Rahul Dhangar

[Rohit Pawar @RRPSpeaks]

लाखो विद्यार्थ्यांच्या भविष्याची राख करणारे MPSC चे महाभ्रष्ट अध्यक्ष विवेक भिमनवार यांच्या राजीनाम्यासाठी राज्यभरात अनेक ठिकाणी मोठमोठे मोर्चे झाले, पण अद्यापही भ्रष्ट अध्यक्षांचा राजीनामा झालेला नाही. पुण्यातल्या ७ सप्टेंबर रोजीच्या विद्यार्थ्यांच्या भव्य आक्रोश मोर्चात अध्यक्षांचा राजीनामा न झाल्यास पुन्हा आंदोलनाची घोषणा विद्यार्थ्यांनी केली होती. त्यानुसार गणेशोत्सव झाल्यानंतर २६ सप्टेंबरपासून पुण्यात विद्यार्थ्यांसमवेत मी स्वत: आंदोलनाला बसणार असून याबाबत पुणे पोलीस आयुक्तांना पत्राद्वारे कळवण्यात आलंय.

भ्रष्ट अध्यक्ष भिमनवार यांचा राजीनामा घेऊन त्यांच्या जागी विद्यार्थ्यांना विश्वासात घेऊन स्वच्छ प्रतिमा असलेले अध्यक्ष नेमावेत ही विद्यार्थ्यांची प्रामाणिक भावना आहे. भ्रष्ट अध्यक्षांचा राजीनामा, दिलेल्या शब्दाप्रमाणे २०२६ मध्ये ७० हजारांची मेगाभरती तत्काळ सुरू करावी आणि राजस्थानप्रमाणे १०० रु. च्या कार्डवर वर्षभर परीक्षा या तीन प्रमुख मागण्या असलेल्या विद्यार्थ्यांच्या आंदोलनाला पोलिसांनी सहकार्य करावं. नोटिसा द्यायच्याच असतील तर कोणत्याही विद्यार्थ्यांला त्रास न देता मला नोटिसा द्या!
विद्यार्थ्यांच्या एकजुटीचा विजय हा होणारच असल्याने सर्वांनी विद्यार्थ्यांच्या एकजुटीला सहकार्य आणि ताकद द्यावी.

[Rohit Pawar @RRPSpeaks]

MPSC उच्चस्तरीय समितीचे सर्व सन्मानित सदस्य,
आपल्या सर्वांबद्दल आदर आहे, परंतु एवढे वर्षभर ऑनलाइन होणार नाही, हे समिती सदस्यांचे वक्तव्य पटले नाही. एवढे वर्षभर ऑनलाइन होणार नाही, म्हणजे एक वर्षानंतर ऑनलाइन होणार आहे का? असा प्रश्न विद्यार्थी विचारत आहेत.

वर्षभर ऑनलाइन पद्धतीने परीक्षा होणार नाही, ही देवेंद्र फडणवीस साहेबांनी वारंवार मांडलेली भूमिका विद्यार्थ्यांच्या विरोधात आहे. ऑनलाइन परीक्षा घेण्यासाठीच भिमनवार साहेबांना ताकद दिली गेली आहे आणि समिती देखील ऑनलाईनच्या बाजूचीच भूमिका पुढं रेटणार असेल तर समितीचे पुढचे दौरेच विद्यार्थी होऊ देणार नाहीत. त्यामुळे आपण ऑनलाईन परीक्षेच्या विरोधातील विद्यार्थ्यांची भावना समजून घ्यावी.

एक वर्षच काय, पुढचे शेकडो वर्षे सुद्धा #MPSC परीक्षा ऑनलाइन होऊ दिली जाणार नाही. मग कोणीही येऊ द्या आणि कितीही ताकद लावू द्या…

हम है मैदान में...!

@Dev_Fadnavis
@mpsc_office

[Rohit Pawar @RRPSpeaks]

मा. फडणवीस साहेब,

आतापर्यंत राज्यात अनेक प्रकरणात SIT स्थापन झाल्या, खारघर महाराष्ट्र भूषण पुरस्कार सोहळा, सोमनाथ सूर्यवंशी प्रकरण, डॉ. संपदा मुंडे प्रकरण, संतोष देशमुख प्रकरण, महादेव मुंडे प्रकरण, घाटकोपर होर्डिंग दुर्घटना प्रकरण, बदलापूर लैंगिक अत्याचार प्रकरण, भंडारा बलात्कार प्रकरण, सुशांतसिंग राजपूत प्रकरण अशी असंख्य प्रकरणे आहेत ज्यामध्ये SIT स्थापन तर झाली पण त्याचं पुढं काय झालं, काय तपास केला? याचा कुणालाच काही ताळमेळ नाही. त्यामुळं MPSC पेपरफुटी प्रकरणात केवळ SIT नेमणं म्हणजे वेळ मारून नेण्याचा प्रकार असून ही बाब विद्यार्थ्यांनाही मान्य आहे.

