ّ

@_mx3t

« القريحة على ذكراك شعلة و نار »

Joined September 2020

30 Following

214 Followers

1.7K Posts

Pinned Tweet

@_mx3t

over 2 years ago

الدعوه الدائمة : يا الله بعزمٍ قوي ووقفةٍ ما تميل وبياض وجهٍ من الدنيا إلى الآخرة .

@_mx3t

about 20 hours ago

ما زالت ضحكتك في كل يوم تمرني تنعاد تقول إن ضحكتك في ذاكرة الايام مطبوعه نديم الروح من غيره لـ خيبات الظنون ضماد احبه و افقده و اشتاق له و اضماه و أجوعه أنا يوم اتحمل صدتك متهقوي المعواد نويت اعتق مشاريه الهواء واعتق اللوعه . - سالم بن جديع .

@_mx3t

7 days ago

في كنف ليلٍ .. نجومه تشد الانتباه تبتدي غربة من يعيش في حضن بلده شاعرٍ كن الليالي تواصى في عناه لاحقه من ميلة الوقت ضيقه وزهده فاقد اللي .. زود بعده ما نقص من غلاه من يبشرني بـ شوفه .. ويبشر بـ سعده مابقى في ساحة البال من ذكرى لقاه غير تلويحة وداعه .. و خذلان وعده ! قلبي اللي عاش حلم المواصل في ذراه خايف إنه من مهاده يوارى فـ لحده كني ابوٍ ، مسّه الفقر من بعد الغناه يتّقي من نظرة العجز في عين ولده سامح الله من تركني على سكة جفاه ضامي لا لاح برقه ولا حنّ رعده تختلي به سود الافكار و تبيّح خفاه تاركه فـ الحلق عبره و فـ الكبد لهده الحزين يشوف في بسمته سترة نجاه لو ورا البسمه من الحزن قومه وقعده من كثر ما هزه الماضي اللي ما نساه ودّه إنه ما يفكر .. فـ بكرة و بعده من يدقق في جميع المراحل فـ الحياه لا يلوم .. الا التفاصيل ، لا خاب جهده كثرة التفكير .. في بكره و فـ اللي وراه تشغل الواحد عن الحاجه اللي في يده

350

@_mx3t

10 days ago

تثر الذاكره في شكل الانسان قادره تجعله يفقد ثباته انا لولا المكابر بعض الاحيان اعلن القلب من مبطي وفاته ودك اللي يقفي قدر الامكان ياخذ اللي بقى من ذكرياته . - فلاح بن فراج القرقاح .

_mx3t's tweet photo. تثر الذاكره في شكل الانسان
قادره تجعله يفقد ثباته

انا لولا المكابر بعض الاحيان
اعلن القلب من مبطي وفاته

ودك اللي يقفي قدر الامكان
ياخذ اللي بقى من ذكرياته .
- فلاح بن فراج القرقاح . https://t.co/H3iDokFh2W

421

Who to follow

♡

@ffaii33

" ذايقتها ماهو أيّة قصيد يشدّها "

لا

@3__up

عِش ضَاحِكاً مَهمَا شَقِيت

ضي

@ms_tootyz

ما أكرر نفسي… ولا أعيد الفرص

@_mx3t

10 days ago

بعيدا عن العالم بعيدا عن الارسال ورا الديره اللي في طرف عرقها خبّه انا صرت ماداني من الناس كيف الحال و اكن الوجع و اقول ضيقه بلا سبّه الا ياوجودي وجد عودٍ بدون عيال يشيل المرض و القل و الهم في عبّه سبايب وليفٍ منظره ما عليه جدال غزالٍ من حلوق البلاجيك متنبّه تعلقت في حبه و حبه غدا سلال و اثر من تعلق فـ ادميٍ يعذب به ورا ايسر ضلوع الصدر حطيت له منزال ما كنت اعتقد بانه ليا شافه يكبّه ! حلالاه لو اني ما حبيت بـ استعجال ولا قلت للظبي العفر بإني احبه والا ياليتني ما زلت متولعٍ مختال ما كان الغرام اثر على الحال و اسهب به « علي الحرام ان الهوى من طرف قتال يبا يبطي اللي لاوعه ما لقى طبّه » يهل الدموع اللي تسمى دموع رجال ما يدري بها الا واحدٍ ربي و ربه عذاب القلوب العاشقه كنه الفتال على ما يقال ادناة ما جاه بيشبه يا ليت المحبه تشبه البارق الشعال لا منه ضرب خشم السحاب الروي صبّه اقوله وانا اللي من جروح الهوى ما مال لكنه هوى من لوعة الحب ف الغبّه - عبدالله السيحاني .

