عوايد العاشق ، يهدد ولا يفعل
أزعل وأهدد ولا أجرح وأنت تجرحني

تخطي ، وتزعل علي ، وأقول : لا تزعل
أنا اللي أخطيت .. ماودك تسامحني ؟

[ابراهيم بن هادي @I_ooo44]

كل ما اقبل والزعل فيني
ان تبسم استحي منه

والله انه في ذرى عيني
واتشفق صدق واحنه ؛)

[ابراهيم بن هادي @I_ooo44]

النفوس العظيمه تعرف اللّي تبيه
ما تدوّر رضا العالم وتركض وراه

من يجامل وجيهٍ ويستحي من وجيه
راح عمره وهو يمشي بدون اتجاه

البس اللي يعجبك واكل ماتشتهيه
دامك في طاعة الرحمن عيش الحياه

لا تروح لمكان الا وراحتك فيه
ولا تجي من مكان الا بـ سيره وجاه

[ابراهيم بن هادي @I_ooo44]

لا لمحت البرق يبرق وانفتق خيط السحايب
وش يهدي بالي اللي جاب شي مايفيده

ياحبيبه عاتبي لو العتب ماهوب صايب
لك علي الملم شتاتك واتل الحزن بيده

اقلطي في وسط صدري يابعد كل الحبايب
مابعد وجهك حياه ولا بعد فقدك فقيده

كان ماجابك نصيب الله يعجل بالنصايب
فرصت منتي وراها ماتجي فرصه سعيده

[ابراهيم بن هادي @I_ooo44]

"جعل دارٍ فيه طرياك حنَّان الرعود
الربيع يْفاوله .. والسحايب تسكبه"

[ابراهيم بن هادي @I_ooo44]

لاتضايق يوم أعاتبك يالطرف الخجول
عاشقك لو يخفي احساسه يبين زعله

لو تمادى فصل واحد من الاربع فصول
من يحبك عمر سيف الهوى ما يقتله

قلبي اللي حبك ، أكبر عذاريبه عجول
بكره يراجع .. ( قراراته ) المستعجلة

[منفىٰ . @20l_r]

قافلٍ باب المحبه من سنين وتايب
ولايهضيني طواريق الحمام وسجعه

منصدم من صدمة الفرقا وراسي شايب
في عيوني حر شوق وفي ضميري وجعه

غاديٍ حالي مثل حال الشجاع الهايب
ضاهده حمل الزمان ومونسٍ له فجعه

طايبه نفسي وتفكيري وقلبي طايب
من حبيبٍ غاب عن عيني وقفّا نجعه

بعد زوله راح عني صــار طيفه نايب
ذكرياته ماتجيني غير وقت الهجعه

صايرٍ معظم كلامي ف ( الضمير الغايب )
( غايبٍ )ماله ( ضمير )ولاطراله رجعه

[محمد بن عوير @_n6lll]

دعيت في ساعةٍ فيها الدعاء مستجاب
ارب الايام تكسبني بـ ( ماجوبها )

ما عاد ادور من يدين الليالي زهاب
من يوم شفت الليالي باهتٍ ثوبها

يالله بـ صبحٍ شعاعة مقتفية السحاب
عن ضيقةٍ كل ليلٍ تدحم جنوبها

لا ضاع الانسان ما بين الخطا و الصواب
انا اكثر انسان نفسة يكرة اسلوبها

اذنب و عندي يقين انك شديد العقاب
جعل العوض توبةٍ مدري متى اتوبها