ثقلتو الحمله على غارب شعيل
واشتالها واقفى يسحب خطامه
وفلقتو البندق واسرجتو الخيل
وطحتو فـ ابو زيد الهلالي سلامه
من يلبس الجلباب فوق البناطيل !
نلبس له الطربوش فوق العمامه
صباح الخير لكل قارئ،
أمّا بعد:
جعل ماني على متون الرياجيل عاله
الليالي قصيره والحوادث ممله
ودك الرجل قبل انه يربي عياله
يتربى على مبدا التشكي مذله
"من بغى المجد شمّر للحمل وارتكاله
لين يبني كيان وسمعةٍ مستقله
ومن تعوّد على فزعات عمه وخاله
كل ماشانت الدنيا برك في محله"
على طاري الغياب و كيف حالي من بعد صدِّيت
حسافة كل دمعة سافرت للأرض بأسبابك
تواعدنا ورا الذِكرى حبيبي يا كثر ما أبطيت!
و أنا أنتظرك على جمر إنتظارك و أشكي لـ بابك
أقول إنك غفيت و طال ليل و خانك التوقيت
و أقول إنك نسيت و ما طرى لك خيبة أحبابك
عذرتك و الصحيح إنك تعمَّدت الجفا و أقفيت
وثقت بهالطريق إللي طعن ظهري و قفَّى بك
حرقت عيوني بـ جمر المعاتب و أنت وش سويت؟
تركت النار تأكل بعضها و أسهبت في غيابك
و بعد مُــرَّ الزمان وثقلت أقلامي و أنا ملِّيت
رجعت تواري أسباب الغياب بـ طارف ثيابك
كرهتك؟ لا و ربي ما كرهتك ليت ما عانيت
ولاعانيت من بُعدك ولا سافرت لأهدابك
بكتك أبياتي الثكلى و صار البيت يحضن بيت
و شكتك أوراقي الذبلى على دفترك و كتابك
حبيبي .. جيت متأخر يا ليتك ما تعبت و جيت
بعد كسر الخواطر يا قوِّي القلب وش جابك ؟