आपल्याला विद्यार्थ्यांना खऱ्या अर्थाने न्याय द्यायचा असेल तर तत्काळ राज्यपाल महोदयांच्या माध्यमातून महामहीम राष्ट्रपतींना आयोगाच्या अध्यक्षांवर कारवाई करण्याची विनंती सरकारने करावी. राष्ट्रपतींकडून प्रक्रिया सुरू झाली तर कारवाई पूर्ण होईपर्यंत राज्यपाल आयोगाच्या अध्यक्षांना निलंबित करू शकतात. ही प्रक्रिया फारच कठीण वाटत असेल तर मित्राला राजीनामा देण्याचा सल्ला द्यावा. मित्राचा सल्लावजा शब्द ते नक्कीच खाली पडू देणार नाहीत.

@Dev_Fadnavis

#MPSC #MPSCPaperLeak
#StudentsDemandJustice

[Rohit Pawar @RRPSpeaks]

#MPSC च्या विविध परीक्षांच्या पेपरफुटीची जबाबदारी स्वीकारून #MPSC च्या अध्यक्षांनी राजीनामा द्यावा किंवा सरकारने त्यांना पदावरून हटवावं या मागणीसह अन्य मागण्यांसाठी पुण्यात विद्यार्थ्यांनी जिल्हाधिकारी कार्यालयावर काढलेल्या आक्रोश मोर्चाच्या माध्यमातून सरकारला विद्यार्थ्यांची विराट ताकद दाखवून दिली. या मोर्चात सहभागी होऊन विद्यार्थ्यांच्या मागण्यांना पाठींबा दिला.

राज्यातील लाखो विद्यार्थ्यांच्या भावनेचा विचार करुन सरकारने तातडीने त्यांच्या या मागण्या मान्य कराव्यात आणि भ्रष्टाचाराचा अड्डा बनलेल्या #MPSC च्या कारभाराची झाडाझडती घेऊन तिथं स्वच्छ प्रतिमेच्या अधिकाऱ्याची नेमणूक करावी. तसंच MPSC ची ऑफलाईन परीक्षा, औषध निरीक्षक पदाच्या पेपरफुटीप्रकरणी अटक झालेल्या अधिकाऱ्यांच्या कार्याकाळातील सर्व परीक्षांचं फॉरेन्सिक ऑडीट यासह विद्यार्थ्यांच्या सर्वच मागण्या या न्याय्य आहेत. त्याकडं सरकारने दुर्लक्ष करु नये, अन्यथा विद्यार्थ्यांचं यापेक्षाही मोठं आंदोलन पुण्यातच उभारण्याचा इशारा यावेळी दिला.

यावेळी खा. सुप्रियाताई सुळे, आ. डॉ. विश्वजीतजी कदम, राष्ट्रवादी युवक काँग्रेसचे (SP) प्रदेशाध्यक्ष विशाल वाकडकर, युवक काँग्रेसचे प्रदेशाध्यक्ष शिवराज मोरे, प्रा. विठ्ठल कांगणे सर, प्रा. सचिन ढवळे सर, प्रा. यशवंत सोलाट सर, प्रा. अजित काकडे सर, प्रा. गणेश कड सर, प्रा. धनंजय मते, प्रा. समाधान कोकटे सर, प्रा. अनिकेत पाटील सर, सचिन म्हस्के सर, तसंच या आंदोलनात प्रमुख भूमिका घेणारे प्रमोद पाटील, विद्यार्थी प्रतिनिधी किरण जगताप, संग्राम नराळे, अक्षय कांबळे, अमोल अतकरे (जॉली), स्वप्नील भिसे, प्रविण पाटील, दीपक कसबे, नितीन गिते, अजय जगताप, निकेतन शिंदे, साहेबराव क्षीरसागर, सिद्धांत जांभुळकर, ऋषिकेश गांगुर्डे, कुणाल दिलपाक, तनया साठे, शकील शेख, शिवदास मोरे, बालाजी मिसाळ, अजय बनसोडे, अमोल शिंदे, महेश सरकाळे, राहुल तरंगे, मिथुन भालेराव, गणेश कोराळे, आश्रूबा चौधरी, साक्षी खंडावळे, स्नेहा बावनकर, ऋषिकेश शिंदे, राहुल गुडदे यांच्यासह सर्व विद्यार्थी प्रतिनिधी, शिवसेना (उद्धव बाळासाहेब ठाकरे), सीजेपी यांचे पदाधिकारी, मा. आ. मोहनदादा जोशी, काँग्रेसचे शहराध्यक्ष प्रशांतदादा जगताप, रविराज साबळे पाटील यांच्यासह राज्यभरातील विद्यार्थी मोठ्या संख्येने उपस्थित होते.

