Mohammad

تبغى المراجل صبيًّ كل ما قال طال // ماهوب رقمٍ ليا من ضرْب عوّد صفر

[محمد فهد @Mf_mf111]

الهقاوي ماتعلّق على منكب زهيد
العرب تدري من تعلّمه بظروفها

سلطان عباس

[سعود بن مبارك @Saud_almshly_]

يا لبيّك الحنونه يا وجودي منك يا لبيه
أنا لبيه عندي بـ الغلا والحب مرهونه

أعرف الحب لكن مستحيل استخدمه ترفيه
جعل ربي يهين اللي على اهواهم يهينونه

وش اسوي ؟ مع اللي لاسليت ومرني طاريه
نفض قلبي غبار الذكريات وجنت جنونه

احسب إني نسيته واثرني مازلت ملك ايديه
واحسب إني وصلته واثرني لازلت من دونه

احبه مثل ماحب الحياة اللي تشعشع فيه
واخافه مثل ماخاف السهوم اللي من عيونه

أميّز صورته لو حال من دون الوجيه وجيه
وأثمّن كلمته حتى ولو ماهيب موزونه

لذلك ياصغير السن لاتطرد سراب التيه
على هونك وخل أحساسك الطاغي على هونه

لا تبدي لي مشاعر قلبك اللي مستحيل ارضيه
ترى ما عاد ليّ قلبٍ يحس بْمن يحبونه

[Mohammad @Mohammad_b89]

@TheSongOfOMR @_alhakm 🤣🤣🤣🤣

[عزام الشعـيفاني @azaam_f15]

البارحه دقلة الاشواق دقلة حفيـف
سرت على العاشق الهايم وضاق نسمه

توغلت في ضلوعه دون خنجر وسيف
حتى نزف شعر والونـه بـ راسه قلمه

من جرب الولف ماينقد شعور الوليف
لا عارضه واقعه عن كل حلم حلمه

يسترجع الذاكره ويون ونة معيف
وان مر ريع الهوى هدا مسير قدمه

اغلى ليال العمر مابعدها غير حيف
شمسٍ من يذوق صاليها يروح فحمه

والمشتكى صيحةٍ في سد ضلع ٍ منيف
يرد صوتك صدا تقل انـه يترجمـه

والله مايدرك مدا همك لو انه خفيف
الا من تحده الدنيا يذوق طعمـه

احيان تحتاج تشكي لو منت بضعيف
مير البلا اللي سمع لك وش يسكر فمه

الحب سره بسلم قلوبنا سلم ضيف
ولا يسهجه ويتعبث فيه غير رخمه

احماه وادراه وادري به قماشٍ نظيف
ادناة ماشوهه والناس ماترحمه

يامايق العنق وانت الاولي والوصيف
غرة حصانٍ نهار السبق متقدمه

ماينتعوض بمثلك يالطهور العفيف
من ذاق تمر الحسا مايعترف بعجمه

حديتني للمظامي والمداهيل ريف
الله على مزنهـا ورعوده المرزمـه

الشوق فضاح كانك بالمكابر عنيف
العين ماتكتمه والصوت مايكتمه

عزالله ان الهواوي مثل حال الكفيف
قلبه يقديـه كان العيـن ماتخدمـه

لو يتعثـر على درب الوصال الكليف
يقوم وان حس بالحبل الجويد لزمه

ظروفنا اللي علينا حدها حد سيف
وصلٍ بيثلم شباها ، جعل مانعدمه

وان كان ماتلطف بحالي ووجهك لطيف
الحال بالهجـر مامن حال ، عود سلمه

حكمتني بالغلا سوات حكم الشريف
والوقت كنه معزي يوم رز علمه

[Mohammad @Mohammad_b89]

@njr_56 شرواك ❤️

[عزام الشعـيفاني @azaam_f15]

الهويه والهوى ل الشاعريه
والبساط بساطها فيه اجتمعنـا

الكلام الذرب سر القابليه
وان سمعنا الذم كنا ماسمعنا

العلوم الحاضره والاوليـه
يعجبك مدلولها في مجتمعنـا

لانشدتك وش قفى اسمك بالهويه
كل طيب نحسبـه منا ومعنـا

والله ان فينا على الطيب حميـه
لو مافينا حميـه كان ضعنـا

[هود🇵🇸 @hoood_q8]

رسالة للعلم مطلق الطايعي . .

