قصيدة

المجاملة في الشعر اساءة له، حساب قائم على ذائقة شخصية

[قصيدة @Poem011]

إعادة التغريد بالقصيدة دليل اعجابي الشديد بها، المتابعه والإعجاب والتفاعل الأحق به شاعر القصيدة لذلك أرى أنه من الأولى دعم حساب الشاعر نفسه=من تغريدته المنشورة، ومن رأيي الشخصي أن الدعم الحقيقي يعني نشرها باسم صاحبها وحسابه.

[جزاء الغيداني @j94iii]

يا بنت تخنقني بيوت وتسند انفاسي بيوت
لا يغرك اكثر ما اكتبه عن حب ولا عن سلام

عندي كلام ٍ : ما لقى فرصه وضاق من السكوت
وعند ملام ٍ : ما هدا عني ولا سده كلام

اي والله ان كلي تعب ، ولـعبرتي دمعه وصوت
نصفي جروح وكل ما فيني على ما "لا" يرام

[رُبان @Rubanpoet]

انا مثل الكريم اللي تغيّر حاله وْخلاه
يصد مْن العيون اللي تحرّى مدة يْمينه
#قلم_رُبـّان

[عبدالله البديري @AbdullBud]

ياقديم الود.. مدّ الله بقاك، وعاد عيدك
وعاد عيد الناعس المكحول، والكف المحنّا

ٰ

[فهد الشلاحي @Fahad_Close]

راح عيد و مر عيدين واللي جاي عيد
والليالي كلها عيد .. ماهي هينه

كيف قالو ما يفلّ الحديد إلا الحديد ؟
و انا قلبي فلته يد .. كانت لينه

جعل يسقى كل صبحً طلع مطلع قصيد
ما اشرقت شمسه على شانها متزينه

[‏سَد @9wi_0]

تفضلوا القصيده مع الاسامي وصحة السنتهم والله يعطيكم العافيه واعذرونا على القصور 💐🤍

[Majed alnufaie @otbbva]

معك صار العيد غير، وفيك توّ العيد بادي

[محمد السلطان @9jilq]

منزالك الأهداب.. يا ناسع الجِيد
إليَا تجوَّد كلّ خلٍّ — فـ خلَّه!

أساوَم عيونك، وأداريك، وأزيد
أمانتك سيف الزعل، لا تسلَّه..

مهما تثنَّت في هوَاك العناقيْد
أنا أعْرِفك، وأعْرِف هوَاك، ومحلَّه

وشلون أساوِي ضحكتك فأوَّل العيد؟
وضحكتك أرقّ من أوَّل العيد كلَّه!

[العنود الواصليه @anoudfaraj]

افك الستاير و انتظر من ورا الشباك
متى الليل يجبر خاطري واكسر سهاده

أنا أحق بـ أنسام الهوى من غصون الراك
لو أني ما اميل أن هبت النود بزيادة

معي بعد هذاك الغياب الطويل ادراك
ادراك اللي يدري بـ الخطا كل ماعاده

حبيبي من الـ لبيه لا يا عساه فداك
ماعندي لك الا قلبٍ بما نبض جاده

يناديني النسيان ، و اسمعّه ذكراك
على صوت فيروز وعلى القهوة السادة

يازين الحظوظ اللي رمتني على مرماك
عنودٍ تقود الصيد و اليوم منصاده

لا تستغرب اللهفه على ضحكتك و رضاك
رضاك السحاب و ضحكتك صوت رعاده

تماديت في قلبٍ جبره الحنين و جاك
و معجبني انه فيك " مسلوب الإرادة "

تمادى علي أكثر ، مادام الغلا ولاّك
لك القلب مرتاح و لك الروح منقادة

أحبك ، قبل لا أختار في وصلك و فرقاك
ولا فيه احد يختار موته و ميلاده

وش العيد و ايام الغلا و المطر لولاك ؟
يا فرحة ملذات العمر و أجمل أعياده

انا لو دريت اني بحبك قبل لا القاك
ماعشت آتمنى حظ ليلى و ولادة

ولو اني عرفت أسمك قبل طلة محياك
نقشت اول حروفه على عنقي قلادة

[محمد بن فضاء @i8i3l]