#विद्यार्थी_आक्रोश_मोर्चा #MPSC_आक्रोश_मोर्चा #पेपरफुटी

[Rahul Gandhi @RahulGandhi]

महाराष्ट्र में हजारों छात्र सड़कों पर हैं, शांतिपूर्ण तरीके से आंदोलनरत हैं - इसकी वजह सिर्फ एक परीक्षा या भर्ती नहीं, पूरे सिस्टम से टूट चुका भरोसा है।

चाहे वो केंद्र की हो या राज्य की, BJP सरकार से हर छात्र त्रस्त है। पेपर लीक, रुकी हुई भर्तियां, शिक्षा की असहनीय लागत, हॉस्टल में अमानवीय हालात, ज़हर जैसा खाना, DBT में धोखाधड़ी...

...और अब MPSC जैसी संवैधानिक संस्था पर कब्ज़ा कर उसकी विश्वसनीयता बर्बाद कर दी है।

अपने सफल भविष्य के लिए छात्रों की हर मांग जायज़ है। सरकार उनकी आवाज़ सुनकर तुरंत कार्रवाई करे - वरना न्याय मिलने तक ये छात्रों की गूंज बढ़ती ही जाएगी।

#ChhatronKiGoonj

[Rohit Pawar @RRPSpeaks]

पेपरफुटीप्रकरणी MPSC चे अध्यक्ष विवेक भीमनवार यांनी राजीनामा द्यावा आणि या पदावर स्वच्छ प्रतिमेच्या अधिकाऱ्याची नेमणूक करावी, यासह लाखो विद्यार्थी आणि शिक्षकांच्या इतरही काही मागण्या आहेत. याच मागण्यांच्या पार्श्वभूमीवर ‘विद्यार्थ्यांच्या हक्कासाठी आणि प्रामाणिक अधिकाऱ्यांच्या माध्यमातून देशाच्या उज्ज्वल भविष्यासाठी’ सोमवार, दि. ७ सप्टेंबर रोजी पुण्यातील ओंकारेश्वर मंदिर चौकापासून (महर्षी विठ्ठल रामजी शिंदे पूल) जिल्हाधिकारी कार्यालयावर सकाळी १० वाजता विद्यार्थी आणि शिक्षकांचा विराट आक्रोश मोर्चा काढण्यात येणार आहे.

या आक्रोश मोर्चात मीदेखील सहभागी होणार असल्याचा शब्द पुण्यात विद्यार्थ्यांशी बोलताना दिला आहे. त्यासाठी पोलीस सहआयुक्त संजय दराडे साहेब, अप्पर पोलीस आयुक्त राजेश बनसोडे साहेब, उपायुक्त ऋषिकेश रावले साहेब आणि मिलिंद मोहिते साहेब यांची भेट घेऊन मोर्चाला परवानगी देण्याची विनंती केली. या भेटीवेळी युवक काँग्रेसचे प्रदेशाध्यक्ष शिवराज मोरे, सुनील माने, प्रमोद पाटील, विविध क्लासेसचे शिक्षक आणि विद्यार्थी उपस्थित होते.

विद्यार्थ्यांच्या प्रत्येक न्याय्य मागणीसाठी त्यांच्यासोबत कालही होतो, आजही आहे आणि यापुढेही कायम राहणार आहे. सरकारला २ दिवसांचा वेळ आहे. या काळात सरकारने अध्यक्षांना हटवून विद्यार्थ्यांच्या इतरही मागण्या मान्य केल्या नाहीत, तर संघर्ष अटळ आहे. येत्या काळात आम्ही आंदोलनाच्या माध्यमातून या संघर्षाची व्याप्तीही वाढवू आणि विद्यार्थी व शिक्षकांची ताकद सरकारला दाखवून देऊ आणि निर्णय घेण्यास भाग पाडू..!

#विराट_आक्रोश_मोर्चा #Protest #MPSC

[Rohit Pawar @RRPSpeaks]

विद्यार्थी बंधू-भगिनींनो तयारीला लागा…

सोमवारी तुमच्या हक्काच्या लढ्यात मोठ्या संख्येने सहभागी व्हा….
आज रस्त्यावर उतरला नाही तर कायम रस्त्यावर रहावं लागेल आणि घोटाळे करणारे महत्त्वाच्या पदांवर जाऊन तुमच्या डोक्यावर बसतील.
म्हणूनच जिंकण्यासाठी हक्काचा लढा लढू आणि न्याय मिळवू…!

