الابلج

[شعييل @0ickk]

سرحت بخيالي فيك وأسهبّت فالتفكير
وطلّعت كل اللي مخبى ورى صدري

ماتمنعني حدود المسافة عن التعبير
أنا توّي مسولف معك وانت ماتدري .

- عبدالله السراهيد .

[جزل القصايد✨❤️ @Mww77428239]

الطيب في وجه المشبب وهايب
وطيب الفتي من عند ربه مواهيب
من جرب الدنيا يعرف النوايب
تراه مايشنى ولا يذكر العيب
واللي يسب لشبعة البطن خايب
اصل القري حلو النبا والتراحيب

صياح المرتعد رحمه الله

[الحاكم @_alhakm]

صباح الخير يا طيبين،

أمّا بعد:

تشرق الشمس وتصيب النفوس القناعه
حلم ربي وسيع ورحمته ما تونى

يوم ضاقت على قلب الضعيف الرعاعه
غنّت البدو "تخشى القوم هدرة جملنا"

قالوا النصر قلنا النصر ماغير ساعه
قالوا الصبر قلنا وآهل الصبر حنا

مالنا حيله وشبه الجزيره وداعه
نحتميهامثل مانحتمي سلم أهلنا

[حـمـد @H55022H]

عن أنفة وكبرياء رجال البادية

قال المستشرق الكولونيل توماس لورنس:

البدوي لا يساوم
لا يشترى ولا يستعبد
الصحراء علمته أن يكون سيد نفسه

واتفق معه عبدالله السراهيد وقال:

اشمخي يا نفسي اللي كلها عزة وأنافة
لك علي إني ما أعرضك المهانه والمسبة

كل ما شفت العباد اللي يعيشون بضعافة
قمت أعرض راسي المرفوع للريح ومهبه

[الحاكم @_alhakm]

صباح الخير يا أصدقاء،

أمّا بعد،

يقول عساف ابو ثنين:

لا خافت النفس من ظلم البشر والسنين
بتعيش في خوفها وتموت في خوفها

سوالف الحاقدين وضحكة الشامتين
بـ تمرّها مع مرور الوقت وتطوفها

عن شرهة العارفين وشرهة الجاهلين
لا تمدح الناس لين تشوف معروفها

خلك مع الغايبين اكثر من الحاضرين
اللي معازيبها تشتاق لضيوفها

الحاجه اللي تمرّك بين فتره وحين
احلا من الحاجه اللي دايم تشوفها

[دانَـه @qiil8_4]

الشجاعه نصف ساعه بالزحام
تسترد الحق من بطن الجحيم

/ - البيت هذا معجزه شعريه

[محماس @Al_ruwqi_511]

من نوادر بن زويبن رحمه الله :

أنا كل ماهاضت هجوسي نظمت بيوت
نظمت بيوت وكل نفسٍ وقدرتـها

اسلي بها نفسٍ تكوت العباير كوت
تجي ثم تنطحها المعزه وردتها

عبدالله بن زويبن

[فهد بن محمد بن بدن @fahad_subai]

لاتعلّمنا عن اللي هرج فينا وقال
اعتبرنا لين هالحين ماندري عنه

لو نبا ندنق على الطايح يطيح العقال
والعقال اللي على روسنا ما اغلى منه

الجريدة عشر صفحات قيمتها ريال
لو كلام الناس محسوب ما هذا ثمنه

- عبدالله طحيمر السناني

[فهد بن محمد بن بدن @fahad_subai]

ازعل وترضيك الليالي والايام
ماجاك منا شي يزعلك منا

يغرك التفكير في بعض الاوهام
وتشوفنا مخطين وتصد عنا

لا تحسب إنا للمقفين خدام
من يتبع المقفين ماهو بحنا

مالك علينا حق في وصل الارحام
عشان نمشي لك على ماتمنا

كنا نعدك في القسى درع وحزام
الله يسامحنا يوم كنَا . لشاعرها

[‏وهم @rrcv0]

صمته أبلغ من مديح العالم المدّاحه
واحـدٍ يقضي اللزوم ،، ولا يحب يعلّم .