424

@_mx3t

10 days ago

ولهتك يالنديم اللي على صافي وفاك اضرمت بصفحة ذكريات العام واللي من ورى العامي بعد تقرير مشوار التجارب نجحت و اجزمت بأن السيف سيفي و العصا و المحزم حزامي عطتني عزلة إخلاصي معك نسيان من نادمت كتبتك و انطوت صحفي عليك و جفت اقلامي أباهي ، لا أبالي ، و أتبيسط كل ما قدمت اشب النار قدام العرب و اشيد خيامي نهاري حر شمسه يستحي منها لسان الشمت و ليلي ترجم نجومه ملامة كل من لامي على ضو الكلام اللي كشف عنا ستار الصمت و عرفت ان به وجيه باليمن و وجيه بالشامي احسب انك تيمم بإتجاهي وين ما يممت اثر لا انته ورايه بالطريق و لا انت قدامي كثر ماحن صدري للونيس وكثر ما درهمت فجع صدري حنيني و اتعب الاقدام درهامي عيون الصد و عيون التجافي حول مهما اكرمت تشوف المجتهد كسلان و البناي هدامي مصيبه ! لا تردت قيمتك في عين من قيمت يشوفك بالسهل و انته تشوفه بالسماء السامي ما دام ان جانبي شام لجنابك وانت عني شمت كثر خيرك ! و انا لانيب لا جايع ولا ضامي اشوف انه علي واجب اليا مريتكم سلمت مرور كرام تربطها الكرامة عند الاكرامي علشان الخفوق اللي على عرشه قعدت وقمت و حجب عنك الدجا لين اشرقت لك بيض الايامي ختام السالفه يا طيب العشره كرمت و دمت هذا حقك علي و حق هقواتي على أوهامي مصير الوقت يشرح لك ظروفه لو غفلت و نمت يصحيك الزمن اللي يصحي كل من نامي و تعرفني لا منها ضاعت اوهامك بمن وهمت و عرفت الفرق في حب الخشوم و حب الاقدامي - سعد بن جدلان .

224

@_mx3t

10 days ago

انا ما عاد اطرب مع الطير و غناه ودي لو إن الطير ينفذ بـ ريشه تدخل مع الباب الكبير المعاناه و الابتسامه تطلع مع الدريشه لكن لا زلت بخير و الحمدلله حتى لو إن الدار بعدك وحيشه يحزنيّ إن الماضي اللي بنيناه ما هو بـ مثل الواقع اللي نعيشه . - عبدالله السراهيد .

330

@_mx3t

10 days ago

اكتشفت ان الحياه بكبرها قطعة مسافه تغوي المفتون لين العقل يصحى و يتنبه و استعذت من الدروب اللي نهايتها حسافه قبل ترميني ملذات الزمن في جوف غبه ما يخاف المؤمن اللي فيه من ربه مخافه مصدر الخوف الحقيقي من واحد ماخاف ربه و المحبه بعد كره تكون من داعي نظافه البلا ف اللي يحس بـ كره من بعد محبه شيمة الانسان ميزان اعتداله و انحرافه تنذره لا شافت الاوضاع ما هي مستتبه إن عجزت انك ترد النفس عن شي تعافه ما قدرت تحط نفسك ف المكان اللي تحبه . - عبدالله السراهيد .

380

@_mx3t

10 days ago

سافرت عن طيفك من بلاد لـ بلاد ولا وصلت للديرة . . الا لقيته .