#विद्यार्थी_हक्काचा_लढा

[Rohit Pawar @RRPSpeaks]

जबाबदारी झटकण्यासाठी जानेवारी २०२६ मध्ये पेपर फुटल्याचे आपण सांगत आहात, पण मुळात पेपर विद्यार्थ्यांना २० मार्च २०२६ रोजी म्हणजेच परीक्षेच्या दोन दिवस आधी मिळाला होता. त्यामुळे आपण कधी शपथ घेतली आणि कधी पदभार स्वीकारला याचा विषयच येत नाही.

आपण म्हणत असल्याप्रमाणे जानेवारी २०२६ मध्ये पेपर फुटला असेल तर परीक्षेच्या दोन महिने आधीच पेपर फुटला ही बाब अत्यंत गंभीर नाही का ? परीक्षेच्या दोन महिने आधी पेपर फुटला असतानादेखील मार्च मध्ये पेपर घेतलाच का? दोन महिने आयोग झोपा काढत होता का ?

कर्णिक घोटाळ्यासारखेच हे प्रकरण असून आपण जो विश्वासघात केलाय ना त्यामुळे अभ्यास करावा की करू नये ? या द्विधा मनस्थितीत आज विद्यार्थी आले आहेत, लायब्ररीतसुद्धा बसण्याची कोणाची मानसिकता राहिलेली नाही. संवैधानिक पदाची, आयोगावरच्या विश्वासाची, विद्यार्थ्यांच्या भवितव्याची आपल्याला खरंच काळजी असेल तर तत्काळ नैतिकता दाखवत स्वतःहून राजीनामा द्या आणि लाखों विद्यार्थ्यांवर उपकार करा.

राहिला विषय वैयक्तिक आणि राजकीय आरोपांचा, त्यासंदर्भात मी अजून एक टक्का देखील बोललेलो नाही, जेव्हा बोलायला सुरुवात करेल ना तेव्हा आपणच काय तर आपला पाठीराखा असलेल्या सरकारला सुद्धा परवडणार नाही कारण मी पुराव्याशीवाय बोलत नाही.

#MPSC #पेपरफुटी

[Rohit Pawar @RRPSpeaks]

मा. देवेंद्र फडणवीस साहेब,

MPSC पेपरफुटी प्रकरणात नवनवीन खुलासे येत असून कुंपणच शेती खात असल्याचं स्पष्ट झालं आहे. जसजशी नवीन माहिती समोर येत आहे तसतसा विद्यार्थ्यांचा आयोगावरचा विश्वास उडत चालला आहे, त्यामुळे आपण आता मैत्री बाजूला ठेवून बघ्याची भूमिका न घेता तत्काळ अध्यक्षांचा राजीनामा घ्यावा आणि संपूर्ण संचालक मंडळ बरखास्त करून चांगल्या व्यक्ती त्या जागी नेमण्यात याव्यात. पोलीस करत असलेला तपास समाधानकारक असला तरी केवळ एक दोन नावापुरता तपास मर्यादित न ठेवता आम्ही जी शेकडो नावे दिली आहेत त्यांचा देखील सखोल तपास होणे गरजेचे आहे, तरच खरे सूत्रधार असलेले मोठे मासे जाळ्यात अडकतील.

(अध्यक्षांचा राजीनामा झाल्याशिवाय आमचा हा लढा थांबणार नाही.)

@Dev_Fadnavis
@mpsc_office

#MPSC #पेपरफुटी

[Dayanand Meshram @MeshramDayanand]

Sunday Wisdom!दिवंंगत डाॅ.कर्णिक मलोआ चे अध्यक्ष असतांनाच्या कार्यकाळात घडलेल्या खान्देशातील उमेदवारांच्या एका प्रकरणानंतर आता पुन्हा खान्देशातील दुसर्‍या प्रकरणी आयोगाची अब्रु धुळीत.मधल्या काळात महत्प्रयासाने #MPSC ची विश्वासार्हता उंचावून ती जपण्याच्या जाणीवपूर्वक केलेल्या प्रयत्नांवर या पेपरफूटी प्रकरणाने पाणी.

औषध निरीक्षक पदाच्या चाळणी परीक्षेसाठी पेपर सेटर्सच्या निवडीमधे अवलंबली गेलेली कार्यपद्धत,पेपर सेटींग सारख्या संवेदनशील व गोपनीय कामकाजासाठी विषयतज्ञ व संबंधित अधिकारी/कर्मचाऱ्यांकरीता घालूून दिलेली आचार संहिता व अंगभूत सुरक्षा प्रणाली यांचे या प्रकरणी काटेकोर अनुपालन,याबाबतची वस्तुस्थिती व प्रश्नपत्रिका तयार करण्याचे कामकाज प्रत्यक्ष सुरु झाल्याच्या दिवसापासून ते पेपर्स परीक्षा केन्द्रांकडे (दूरवरच्या व स्थानीय सुद्धा) रवाना होईपर्यंतच्या संपूूर्ण कालावधीतील,आयोगाचा कार्यालयीन परीसर व गोपनीय परीक्षा कक्षाचे सीसीटीव्ही चित्रिकरण,यांच्या सखोल अंतर्गत पडताळणी अंती आयोगाला निश्चीत निष्कर्षांप्रत पोहोचणे शक्य.

