حمد 🍾

- مواطن صالح محترم -

[راشـد @_RH66_]

يا شتات النفس بين الجايرة و المستجيره
لو نقول ان التعايش حرب و الموت استراحه

ليه اعلق شرهتي فالناس و الشرهه كبيره
مجتمعنا منغلق صدره على كبر انفتاحه

الفجوج وساع و اللي راح لي ما راح ديره
والشجاع اغنى من التشجيع في قصة كفاحه

مل قلباً ذاق نيران الصديق و زمهريره
كلّ يوم يجدد اعجابي تساميه و طفاحه

ان تلفّت ما لقى حوله من اللي كان غيّره
يوم اعفّه من يدين السرق و عيون الوقاحه

في حديثه شيء من صحّة حديث ابو هريره
و الله اكبر لو خطوب الوقت صلّت في مراحه

و انت يا قائم مقام ابليس في شبه الجزيره
من رعاع القوم لو انك من اعيان الشفاحه

كيف ابادلك الردى و الخبث وانا اخو منيره
الضعيف ان راح في ستّين … ما رحنا مراحه

فالحرام ؟ آخاف يوماً كان شره مستطيره
ما تنازعنا على حكم الامور المستباحه

الوجيه احيان ما تنبي عن فاللي فالسريره
و القلوب بيوت فيها بيت عزّ و بيت راحه

مستجدات الزمن جتني على نفس الوتيره
كلها تستعمل الُتقيه وانا احب الصراحه

عن همومي كل ما سيّرت بثياب الستيره
كاره انسام الشتاء من كثر مافيها بجاحه

الشعور اللي ورا صدري جماهيره غفيره
كل ما سويت له بيتين سوا لي مناحه

حيرتاً ما زاحت ستار الهوى ماهيب حيره
و ساحتاً ما فُتّحت أبوابها ماهيب ساحه

يا ظريف الطول خطواتك كثر ماهي قصيره
في دقايقها علاج و في ثوانيها سياحه

قلبي اللي عيشته كانت عبوساً قمطريرا
كيف ينسى يوم سوت ضحكتك حفل افتتاحه

في كلام الحق ما يغني قليله عن كثيره
و فيك ما يسعد مساء العالم و ما يسعد صباحه

نور وجه و عفّ روح و حلو طبع و حسن سيره
لك من اصحاب السمّو و لك من اصحاب السماحه

ان خذاك الكبر تفداك التفاصيل الصغيره
لو تعرضني من التجريح لـ اقسام الجراحه

مستحيل اسخِط رضا عينك ليا نامت قريره
وانت ؟ ما حطيتني فيها على كبر المساحه

لابس الثوب الحرير ان ضاق صدرك من حريره
سم بسم الله عليه و خذ نفس و اطلق سراحه

حول عودك يخجل البستان حتى من عبيره
و يستحي صحو النسيم العذب لا هبت رياحه

بس انا ؟ عندي بلاغة شفّ و افكاري خطيره
ما يفسرها خيال و ما تترجمها فصاحه

وانت خصرك ما يخاف الله ليا جرّ الجريره
يسلب المؤمن قواه و يسلب العاقل رجاحه

راح من عمري عمر لكن مثل ما قلت خيره
في يدينك فرصتي كانت ولا زالت متاحه

[حمد 🍾 @SaMeiewm]

تمر السنين وتجتول والقلوب تهاب
وتبقين فالعمر المحدد مثل ما أنتي

عزيزة نسب وأطهر من الديّن التواب
رفيعة مقامٍ هان عمري ولا هنتي

تمرين ويصير السماء خيرها صبّاب
وتزين الأراضي كل ما أنتي تزينتي

فداك الشعر والناس والحلم والأحباب
وأنا والسنين المقبله وين ما كنتي

[َ @UsernameHaa]

والله ما منك " لا مفرّ ولا نجاه "
معكْ الضمير يسوق عمره لـ اللّحد

أنت الدعاء اللي تخشه في الصلاه
و تستودعه يومياً .. الواحد الأحد

غيّرت في عيني " مفاهيم الحياه "
حتى التناقض لجل يرضيك أتّحد

أسمي هو أسمي لا دعاه اللي دعاه
و أسمي بصوتك ما بعد قاله أحد

[المُقتضَب @3sa__s]