258

@_mx3t

10 days ago

انا الغريب اللي تلوح له كفوف الراحلين وهو يخبي دمعة عيونه و يشتال وجعه والمشكله ماهيب في دمعي ولحظات الحنين المشكله فـ اللي يروح و ياخذ الدنيا معه . - ناصر الحمادين .

143

@_mx3t

10 days ago

العاقل اليوم حاله مثل حال الغريب يستغرب الناس من حوله وتستغربه تلقاه في مسرح الايام مثل الأديب اللي قصيد أكثر الشعار مايطربه - حزمي بن سعد .

203

@_mx3t

10 days ago

احسب المشراف ونسه واحسبنه عادي واثر من عدى طويل الرجم يلقى عوقه قدم عيني يطّرد موج المحيط الهادي واتّقت شمس العصير وكنها مخنوقه قامت تذعذع على صدري هبوب بلادي لين هزت غصن قلبي وانثنى معلوقه يارفيق الذكريات وياشريك فوادي كل ظنٍ فيك ظنيته تجي من فوقه يتسلل صوتك من الذاكره وينادي لين يفتق جوفي اللي كنت اخيط فتوقه ايه يالبيه ياموتي .. ويا ميلادي جعل حزنٍ مرني ماتونسه وتذوقه يا وقودي واندفاعي فالحياة وزادي ياحشاشة جوفي وقلبي ودم عروقه لك علي ان يكثرون بسبتك حسادي كل ماقام القصيد يخلدك طاروقه ابتعد واغيب وابطي والحزن متمادي له كرامة عبرتي مقبولةٍ مفهوقه . ناصر الحمادين .

466

@_mx3t

10 days ago

بكيتك من الفرقا وأنا دمع عيني حار سلامٍ على الشرهه والاخر على المنقود يقولون من طينة محنّه وقلبك بار لا والله من طينة عذاب وجفا وصدود يادوب أتحمّل جمرةٍ من جحيم النار تلحّق عليّه بأختها اللي براس العود خذيت الهوى طيش وعبث حب وأستهتار على قولة العربان ( عيب وعليه شهود ) تبريت منّي والوفا فيك طير وطار عساك آخر العنقود منت أوّل العنقود مخليني أعجوبة زمن في طريق المار مضحك بي العاقل مشمت بي المقرود لاني داخل الصوره ولا خارج الايطار عدوّك وأنا غايب حبيبك وأنا موجود ورغم ماتسوّي بي مسامح على ماصار وخيرك كثير وموقفك ماعنه منشود معك مابعد عديت عمري من الاعمار مخليه ريشه بين أصابع هبوب النود تذكر ولك بالذكر ( مالك من الاسفار ) تذكر وخل الذاكره بالزمان تعود تذكر يوم أن حدود وصلك ثلاث أمتار تخطيتها ماكنّ ذيك الحدود حدود وصلتك وقمت بواجبك قبل سابع جار أخفّي عليك سدود وأبدي عليك سدود سدودٍ تبي تبنا والاخرى تبي تنهار من أبّدع تصاوير الله الخالق المعبود أحس أنّي أبحر فالسفينه مع البحار وأنا أقول يالبّا هذيك الوساع السود أغازل حورها وأنصب لرمشها تذكار وأثمن عطاياها وهي ماوراها فود تذكّر وأنا ويّاك في لمّة السمار تقول البرا مردود أقول البرا مردود تحديت فيك الشاعر اللّي من الشعار بعد ماتقول أسمه تذكر علامة ( قود ) توارت نجومه يوم لدّت لي الانظار طلع في عيون الناس مهوب ذاك الزود تذكر يوم أنّك جيتني ياغريب الدار أبشر بشوفك كنّي أبشر بمولود فتحت الك صدري ياحبيبي زرار زرار هذا بيتك وبيت أمّك وبيت أبوك العود وتحتلني وتحطني دولة أستعمار وأنا في السعوديه تحت راية ابن سعود . مدغم ابو شيبة .