مما قيل في القوة وانهياراتها :
محمد بن الذيب :
احيان ياكبري على ذا المجرات
واحيان ياصغري ونفسي ضعيفه
محمد المقحم:
احيان احس اني جبل واصد في وجه الرياح
واحيان احس اني غصن كل ريحً تهزه
والله اني طحت من كثر الوقوف
ولا رفعني فالحياة إلا " الصبر "
طالت الاحزان من كثر الظروف
ولا بقى لي غير جرحين ، وسهر
انكسرت و ما بقى غير الحروف
الكتابة تعطي لـ كسري جبر ..
راح عمري كله بلحظات خوف
من يجيب لخوفي الباقي عمر ؟
رضيت بما كتبه الله ،ولو إنّ السنين اعجاف
مصير العسر لو طوّل ! بلحظة يتعبه يُسره
يارب ادعيك ودموعي من الخشيه على الأطراف
«تعوضني عن اللي ضرّني بـ ايّـامي العسره »
انا بي روعةٍ ما تفيد فيها الطبّ ..والاسعاف
ولي قلبٍ على كـثـر المتاعب ما فقد صبره
وبي شيٍ صعب يُوصف ولو ماينحكى ينشاف
تلاحظه العيون اللي تعرْف الضيق و الكسره
وانا مابي من الدنيا ولو تقسى عدل وانصاف
شبعت من الدروس اللي تعلم قلبي الحسره
ملجاي لا ضاقت علي بعد رب الناس
يا من كل ما ثقلت وصعبت تساهلها
عطاك الله إدراك و طناخه وقوة باس
صدق من يقول الكايده تعرف أهلها
ملبسني من الفخر والعز و النوماس
ما يجعلني أماري على الناس بأكملها
- ابوي🤍
شفت التعب من جور وقتي ماشكيت
وشفت الوجع كيف بالقلب مخفي
اجامل وجيه الناس واقول مافيني
وانا كل يوم يضيق صدري من اللي فيني
صغيره سن واكبر من العمر عانيت
وشلت الهموم الليالي مايكفيني
ولا قلت يادنيا كفايه من اللي لقيت
واقول اللّٰه العالم بحالي ويكفيني