ما يحمله القلب من المشاعر الصادقه تجاهك اعظم من ان تُصاغ نثرًا أو شعراً ؛ وهنا يتجلّى صدق مقولة ( المقام ابلغ من المقال ) 🌷

- هود

[هود🇵🇸 @hoood_q8]

أذكِّركم ونفسي بصيام #يوم_عرفة

قال رسول الله صلى الله عليه وسلم :

" صيام يوم عرفه ، أحتسب على الله أن يكفر السنة التي قبله والسنة التي بعده "

أعاننا الله وإياكم على صيامه

[NOURAH @just_poetry_]

يالله لا تجعلنا من اللي طاعوا ابليس الرجيم
أهل الوجيه المشمئزّة .. والنفوس الطامنة

لا ضاعوا أصحاب اليسار من الطريق المستقيم
الطف بنا يالله ويامنّا مع المتيامنة :(

[NOURAH @just_poetry_]

شرهات الأجواد أشرّقها وأغرّبها
لومك على الطيّب الْيا صدّ عن طيبه

مانييييب بايع رفيقي لو يخرّرربها !
أنا تراني مثل مدغم أبو شيبة :)

[الله الله .. @u_av11]

لا تخليني روايه على لسان الرواه / سالفتهم : موتة الذيب من عين الظبـي

[NOURAH @just_poetry_]

البارحة صرت أجابه من جنوب وشمال
همومي أفراد والهاجوس ضابط خفر

هقاوي البال صادف مركبتها عطال
لاجيت اباسوقها قدام قامت تفر

من كثر ماهي بـ ترثع مع صفيح الجبال
قدها على جنطها ماعاد فيها كفر

أحيان تخطي خطاً ما كنت معطيه بال
يظهر على عين غوجٍ مستحيل يْغفر.

[الله الله .. @u_av11]

شف بالي من بنات البدو غيداً فروع / تعب ابوها اول حياته على دورت امها

[الله الله .. @u_av11]

فإذا كان إحساس السامع أو القارئ ضعيفًا بليدًا غثًّا فمهما يأتِه من شعر حافلٍ قويٍّ عنيفٍ دقيق العبارة عن إحساس شاعره فهو لديه شيءٌ فاترٌ ضعيف لا يهُزُّه،ولا يبلغ منه، ولا يَنفذ فيه .
__محمود شاكر

تمرّه اللي تنضرب فيها الأمثال
وتروح مابين بوجهه صداها
__ابن زويبن

[محمد فهد @Mf_mf111]

من الابيات الفاخره لسعد علوش

عميقات الرسايل ما يجي من تحتها توقيع
عط الانسان وجهً غير وجهه يقدر يواجه

شعور المقتدر لا من بغى حاجه مهي للبيع
تراه العن من شعور الفقير اللي يبي حاجه

[NOURAH @just_poetry_]

الشايب اللي نقبّل هامته مرتين
اللي لربعه ظلال .. وللمدايح مرب

إذا دخل مجلسه تسابقوه أجمعين
اللي يوالي قحص واللي مطرّف قرب

وإلا أنت حتى لو تكبّرك طول السنين
ما أنت بتفك النشب ولا تحل الكرب

مقاول المنشدين ومشغل المسلمين
وكل أربع أيام وأنته في ضيافة عرب :)

[الحاكم @_alhakm]

في twitter مساران لا ثالث لهما:

إمّا أن تكون في رحلة البحث عن:

"بنت من وردو على الموت شيبان وغمار
في تصلفاق الجزيره وفي توحيدها"

أو تسلك الطريق الأصعب:

"قنعت وسمحت من المحبه ومن الأحباب
وأمورٍ كثيره خاطري سامحٍ منها"

[' @fjl1li]

ترا المحبة من طرف واحد ضياع
مثل الفلوس اللي على نادي النصر 🏃

[العنود الواصليه @anoudfaraj]

اسفك ماينصف شعوري ويرضيه
ياللي خسرت اغلا سنيني عشانه

خل السنين تعلمك سكة التيه
وش قيمة الانسان لولا الامانة

ماني عدوك ، دوّر اللي تعاديه
كافي على قلبي عداوة زمانه

اللي فتح لك قلبه و راحة يديه
لا ترتجي عفوه ولا عنفوانه

كان البنادم يقدر يرد ماضيه
تردني ؟ وارد قلبي مكانه

[الله الله .. @u_av11]

اجيب البيوت المفرده واترك التكرار / نقيض الفوارغ بندقي ما يزهبهّا