يا ليت الزمان يعود بي لاول المشوار
قبل . . لا تقص أحداث الأيام تذكرتي

وتاخذني الدنيا ، عن الدار وأهل الدار
غريبٍ يضج بـ غصّتي همس حنجرتي

شعوري شعور التايه المرغم المنهار
آعرف آوّلي .. لكنّي آجهل وش آخرتي

أنا اللي بعد زود الغلا .. والسلام الحار
تنازلت .. لـ عيون المها ، عن مكابرتي

يابنت المطر مالك مصدٍ عن الامطار
من الغيم . . ولا من نسيمه تعطّرتي

عرفتك وانا نفسي صبوره على الاقدار
قبل تختبر . . صكات الاقدار مقدرتي

ماعاد آعرف من كثر ماني معك محتار
تغيّرت انا . . ولا أنتي ، اللي تغيرتي

يا شين الخطايا يوم تكبر مع الاعذار
تروحين كنك مخطية . . ما تعذّرتي

كلام العيون . . يبرر الواقع اللي صار
عطاك الزمن عدة خيارات واخترتي

ورحتي وأنا من يوم رحتي غريب أطوار
من الضيق صرت آدور في نفس دايرتي

يا ليت الكلام اللي حبسته ورى الاسوار
مجرد " رسايل عالقة " في .. مذكرتي

على كثر ما كانت . . ليال الوصال قصار
على كثر ، ما كانت " طويلة " بـ ذاكرتي

[جـزى @23zmi]

بين هقوات المشاعر ونظرات العيون
كل شفرات المحبه مثيره للجدل

لاتضيعك الهقاوي وتخلفك الظنون
تحسب ان الوضع عادي وللفاقد بدل

وين ابلقى لي مع اللي يروحون ويجون
قلبً ليا راح يرجع واذا مال اعتدل

المحب اليا تعدا محطات الجنون
لو يدلونه على الدرب لايمكن يدل

[راشـد @_RH66_]

تمر السنين وتجتول والقلوب تهاب
وتبقين فالعمر المحدد مثل ما أنتي

عزيزة نسب وأطهر من الديّن التواب
رفيعة مقامٍ هان عمري ولا هنتي

تمرين ويصير السماء خيرها صبّاب
وتزين الأراضي كل ما أنتي تزينتي

فداك الشعر والناس والحلم والأحباب
وأنا والسنين المقبله وين ما كنتي

[راشـد @_RH66_]

ما عرفتيني ؟ انا اللي تعرفينه صدوق
واحدٍ عاده من رماح عينك ما صحى

من وداعك كل ليله وسط قلبه فتوق
ورغم كل اللي فـ قلبه مكانك ما نحى

والله ان الليل ماهوب فرصه للسروق
وانتي اللي قد سرقتي فوادي في ضحى

اكتشفت ان حبك العفّ ماجاله فروق
يوم دار الوقت فيني مثل دور الرحى

[99 @tt7roo]

دعيتك بصوتٍ ياصلك ليه ما توحيه
وأنا أسمع ضلوعك من صدى الصوت لجاجه

عليك الفؤاد إخلاجه مصمخ راعيه
خف اللّٰه في راعيه ما تسمع إخلاجه

ترى العفو قد جاك أوله وإغتنم تاليه
وترى الحلم بحرٍ غير لا تامن أمواجه

[المُقتضَب @3sa__s]

والله لا بعتك ولا هنتك ولا عفتك
يالي جميع المشاعر فيك مشغوله

لكن لي ايام وانا اعيد سالفتك
ماودي اعيش معك ايام مجهوله

غربتني لين صرت اسعى لمعرفتك
وابعدتني منك بعد الراء عن التوله

من كثر ما اخالفك ماعاد خالفتك
اخاااف لا نختلف خلفًا على اصوله

حتى الكلام الي اقوله اذا شفتك
جفلتني منه ماعاد اقدر اقوله

[76 @76dj_]

انِ تواصلنا مع الغالي بنفس اسلوبه
شك حتى في محبتِنا . . وفي مذهبنا

[َ @veteranskyz]