ياطيب اللي هذي صفاته (:

[َ @veteranskyz]

عطاها الولي عقل وجمـال ودلاّل وذوق

[محماس @Al_ruwqi_511]

يالصاحب الي صحبتك مضرب مثال
لازلت أقدر وقفتك . . واجلها

خوض النقاشات العقيمه والجدال
الي مامنها فود صد وخلها

من وصلك لعلى مراحل الانفعال
حدك على الزله ايلين اتزلها

رح علم الي مرقطينن فالضلال
حتى الجبال الشم يقصر ضلها

احدً يعز النفس لاشاف الريال
واحدً ليا شاف الريال يذلها

جاني من الصدمات صدماتً ثقال
لو ضربت عوُج الصفوف تخلها

ماني برب الي عقد روس الحبال
الي عقد روس الحبال يّحلهاا

الفكره الحره رهينت الاعتقال
ورأس الضعيف مستحيل يشلها

تشبه ثبات القدس ضد الأحتلال
الله ينصرها. . . على محتلها

والحمله الي تقسم حمول الجمال
ماكل متنن . . . يحتملها كلها

لامنعو منها فواعيس الرجال
ابرك مباريك الجمال وشّلها

جابر النشيرا

[وَضـاح @1lviil_]

قلب ٍشعاه الغرام وصادفه عله
ماله علاج إلين يشوف خلّانه

- دهيمان الهوامله

[الحاكم @_alhakm]

مساء الخير لكل طيّب،

أمّا بعد،

يقول مبارك بن رادعه:

أنا لي ثلاث أيام مانيب ذاك الزود
أحس إن مزاجي ماش و إن جوي معكر

أبي لي مكانٍ فيه سجه و هبة نود
مابي لي مكانٍ فيه جدران و مسكر

[محماس @Al_ruwqi_511]

من اجمل ما قيل في قصايد المدح يقول محمد الشمالي في الشيخ مانع بن جمعه العجمي:

قم يانديبي على كور العمانيه
درعيةٍ من بنات عصيل مجناها

[الحاكم @_alhakm]

مساء الخير لكل غني نفس،

أمّا بعد،

يقول لافي الغيداني:

الشكر للي رفعني ما جعلني دني
مالي على جيبك ويمناك رزق وحياة

انت بحلالك غني وانا بربي غني
"وغناة الأنسان في ربه هي اكبر غناة"

[الريّس @83jmi]

ياما تعنيت له والنفس ملهوفه
ادوّره بينهم لين اجلس وزانه

وأغض عنه البصر ما كنّي اشوفه
وأنا مجيي ومقعادي على شانه ):

_ راشد بن قطيما

[مُ. @Cyjm99]

⠀
⠀
رميت الأحلام.. في وجه الزمان البخيل،
وعزيت نفسي — وعز النفس عصيانها !

وعن الحضور المهمش؟ مرحبًا يالرحيل..
مادمت تحفظ كرامة نفسي وشانها.
⠀
⠀

[محماس @Al_ruwqi_511]

ساعة ركبنا فوقهنه مقفين
جاني بطرق الثوب ناسي عباته

رد السلام ومدلي كفه الزين
ويدس عني ما ظهر من صفاته

الوجه كنه والنحر والذراعين
لون الحليب إليا أنعزل عن رغاته

وجدي لو أن الوجد ماله براهين
إن ما تهيت للبنادم مناته

وجود راعي هجمة حالها شين
ردنه الأشوار دون شهواته

يبي الربيع ولازمينه هل الضين
لين إن ذوده شان والوسم فاته

على عشيرٍ خابره فأول الحين
يمدي مقاسيمه من الله جاته

إما رمنه في قصور وبساتين
والا عليه الوقت دارت رحاته

طرشت له وارد ثمان وثمانين
سواة من سواه وأحسن سواته

البهبهاني مأشتغل غير تمرين
اللي حدود المملكة مانعاته

وفوقة من العتبان من يقضي الدين
قرم تسدك فزعته عن وصاته

إليا كفخ له كن حس القزوزين
هدير هرش في مراح إمهاته

ملفاه ما ينعاف ربعٍ مسمين
فراج وإلا عند مقحم مباته

رجالهم تلقاه فالعسر واللين
ما سال عن فقره ولا عن غناته

تحر مردود الرسالة نهارين
والثالث إخذ العلم منهم وهاته

وإن كان ما يدرون عن داعج العين
راحو محابيس الهوى مع قضاته

بندر الغنامي

[‏تذكار العجميّ. @l3ajmii]

راكان بن حثلين يقول :

عاداتنا عند المظاهير ننشاف
لا طار ستر معورجات الوشامي

بيت يسوا له قصيده كامله.