َ

[َ @_1hwa]

سرا الليل كله لا هداوه و لا استكنان
احس بـ مشاعر مدري كيف اترجمها

تفجر ورى صدري مشاعر فرح و احزان
لي شهور و انا داخل الصدر كاتمها

عسى الله يعين اللي تعود على الكتمان
تجي ساعةٍ ما عاد يقـدر يقاومـها

على الضايق أنسام الصبا فوّهة بركان
ماهز الحنين الخامد إلا نسايمها

[َ @_1hwa]

" به جزء فيك أنجرح ولا أقتنع جزء فيك
ودايم نهاية شعور الناس .. في يدينها "

[َ @_1hwa]

كم فرجةٍ موحشه من موحشات الديار
قطعتها ما تفرق رملةٍ وحدبه

ياليت به للعرب سامان و قطع غيار
والله لا اغير جميع محركاتك يبه

ورجيلك اللي غدت توجعك تالي النهار
أحطها رجيل صبيٍ تو خط شنبه

أبغيك ترجع مثل الاول مقرنس حرار
لك نوضته لاكفخ ريشه ولك منكبه .

[َ @_1hwa]

أستوقف الساعه من الوجد حروة ثمان
و ألهمني الذكريات اللي من آخر ظهور

اصارع شعـوري إللي فاقده من زمان
ودي ولا ودي وفي الحالتين معذور

احس به كل ما مريت نفس المكان
مجي نفس المكان يرد نفس الشعور ؟

[َ @_1hwa]

" على فكري الخصب وعلى أحساسي اللوام
وعلى راسي الصلب وعلى قلبي الليّن

يمر الشعور المرّ ماهو مرور إكرام
مثل قسوة التأنيب في خلوة الديّن

على هامش أحداث الحياه أحسب الأيام
لو أن ماني بمزعوج من شيٍ معيّن

سقى اللّٰه يوم أن العمر رحلة استجمام
قبل يصغر الحلم وقبل يكبر الهيّن "

[َ @_1hwa]

مثل ما المزوح أكبر علامات الإطمئنان
مثل ما علامات المروَّع تلفاته

تغافلتني، وأنا يا غافل لك الرحمن
ما عرف الجفى لكنّي أعرف علاماته .

[َ @_1hwa]

غريب إنكساري كيف بادرني العصيان
الإنسان تصقل موهبته إنكساراته

ترفّ الجفون إن هبت النسمة امسيان
على أطراف قلبٍ يدري إن العمر فاته

محطات عمري واجد، وكلّها سيان
الإحساس هذا واحدٍ من محطاته

لو أن عاد قلبي فيه نزعة وضعف إيمان
فصول السنة ما غيّرت عنك نيّاته

[َ @_1hwa]

غريب إنكساري كيف بادرني العصيان
الإنسان تصقل موهبته إنكساراته

ترفّ الجفون إن هبت النسمة امسيان
على أطراف قلبٍ يدري إن العمر فاته

محطات عمري واجد، وكلّها سيان
الإحساس هذا واحدٍ من محطاته

لو أن عاد قلبي فيه نزعة وضعف إيمان
فصول السنة ما غيّرت عنك نيّاته

[َ @i_23j]

بيني وبين انفجار الصبر حذفة حصاه
ياليت لو بيننا .. كلمة قريّب بدو

احساسي براحة العزله عطاني قفاه
الراحه الماضيه .غدو بها اللي غدو

العام .. اشوف العلاقات الكثيره غناه
واليوم سلّم علاقاتي هو اكبر عدو

من كثر الاحلام ومجاهد ضغوط الحياه
فاقد شعور السلام الداخلي والهدو

[َ @_1hwa]

من خسرت البداية ما خسرت المقام
ومن لمحت النهاية ماتحاشيتها

لو تزيد المواجع كل ليلة وعام
ماجرحت القلوب البيض وادميتها

ياسراب السعادة والرضا والسلام
يا نقيض السنين اللي تمنيتها

انت مثل الحياة الفانيه بالتمام
عارف اني بخليها .. وحبيتها

[َ @_1hwa]

" يذبل الانسان مابين حرص وبين خوف
يبحث بـ ماضيه ، ويفكر بـ مستقبله

خلّني سهران بين الدفاتر والرفوف
لي سنة والصبح بيني وبينه مشكله

ما يعدل جدوله واحدٍ عنده ظروف
خله ان عدل ظروفه.. يعدّل جدوله "

[َ @_1hwa]

اراعيك بـ الذكرى وذكـرك يقوتني
ولو غاب ذكرك وش عاد اتقوت به ؟

[َ @_1hwa]

" مابين الصعب وبين الخوف والتجريب
أحاول ما أميل بيوم ولا تتشرد أفكاري

أمرّ بمرحلة صح أو خطا أو صدق أو تكذيب
كأني تايه في شيء ولاني عارف أقداري

أنا يارب ما أدري وش اللي ينكتب بـ الغيب
ولكن رحمتك أكبر من اللي فيه أنا داري "

[َ @_1hwa]

" أنت وحدك تَمنح الأشياء مقامات وتجلي
ما بقى إلا ظاميٍ ما بلت غيومك ضفافه "

[َ @_1hwa]

" شارد الذهن وافكاري تعيد المشاهد
في هذاك المكان اللي تمره وامره

جالس اجاهد الدنيا واهلها واجاهد
وصلك المنقطع وطيوفك المستمره "

[َ @_1hwa]

"على وجهك اللي تستمد الشمس منه النور
سلام أعذب وأرق من النسيم بـ وقت عصريّة"

[َ @_1hwa]

صحيح الوطن ماهو مساحة ولا سكّان
وطنك الوليف اللي سعادتك في قربه

اذا شفته تحس ان كل الوجود أوطان
واذا غاب عنك تموت من شدّة الغربه

بموت العلاقة بين الإنسان والإنسان
تموت العلاقة .. بين الإنسان والتربه

[َ @_1hwa]

" شعوري يوم أحس إن النصيب أقوى من الاهداف
شعور اللّي تصيبه في ضلوعه طلقة المحتلّ

أنا مهما نقلت من الحمول اللّي ماهي بخفاف
أشوفك حلم لا يُعلى عليه ولغز ما له حل "