पूर्वपरीक्षा+लेखी परीक्षा वा केवळ लेखी/चाळणी परीक्षा या दोहोंसाठी विषयतज्ञांच्या निवडीचे निकष व कार्यपद्धती,पेपर सेटींगचे संवेदनशील कामकाज,छपाई,साठवणूक, वाहतूक व आनुषंगिक सुरक्षा प्रणाली आणि संवेदनशील परीक्षा विभागात अधिकारी/कर्मचारी नियुक्तीस्तव योग्यता या बाबींचा आयोगाने "सर्वांप्रती अविश्वास" या तत्वावर संर्वकष फेेरआढावा घेत कार्यनियम व मानक कार्यपद्धतीतील उणीवा तातडीने दूर करून ती अधिक सक्षम करणे गरजेचे!

[Abhimanyu Pawar @AbhiPawarBJP]

MPSC विद्यार्थ्यांनी दाखवलेल्या विश्वासाबद्दल आभार; आयोगतील मूलभूत रचनात्मक सुधारणासाठी पाठपुरावा करणार

गेल्या 2-3 दिवसांत हजारो MPSC विद्यार्थ्यांनी माझ्यावर विश्वास व्यक्त करणारे संदेश पाठवले. हा विश्वास एका-दोन दिवसांत निर्माण झालेला नसून गेली अनेक वर्षे प्रामाणिकपणे विद्यार्थ्यांच्या प्रश्नांसाठी केलेल्या कामातून तो निर्माण झाला आहे. MPSC ची तयारी करणाऱ्या विद्यार्थ्यांना आणि MPSC च्या प्रश्नांवर काम करणाऱ्या लोकप्रतिनिधींना अभिमन्यू पवार कोण आहे, हे वेगळे सांगण्याची गरज नाही.

आज काही लोक माझा पेपरफुटीशी संबंध असल्याच्या बातम्या पेरत आहेत. आज मोठी PR टीम अशा प्रकारचे आरोप पसरवण्यासाठी कामाला लागली आहे. हे आरोप कोणत्या द्वेषातून आणि मत्सरातून होत आहेत, याची जाणीव विद्यार्थ्यांना आहे. काही नवखे कार्यकर्ते तर केवळ प्रसिद्धीतून स्वतःच्या राजकीय करियरला उभारी मिळवून देण्यासाठी आरोप करत आहेत. त्यांच्या करियरसाठी माझ्या शुभेच्छा. अशा आरोपांना उत्तर देण्याची मला आवश्यकता वाटत नाही.

असो, राजकारण सुरूच राहील. पण MPSC चा पेपर फुटणे ही वर्षानुवर्षे अभ्यास करणाऱ्या लाखो विद्यार्थ्यांच्या स्वप्नांवर आघात करणारी बाब आहे, याची मला पूर्ण जाणीव आहे. त्यामुळे आयोगाला विद्यार्थ्यांचा विश्वास पुन्हा शून्यापासून कमवावा लागेल. त्यासाठी काही मूलभूत सुधारणा तातडीने आवश्यक आहेत :

1. आयोगाचे सचिवपद सहसचिव दर्जाऐवजी प्रधान सचिव दर्जाच्या वरिष्ठ IAS अधिकाऱ्याकडे असावे.
2. परीक्षा विभाग, निकाल विभाग यांसारख्या महत्त्वाच्या कक्षांच्या प्रमुखपदी उपसचिव/अवरसचिव यांच्याऐवजी कनिष्ठ IAS अधिकाऱ्यांची नियुक्ती करावी.
3. प्रश्नपत्रिकेच्या मुद्रणापासून साठवणुकीपर्यंतच्या ते परीक्षा होईपर्यंत संपूर्ण प्रक्रियेसाठी IPS अधिकाऱ्याच्या नेतृत्वाखाली CRPF/SRPF तुकड्यांचीची स्वतंत्र सुरक्षा व्यवस्था नियुक्त करावी आणि या तुकड्या ठराविक कालावधीनंतर बदलण्यात याव्या.
4. ⁠आयोगात कायमस्वरूपी तक्रार कक्ष स्थापन करावा व प्रत्येक तक्रारीची चौकशी करून त्याचा अहवाल प्रसिद्ध करावा.
5. ⁠प्रत्येक कामकाज In-Camera व्हावे, CCTV दृश्यांच्या Live चित्रीकरणाचे निरीक्षण करणारा स्वतंत्र कक्ष असावा व पार्किंगसह पूर्ण इमारत प्रवेश मर्यादित करावी.