قصيدة للمتذوقين من الدرجة الأولى
—————————————
بكيتك من الفرقا وأنا دمع عيني حار
سلامٍ على الشرهه والاخر على المنقود

يقولون من طينة محنّه وقلبك بار
لا والله من طينة عذاب وجفا وصدود

يادوب أتحمّل جمرةٍ من جحيم النار
تلحّق عليّه بأختها اللي براس العود

خذيت الهوى طيش وعبث حب وأستهتار
على قولة العربان ( عيب وعليه شهود )

تبريت منّي والوفا فيك طير وطار
عساك آخر العنقود منت أوّل العنقود

مخليني أعجوبة زمن في طريق المار
مضحك بي العاقل مشمت بي المقرود

لاني داخل الصوره ولا خارج الايطار
عدوّك وأنا غايب حبيبك وأنا موجود

ورغم ماتسوّي بي مسامح على ماصار
وخيرك كثير وموقفك ماعنه منشود

معك مابعد عديت عمري من الاعمار
مخليه ريشه بين أصابع هبوب النود

تذكر ولك بالذكر ( مالك من الاسفار )
تذكر وخل الذاكره بالزمان تعود

تذكر يوم أن حدود وصلك ثلاث أمتار
تخطيتها ماكنّ ذيك الحدود حدود

وصلتك وقمت بواجبك قبل سابع جار
أخفّي عليك سدود وأبدي عليك سدود

سدودٍ تبي تبنا والاخرى تبي تنهار
من أبّدع تصاوير الله الخالق المعبود

أحس أنّي أبحر فالسفينه مع البحار
وأنا أقول يالبّا هذيك الوساع السود

أغازل حورها وأنصب لرمشها تذكار
وأثمن عطاياها وهي ماوراها فود

تذكّر وأنا ويّاك في لمّة السمار
تقول البرا مردود أقول البرا مردود

تحديت فيك الشاعر اللّي من الشعار
بعد ماتقول أسمه تذكر علامة ( قود )

توارت نجومه يوم لدّت لي الانظار
طلع في عيون الناس مهوب ذاك الزود

تذكر يوم أنّك جيتني ياغريب الدار
أبشر بشوفك كنّي أبشر بمولود

فتحت الك صدري ياحبيبي زرار زرار
هذا بيتك وبيت أمّك وبيت أبوك العود

وتحتلني وتحطني دولة أستعمار
وأنا في السعوديه تحت راية ابن سعود
- مدغم أبو شيبه

[َ @1ll9___]

تحايلت، وارتابت عيوني على المعتاد
عساني فدى جيِّتك عن سالف إعراضِك

أجاذب ديارك، وأنت لو تطرِي المعوَاد؟
أشدّ الركايب في مرَابِيْك.. وفيَاضِك!

حبيبي إذا حلو المحبَّة: تجي بـ جهاد؟
تعب كلّ شيء! ولا تمكّنت مركاضك!

عطيتك مقامٍ؛ جفّ عِرقه على الأشهاد!
لو إنك تمشَّى.. بيْن رِبعك، وفـ رِياضك

أعرف البيوت اللي تباهى بها الأجواد
وأعرف أتردَّد مِن رموشك! إليَا ألحاظك

تعمّدت أحبَّك، رغم كلّ الظروف، عناد
مثل ما تعمّد [في اللغة] رِقَّة ألفاظك..

أشوفك.. ليالٍ ناض في برْقها الميعاد
سقى الله سنينٍ يكشح البرق ما ناضك

أعاف الشتاء، وأركض ورا جمْرِتك منقاد!
وأحبّ الدفا ما بَيْن صوْفك! وفضفاضك

لو إن العوْض عن جِرْحك المستميت ضماد
يعوِّضني اللي في دروْب الهَوى.. عاضك

ترى عاشقك لو طَاح بيتك على الأوتاد؟
ما يبكي على دارَك! ويضحك على أنقاضك!

ذبحني الجفاف، وجفّ صوتي ولا الله راد
يملّ الكلام! إنْ شدّ سمعك، ولا هاضك

على البال (نورٍ..) زلَّتْ أيَّامه! ولا عاد..
وأنا ما وَقفت إلَّا على الموت فـ حياضك!