عاد عيدك مايسة عود ممشوقة قوام
" يابعد من نقّشت بـ الخضاب كفوفها "

[جزاء الغيداني @j94iii]

عيّدي يا ام الحسن لا مثلك ولا زيك
ما خبرت من البنات اللي حلاها قدك

هي وجيه الناس تاخذ نورها من ضيك؟
هو نهار العيد يبدا مشرقه من خدّك؟

جعلني فدوة عيون الفاتن المتشيك
والجواهر والذهب في جيدك وفي يدك

[سلطان الحوالي @sultan_alhawali]

يوم عيدي يوم أشوفك تشترين الغالي
من حلالي لو يروح العمر مديونيّة

أرثعي في راس مالي دام راسك مالي
لا يهمك كم بقى فأرصدتي البنكيّة

مثل ما أنتي تستحقين اسمي و موّالي
تستحقين الذهب و الماس و العيديّة

[عمر الوهيطي @whe6i_]

يا لبيه يا وجه الرضا و الجناب السمح
يا عذب الوصوف و شف بالي و ترويقة

مضارب رموشك في خفوقي مضارب رمح
عليك الله ارفق فـ الخفوق و معاليقه

معك لـ القريحة لهفة و لـ المشاعر جمح
تهادى ولك عذب القصيد و طواريقه

انا اقول عاتبني يا مجمول وأكتب وامّح
علي الحرام اني معك ما اعرف الضيقه

[فهد بن بجاد @ifhd4]

في يدينك زمام الشرق واسمك زعيمه ..

[نـوران @Nu__3w]

يقول صالح التويجري:
"لا تُعاشر الحيادي، سيخذلك يومًا ما؛ لأنه أجبن من أن يتخذ موقفًا."

ويقول ظافر بن فرحان :
"بان وجه الحفيف وقمت تتبع مراده
عندك مجامل الاخصام شي اعتيادي

لكن ليا استوت عينك وعين الجراده
فالعدو اللدود ؛ ولا الرفيق الحيادي."

[أيمن الرويلي @ARowili]

القصيدة كاملة 🙏🏻

[أيمن الرويلي @ARowili]

من يطير ويحسب الطيره زعامة
لاوقع يلقى بابوسلمان حلّه

جارنا لو عنده شويّة شهامة
كان من دون العرب؟ عرقه يتلّه

لاهداه الله ولاشرّف مقامه
فرصة رضانا مهي دوم تحصلّه

فيه بالتاريخ لأشكاله قمامة
ماتليق الا على شرواه والله.

[أيمن الرويلي @ARowili]

المجد للشعب السعودي بيت بيت
اللي يظلّون الخليج بظلّهم

ياسيّدي واحوالنا من يوم جيت
تموّت ضعاف النفوس بغلهّم

انت أشّر وتبشربنا لو ماحكيت
اذا تبي نحتلّهم؟ نحتلّهم

نعذرك لو بالشرق الاوسط مارقيت
حثالته والله ماهو ياقلّهم

لايمكن نوقّف ليامنّك مشيت
اللي ماهم كفو المعالي خلهم

مايعتلينا راس من يوم اعتليت
يبغون في عمق الوحل ننزلّهم

لو ندري انك بالمسفّه مادريت
نحط عاقلهم على منحلّهم

لو ينهجى من بينهم واحد هجيت
ليه اكتب ابيات الهجاء واجلّهم

لاشفت منظرهم من الذل استحيت
امفشّل الشعب الكويتي ذلّهم

والله لو ان الازمة تخصّ الكويت
ماشفت عبّاد الدراهم .. كلّهم