वरील सुधारणांसह आणखी काही महत्वाच्या मागण्या घेऊन येत्या आठवड्यात मा. मुख्यमंत्री तसेच सामान्य प्रशासन विभागाचे अपर मुख्य सचिव यांची भेट घेणार आहे. यासाठी विद्यार्थ्यांच्या सूचनांचे देखील स्वागत आहे.

या विषयासह विविध प्रश्नांसाठी लवकरच पुण्यात भेटूया !

[🚨FUTURE MPSC🚨 @FutureMpsc12]

2027 पासून होणाऱ्या ऑनलाईन परीक्षेबाबतचा निर्णय रद्द करून 2026 मध्ये #MPSC सरळसेवा भरती परीक्षा योजना आणि अभ्यासक्रम लवकरात लवकर जाहीर करावा.
अन्यथा आम्हाला पुन्हा रस्त्यावर उतरावे लागेल.
@mpsc_office
@bhimanwar
@Dev_Fadnavis
@AbhiPawarBJP
@RRPSpeaks
@mieknathshinde

[Vastav Katta @VastavKatta]

MPSC CBT (ऑनलाईन) परीक्षेला विद्यार्थ्यांचा विरोध आहे. हा विरोध विद्यार्थ्यांना ऑनलाइन परीक्षा देता येत नाही म्हणून नसून ऑनलाईन पद्धतीने परीक्षा पारदर्शक होत नाही हे वारंवार सिद्ध झालेले आहे. महापरीक्षा पोर्टल का बंद केले? TCS, IBPS मार्फत घेतल्या जाणाऱ्या परीक्षा MPSC कडे देण्याचा निर्णय सरकारने का घेतला? ऑनलाईन परीक्षा मधील भोंगळ कारभार समोर असतानाही त्याच कंपन्यांना परीक्षा घ्यायला देणे म्हणजे MPSC ला पांगळे करण्यासारखे आहे. मागील वीस वर्षापासून MPSC मार्फत एकदाही पेपर फुटण्याची घटना नाही, कोणताही गोंधळ नाही तरीही परीक्षा ऑनलाईन घेण्याचा घाट का?
ऑगस्ट 2027 नंतर पुन्हा परीक्षा ऑनलाईन घेणार म्हणजे आजचे मरण उद्यावर. 30-40 हजार पदे भरणार ते 2026 मधेच भरणार का? सरळसेवा MPSC मार्फत २०२६ मधेच घेणार का? याविषयी काहीच माहिती नाही.
विद्यार्थ्यांचा आवाज दाबण्याचा प्रयत्न होत आहे, जमावबंदी लागू करून विद्यार्थ्यांचा हक्क हिरावला जात आहे. तुम्ही कितीही दडपशाही करा ऑनलाईन परीक्षा मान्य नाहीच.
#onlyofflineexam
@CMOMaharashtra
@Dev_Fadnavis @mpsc_office @mieknathshinde

[Rohit Pawar @RRPSpeaks]

मुख्यमंत्री महोदय ,

विद्यार्थ्यांचा केवळ आणि केवळ ऑफलाईन परीक्षेवरच पूर्णत: विश्वास आहे. विद्यार्थ्यांचा आक्षेप आहे तो म्हणजे ऑनलाइन आणि नॉर्मलाइझेशन मधून होणारे घोळ! विद्यार्थ्यांची कुठलीही मागणी नसताना, यूपीएससी सह बहुतांश राज्ये ऑफलाईन परीक्षा घेत असताना आपले सरकार ऑनलाईनसाठी इतके आग्रही का ?

दोन दिवसांपूर्वी आपण विद्यार्थ्यांना ‘कुठलीही शिफ्ट न करता एकाचवेळी ऑनलाइन परीक्षा घेण्यासाठी इन्फ्रास्ट्रक्चर उभारले जात नाही तोपर्यंत ऑनलाइन परीक्षा न घेण्याचा’ शब्द दिला होता. आज मात्र एकाच वेळी एकाच शिफ्टमध्ये परीक्षा घेण्यासंदर्भात तुम्ही ब्र सुद्धा उच्चारलेला नाही.

एकाच शिफ्ट मध्ये एकाचवेळी परीक्षा घेण्यासाठी लागणारे इन्फ्रास्ट्रक्चर एका वर्षात उभारले जाणार नाही, हे माहीत असताना सुद्धा ऑगस्ट २०२७ ची टाइमलाईन देण्याचे कारण काय ? आयोगाने दिलेल्या लिंकवर क्लिक करताच TCS च्या साईटला लिंक जाते याचा अर्थ काय ? तसंच कुठलही कारण नसताना, कोणाचीही मागणी नसताना बळजबरीने ऑनलाइन परीक्षा लादण्यामागील कारणे काय? या प्रश्नांची उत्तरे न कळायला विद्यार्थी दुधखुळे नाहीत .

