@raidkaled1 بو خالد الله يعافيك ، انت تبنيت سعر الـ 60 ريال كسعر تكلفة وانت حتى منت عارف وش الـ breakdown حقها ، (بغض النظر عن كون السعر مختلق منك حاليا لان المصانع والموردين لا يمكن يكشفون لك السعر كمستهلك) اذا انت صاحب بزنس الله يبارك لك ابد ، ورنا تكسيرة الفاتورة وفهمنا شلون هالسعر جاء بس
@raidkaled1@m10sa9@aleqtisadiah ياخي شرح لك الرجل ، الرجل قاعد يسوي تقبُل للمخاطر عن المورد ، مقابل اقل سعر ممكن وهو سعر التصنيع او التوريد بس ، مالك علاقة بالرفوف مالك علاقة بالرجيع مالك علاقة بالمتضرر الخ الخ الخ
اللي يكلف بنده 90 ريال كسعر تكلفه يكلفه 65 مثلا فهمت ؟
@iFalcon10 اقسم بالله اني ارفض البذلة على السعودي في اي محفل رسمي ، ياخي تيجان العرب عمائمهم ، زينتنا بلبسنا الوطني وبس ، لا غيرناه نطلع نشبه غيرنا !! حنا متفررررردين
@salmaniho ي رجل وصلوا لمرحلة يسيؤون باتهاماتهم لاجهزة الدولة الرقابية ، الرجل مجتهد والجهات الرقابية تتابع الكل ، ولو فعلا فيه شيء كان مسكوه، اتمنى تشوفون مقابلة المديفر مع معالي رئيس هيئة المنافسة (ذكر حالة لعشرة ملاك مطاعم رز اتفقوا على توحيد السعر)
نافسوه وانا كمستهلك مستفيد في الاخير
معلومة وليست رأي | نعم، السعوديون يعانون من القلق ويتجرعون الألم وينشدون السلامة، يعانون ألمًا شديدًا ليس من أصوات التصدي ولا من الاستهدافات والتهديدات الفارغة، إنما أكثر ما يؤلمهم هو حميتهم وغيرتهم على بلادهم - حقيقة وليس ادعاء - فكل إنذار مبكر يسمعونه، يضعهم تحت ضغط تلك الحمية والنزعة الوطنية، فكأنما واجب على كل شخص فيهم أن يقدم روحه وماله للتخلص من حمل هذا الواجب المغروس على أكتافه تجاه دينه وقادته ووطنه ومجتمعه.
قلقون على أمنهم، لكنهم أكثر قلقًا من عودة الوساطات الإقليمية والتفاهمات الدولية، التي من شأنها أن تعيد المنطقة لذات الدوامة، فهم ينشدون سلامة الأجيال من بعدهم، بكسر تلك الدوامة وسحقها تمامًا دون توقف، حتى لو كان ذلك على حساب راحتهم وسلامتهم.
- من يرددون أن السعودية تتجرع الألم وتواجه أيامًا مقلقة، هذا هو الألم الذي تتجرعه وهذا هو القلق الذي تعاني منه، ولا شيئًا سواه.
ليه السعودية ما تنهي الحوثي؟ ميليشيا وما تقدر عليها؟ أسئلة نشوفها كل يوم 🤷🏻♂️ قبل أجاوب خلني أستحضر معك كم محطة
الاتحاد السوفيتي سنة ١٩٧٩ أكبر جيش بري في العالم وترسانة نووية ترعب الكوكب دخل أفغانستان واللي قدامه ناس ما يملكون إلا بنادق قديمة وجبال السعودية ما أرسلت جيش دفعت الدولار مقابل الدولار مع أمريكا ووصل للأفغان صاروخ اسمه ستينغر يصيد الهليكوبتر عشر سنين وطلع الجيش الأحمر مهزوم وبعدها بسنتين ما عاد فيه اتحاد سوفيتي وأمريكا نفسها راحت لنفس الجبال سنة ٢٠٠١ وطلعت بعد عشرين سنة بنفس الطريقة
ارجع معي للعراق سنة ١٩٨٠ صدام شاف إيران خارجة من ثورة جيشها مفكك وضباطها مطرودون قال أسابيع وأرجع رجع بعد ثمان سنين بمئات الآلاف من القتلى وديون أكلت البلد وبعدها بسنتين دخل الكويت عشان يسدد وعرفنا كيف انتهى
الحرب ما تُقاس بحجمك ولا بكم تملك الفيلسوف سون تزو قبل ألفين وخمسمئة سنة قال أعظم انتصار هو اللي ما يحتاج معركة وكلاوزفيتز قال الحرب استمرار للسياسة بوسائل أخرى يعني اللي يدخل حرب بلا سياسة يدخل بلا طريق رجعة
طيب والحوثي؟ تعال وخلني أوريك وش يتمنى الحوثي يصحى كل يوم يدعي إن السعودية تدخل اليمن بجيشها لأن هذا اللي يوحد له القبائل اللي تكرهه ويصدّق شعاره عن العدوان ويحوله من ميليشيا تسرق بلد إلى مقاومة تدافع عنه ولهذا يرمي على المطارات يستفزك عشان تعطيه الحرب اللي يبيها
وفي الحديث: لا تتمنوا لقاء العدو واسألوا الله العافية فإذا لقيتموهم فاصبروا السعودية ما تتمنى اللقاء ولما يجي تصبر وتعرف تديرها بإذن ربي ومن ٢٠١٥ وهي تعترض وتحاسب كل منصة
وبعدين لاتنسى عندها شي ثاني
الحوثي ما عنده مبادئ السعودية ترد على الصاروخ بمنصته مو بالحي اللي يتخبى فيه ولا تحاصر شعب عشان تكسر ميليشيا واللي يشوف هذا ضعف ما يعرف الفرق بين دولة وعصابة
الشاهد الحوثي ينتهي على يد يمني واقف على أرضه في المخا وباب المندب وتعز
والسعودية فوقه بالطيران لا لدخول حرب بل لمنع منصات الصواريخ من الإطلاق ولتغطية اليمني اللي يتقدم على الأرض وهذي أقسى حرب عليه لأنها ما تعطيه اللي يتمناه يبي صورة عدو كبير يقاتله عشان يتحول من ميلشيا الى مقاومة