يا مِلْح اللَّيَالي.. ردّ لي وَجْهك الوقَّاد:
وش الحبّ لو ما ضعت في جملة أغراضك؟

[بدون عنوان🪝 @mx_ai8]

تصد ماهمك وانا الاحي الورق
ولا تخاف من الجفا والعقوبه

الوصل مرهم كبد والا الجفا حرق
والصبر ينفض في غيابك جيوبه

كسرت كل ابواب وصلك من الطرق
وغيرك طرق قلبي ولاني بصوبه

للي يريد الوصل يامكثر الطرق
لو وقفو كل البشر في دروبه

محمد بن فطيس

[سبّيع . @subiie7]

يصيب القريحه من فراقه تعب وارهاق
مثل ما يصاب البيت لا اخطيت تركيبه

لو ان الدعاوي شنّ غاره وضرب اعناق
على شانه انطح , قايد القوم واجيبه

لاكن الغلا يثر على سستم الاشواق
وداعه وصال وصدت ٍمنه ترحيبه

تركني بعد ماعطيته الروح والخفاق
بعد ما خذاها غاب والغيبه الغيبه

[حمد 🍾 @SaMeiewm]

سلامي سلام اللي سمح والأمل مفقود
على اللي ماصان الود من كثرة أعذاره

رفعت العتب وأقفيت عن غايبٍ موجود
يوم إن الغلا شفته بدا يرخيّ ستاره

سعيت لرضا عينه ولا شاف لي مجهود
وأنا أجفى العرب لأجله وأناديه واختاره

ياليل الفراق الي عليه الحروف شهود
قرار الجفا عقب الغلا وشهي اخطاره ؟

[َ @veteranskyz]

علقتني فيك .. رغبة نفسي الأمّاره
ولا أنا ماني بصوبك وأنت ما أنت بصوبي

قد سمحت من الزمان ومجريات اقداره
لين مالله عاضني عن شفي ومطلوبي

يفرض الواقع علينا الحب مانختاره
وأنا ما أكذب عليك إني معك يادوبي

أخذني تفدا خطاك ، الخطوه المحتاره
معك يامعذب مشاويري وحلوّ دروبي

فإن تقاسمنا الغلا عشنا على تذكاره
وإن تبدّل ثوبك .. الله لا يبدّل ثوبي

حاسب حساب الجفى منافعه وأضراره
وأدري إن ماهوب يسوى توبتي بذنوبي

السهر يفقد بريقه لا فقد سمّاره
والليال تغيّر المحبوب يامحبوبي

لو تعرف القلب وش يحملك من اسراره
كان ياللي جيتني تختال ، جيت تحوبي

[حمد 🍾 @SaMeiewm]

@CryptoFatihh .

[‏Ltoof Alhrabi🦌 @alhrabi9_]

شلون اشوفه بعد ذيك الليالي غريب
وهو ذعاذيع نوده دايم تهبني

ماني مخليه للدنيا وقبح النصيب
لو كان يقطع حبال الوصل ويكبني

والله لحبه لو انه مايبيني حبيب
ماهو بلازم عشان احبه يحبني

٣٠-١١ .....

[سـين ➰ @7bb_q8]

-

أجيك بلهفتي واروح في عيني بريق دموع
وأكابر والمكابر في حياتي شبه روتيني

يكفيني من الهرج الرقاق ومبسمك قرطوع
يكفيني سحاء والا وربك ( ما يكفيني )

تطمن يا حبيبي لاتقول وصالنا ممنوع
وانا في كل يوم ألقاك بين دعاي وآميني

تمادى فالطعون الخضر مادام الغلط مرجوع
ترى قلبي ملاذك لا نويت تطيح من عيني

[حمد 🍾 @SaMeiewm]

ياعظيمه كل شي له حدود وله نهايه
لكن انتي ماوقفتي عند حدك ياعظيمه

مارحلتي لين حطمتي بما فيه الكفايه
عاقل حب الجنون وصوت نارك في هشيمه

امتلكتي غايته لو ماكان له فيك غايه
وانتصرتي ف عيونه واعترف لك بالهزيمه

فدوتك مافات من الايام واللي عاد جايه
يابعد عمر مخاسيره معك عندي غنيمه