त्यामुळे ऑगस्ट २०२७ काय ऑगस्ट २०४७ उजाडला तरी कोणालाही विद्यार्थ्यांच्या संमतीशिवाय ऑनलाइन परीक्षा बळजबरीने लादू देणार नाही.

@Dev_Fadnavis
@mpsc_office

[Vastav Katta @VastavKatta]

ऑनलाईन परीक्षा विद्यार्थ्यांवर लादणार नाही...
मा. देवेंद्र फडणवीस साहेब
मुख्यमंत्री, महाराष्ट्र राज्य
@CMOMaharashtra @Dev_Fadnavis @AbhiPawarBJP @mpsc_office @mieknathshinde

[Maharashtra Congress @INCMaharashtra]

'MPSC ची CBT परीक्षा पद्धती रद्द करा, ऑफलाईन परीक्षा पद्धती कायम ठेवा..!' या ठाम मागणीसाठी नवी मुंबई जिल्हा काँग्रेसच्या वतीने बेलापूर येथील MPSC कार्यालयासमोर सुरू असलेल्या साखळी उपोषण आंदोलनाला महाराष्ट्र प्रदेश कॉंग्रेस कमिटीचे अध्यक्ष श्री. हर्षवर्धन सपकाळ यांनी भेट देऊन विद्यार्थ्यांच्या न्याय्य संघर्षाला पाठिंबा दिला.

प्रदेश काँग्रेस कमिटीच्या रोजगार सेलच्या माध्यमातून श्री. धनंजय शिंदे यांनी राज्यभर विद्यार्थ्यांच्या समस्या जाणून घेत त्या सोडवण्यासाठी संघर्षाची भूमिका स्वीकारली आहे. नवी मुंबई जिल्हाध्यक्ष श्री. रामचंद्र (आबा) दळवी यांच्या नेतृत्वाखाली सुरू असलेले हे आंदोलन शांत, शिस्तबद्ध आणि सत्याग्रही असले तरी त्यामागे विद्यार्थ्यांचा प्रचंड आक्रोश आणि जनसमर्थन आहे. एवढा मोठा पोलीस बंदोबस्त लावावा लागतो, यावरूनच या प्रश्नाची गंभीरता स्पष्ट होते.

हा केवळ MPSC चा प्रश्न नाही, तर विद्यार्थ्यांच्या भविष्याचा आणि नोकरभरतीवरील विश्वासाचा प्रश्न आहे. MPSC, NEET, JEE, CBSE, SSC किंवा HSC… कोणताही परीक्षार्थी हा कोणत्याही पक्षाचा नसतो, तो फक्त आपल्या भविष्याची लढाई लढत असतो.

आज परिस्थिती अशी झाली आहे की पेपर आहे, पण तो लीक आहे; पदवी आहे, पण नोकरी नाही. नोकरभरती प्रक्रियेत पारदर्शकतेवर प्रश्नचिन्ह निर्माण झाले आहे. त्यामुळे विद्यार्थ्यांचा विश्वास पुन्हा मिळवायचा असेल, तर CBT परीक्षा पद्धतीचा निर्णय तात्काळ मागे घेऊन ऑफलाईन परीक्षा पद्धती कायम ठेवावी, अशी भूमिका प्रदेशाध्यक्ष श्री. हर्षवर्धन सपकाळ यांनी मांडली.

मुख्यमंत्री महोदय, भाषणे आणि शब्दांचा खेळ थांबवा. MPSC अध्यक्षांना तात्काळ आदेश द्या आणि ऑफलाईन परीक्षा पद्धती कायम ठेवण्याचा निर्णय जाहीर करा.

विद्यार्थ्यांच्या न्याय्य मागण्या मान्य होईपर्यंत हा संघर्ष अधिक तीव्र होईल. संघर्ष जारी रहेगा!

@INCHarshsapkal

[Maharashtra Congress @INCMaharashtra]

एमपीएससीने घेतलेल्या ऑनलाईन परीक्षांच्या निर्णयाविरोधात विद्यार्थ्यांमध्ये तीव्र असंतोष पसरला आहे. या निर्णयाला विरोध करण्यासाठी आणि परीक्षा ऑफलाईन पद्धतीनेच घेण्यात याव्यात या मागणीसाठी काँग्रेस पक्षाने विद्यार्थ्यांच्या समर्थनार्थ व त्यांच्या न्याय्य मागणीसाठी महाराष्ट्र प्रदेश कॉंग्रेस रोजगार व स्वयंरोजगार विभागाचे अध्यक्ष श्री. धनंजय शिंदे व नवी मुंबई जिल्हा कॉंग्रेस कमिटी अध्यक्ष श्री. रामचंद्र दळवी यांच्या नेतृत्वात साखळी उपोषण व ठिय्या आंदोलन नवी मुंबईतील MPSC च्या मुख्य कार्यालयासमोर सुरू केले आहे.

