أهلاً

[أهلاً @_dwll]

لهفتي على مواصلك شي من الخيال !
وقدرتي على موادعك شي من الجنون

–فهد بن قطنان

[أهلاً @_dwll]

اللي قلب صفحة ايامي وزود عناي
قولو له يرجع الصفحه على اول لقا

وجدي على ماضي سنيني وضحكة شفاي
والفرحه اللي تقول ارحب ... واقول البقا

قبل الزمن ينهش ضلوعي ويبحث خفاي
واقوله وش تبي ؟ ويقول لي وش بقى ؟

[نايف الرشيدي @naifalrashidi]

و على طاري النهايات المحتملة ، يعلق " سامي الشرابي " بهدوء شديد :

يازين وصلك فالليال الاخيرة
يلبس ثياب الصد واللامبالاة

صارت مسافات السوالف قصيرة :
سلام ... كيف الحال ... والحمد لله !

[أهلاً @_dwll]

لو طال درب عتابنا ، وش ورانا ؟
كل الدروب اللي معك مستحبّه

قد نختلف فالرأي — لكن ترنا
لا يُمكن إنا نختلف فالمحبّه

[سعد بن لويبه @sd280]

الذكريات القديمه , مرها حالي
استعذب احداثها راضي ومتنفه

مانيب متغطرس , ولانيب متعالي
عن حب من حبها مبني على العفه

قبل اعرفها ثقيل , وثابت ظلالي
ومن يوم حبيتها , صابتني الخفه !!

في شفها القلب راح اسرع من الرالي
يمشي على شفها , مهوب في شفه

الغاليه ما لها الا , المنزل الغالي
في كفه لحالها , والكون في كفه !

احلى من احلام عمري واجمل امالي
لا ضعت كلي من الحاجب الا الشفه !!

ان علمتني فنون , الموت طوالي
علمتها كيف اشيل الضلع وادفه !

[أهلاً @_dwll]

الوضع مضروب من راسه لرجلينه
نفسياً و عاطفياً و اقتصادياً

فهد بن قطنان وأنا :)

[أهلاً @_dwll]

اللي جاني من معاناه يكفيني
انا حر اليوم .. وانتي بعد حره

كنت أشوف أنك ملاذ وصدمتيني
كل طعنه منك .. جتني على غره

مستحيل أنساك لـ انّك جرحتيني
ماهي بـ مرّة .. ولا هي مية مرة

ومستحيل يسج بالك .. وتنسيني
لـ اني أطيب من عرفتيه بـ المرّة :)

[أهلاً @_dwll]

انا معك لو , هواك اضرار
من قال بـ اقفي؟ يورالك !

-سعد بن لويبه بـ أصرار

[أهلاً @_dwll]

حتى الصلاه اللي ماهي ماخذه وقت
قبل لا أقصّر فيك ؟ قصّرت فيها

— مساعد بن عريج

[أهلاً @_dwll]

المحبة قبل أعرفك ؟ شي عادي وإعتيادي
بس عقبك والله انها في نظر عيني عظيمه !

- بمناسبة الفلنتاين -

[أهلاً @_dwll]

حبيبتي ماعشقتك لجل اخيل السراب
انا عزيزاً يموت ولا ارتخى له متن

لاتتركيني ضحية هجر ولا غييياب
وانتي لقلب المولع مثل عرق الوتن

العام قطعة حلا واليوم قطعة عذاب
وفالحالتين اعترف لك منفتن منفتن !

[أهلاً @_dwll]

لو تطيحين من عيني قدرت اوادعك وانساك
لكنّك في خيالي واقفه .. والطايحه عيني

[أهلاً @_dwll]

أما أفصحي عن غلاي ووسعي صدري
ولا أرحلي والهوى ما فيه .. جبّريه

[أهلاً @_dwll]

لا يا عنيفه ! هدّي اللعبه ترا الهجر العنيف
ماهوب جزء من تقاليد العرب .. واعرافها

يابنت حواء : عذري اللهفه لو امتد النزيف
استلطف جروحك ! ويستهويني استلطافها

[أهلاً @_dwll]

اكثر مازلزل معاليقي .. و عنّاني
جحد المعاريف والفرقا على غفله

–مبارك بن رادعه

[أهلاً @_dwll]

مريض الحب لو ياخذ جميع الادويه فـ الطب
علاجه ؟ كلمةً ما ودّه ان الناس تسمعها

–فهد بن خشمان

[أهلاً @_dwll]

يا صفوة الحب كيف اسلمك للضياع؟
والحب ضيعني وضيعت مستقبلي

الحكي لامات صدقّه في لسان الشجاع
صَدق كلام المشاعر ، ياصديق زْعلي

بْودعك وأنت ودعني بـْ ضحكة وداع
لا تهزمك دمعة عيونك وتبكي علي

خايف دموع العيون الناعسات الوساع
تكتب نهاية : سعود مبارك المشعلي

[أهلاً @_dwll]

كن الزمن وقّف وأنا لحالي مشيت
ما فالطريق إلا أنت ياقلبي وأنا

بغيت أوّقف وألتفت بس أستحيت
الإلتفاته لـ الوراء ما هي لنا

–مشعان البراق

[أهلاً @_dwll]

استاذني من خاطري واستميحيه
بـ العذر ، لو ان العذر ما يفيده

بتفقدين الحب وان مافقدتيه ؟
بتعلمك الأيام بـ انّي : فقيده

اعتبري ان الحب ذنب : اقترفتيه
و بعتبر فرصتك : فرصة سعيده

- محمد العذبه

[أهلاً @_dwll]

صديتي ولولا عزة النفس .. ماصديت
على آخر جروحك ، ودي انك تأسفتي

مشيتي و وقّفتي وعندك حكي ، حسيت
ما قلتيه مع انّك مشيتي / و وقّفتي

تلفّتّ صوبك يوم قفيتي وقفّيت
وكلّي عليك ينادي .. التفتي التفتي