सर्व नागरिकांनी आणि विद्यार्थ्यांनी या संवेदनशील मागणीला पाठिंबा देऊन उपोषणात सहभागी व्हावे.

@INCHarshsapkal @satejp
@DalviAaba @Dhananjay4INC

[Shashikant J Shinde @shindespeaks]

ज्या तरुणांच्या बळावर सत्तेची गणिते मांडली जातात, तोच उद्याचा भविष्य असलेला एमपीएससी चा विद्यार्थी आज भर पावसात आपल्या न्याय्य हक्कांसाठी रस्त्यावर आंदोलनाला बसला आहे. हे चित्र केवळ दुर्दैवी नाही, तर या सरकारच्या संपूर्ण नाकर्तेपणाचा आणि असंवेदनशीलतेचा जाहीर पुरावा आहे.

निवडणुकीपूर्वी सत्तेच्या मोहासाठी मोठमोठ्या घोषणा करायच्या आणि आता अंमलबजावणीची वेळ आली की पळ काढायचा, हाच या सरकारचा एककलमी कार्यक्रम बनला आहे. मंत्र्यांच्या पोकळ दाव्यांना कंटाळून आज राज्यातील तरुण वर्ग रस्त्यावर उतरण्यास विवश झाला आहे.

एमपीएससीने घेतलेल्या ऑनलाईन परीक्षाच्या मनमानी परिपत्रकाचा आणि विद्यार्थ्यांचे भवितव्य टांगणीला लावणाऱ्या नॉर्मलायझेशन प्रक्रियेचा मुद्दा अत्यंत गंभीर आहे. ​हा केवळ विद्यार्थ्यांच्या परीक्षांचा विषय नाही, तर विद्यार्थ्यांच्या आयुष्याशी चाललेला खेळ आहे.

आमच्या या स्वाभिमानी तरुणांवर होणारा हा अन्याय आम्ही कदापि खपवून घेणार नाही, हा आमचा सरकारला स्पष्ट इशारा आहे. आम्ही पूर्ण ताकदीने सर्व आंदोलक विद्यार्थ्यांच्या पाठीशी खंबीरपणे उभे आहोत!

@mpsc_office

​#mpscstudentsprotest #mpsc #MaharashtraGovernmentFailures #CancelNormalization

[Dhananjay Shinde INDIA 🇮🇳 @Dhananjay4INC]

MPSC ची परीक्षा offline व्हावी या राज्यातील लाखो विद्यार्थ्यांच्या मागणीसाठी, प्रांताध्यक्ष मा. हर्षवर्धन दादा सपकाळ यांच्या मार्गदर्शनाखाली महाराष्ट्र काँग्रेस चे बेमुदत साखळी उपोषण आणि ठिय्या आंदोलन आज दुपारी १२ वाजता MPSC चे मुख्य कार्यालय बेलापूर येथे सुरू झाले आहे.

संविधान मार्गाने होणाऱ्या या आंदोलनात ४ तास, ८ तास आणि १२ तास उपवास करून सहभागी होऊ शकता

@INCHarshsapkal @satejp @VijayWadettiwar
@bhimanwar
@ShelarAshish @Dev_Fadnavis
@DalviAaba
@INCMaharashtra

https://t.co/mLytcttCyU

[Rohit Pawar @RRPSpeaks]

यापुढच्या परीक्षा ऑनलाईन पद्धतीने होणार असल्याच्या #MPSC ने काढलेल्या परिपत्रकाचा मुद्दा सभागृहात उपस्थित करुन हा निर्णय तातडीने मागे घेऊन या परीक्षा पूर्वीप्रमाणेच ऑफलाईन पद्धतीने घेण्याबाबत सरकारने प्रयत्न करण्याची मागणी केली. तसंच नॉर्मलायझेशनचा मुद्दाही उपस्थित करुन विद्यार्थ्यांवर अन्याय करणारी ही पद्धत हटवण्याची मागणी केली. सरकारने #MPSC च्या माध्यमातून हा निर्णय बदलला नाही तर विद्यार्थ्यांचं अधिक मोठं आंदोलन उभारण्याचा इशाराही यावेळी दिला.

#पावसाळी_अधिवेशन_२०२६
#MPSC #विद्यार्थी_प्रश्न