متعب بن عبدالله

مُتذوق لشعر وكاتب احياناً .

[مدواخ شعر @Medwkh]

أصد عن بعض الخطأ والتفاهات
اللي تضيع وقت من خاض فيها

ودك ترتب قائمة .. للعلاقات
"وتحط مجموعةٍ ما يشره عليها"

[ديكسون الأحيمر @AliAlahaimer_Q8]

~

الكفو . . راع الحجاج المسفهلي
لا ارتكا للحمل . . شله من محله

والله انه في الشدايد ، محزمٍ لي
ووالله اني في الشدايد محزمٍ له

•

[‏ نِزَار بس مش قباني @__eu7]

شعراء اضافوا اسماهم في ابياتهم.
.
فهيد صالح :
هجرك ترا مافيه ( لـ فهيد صالح )
ياليت وصلك صار من صالح فهيد

ابراهيم عاتق :
عذبت في هجرك ( ابراهيم عاتق )
ياليتك امن الهجر عاتق ابراهيم

حمود متعب :
طولت بغيابك على ( حمود متعب )
متى الوصل بالله يا متعب حمود

وصل العطياني :
انا مابي الا وصل لا قلت وش ودك
وصل الحبايب ماهو ( وصل العطياني )

مبارك وافي :
حبيبي كيف ما مريت في بالك صباح العيد
وانا اسمي تسمعه لا عايدوك بـ ( عيدك مبارك )

فيصل جزا :
هذا جزا فيصل لان ( فيصل جزا )
لا حب احد حبه على سجيّته

سعيد مانع :
انا سعيد بقربها وفبعدها انا سعيد
خذت سعادة خافقي ماغير اسمي خلته

فارس عمر :
مانتي مجرد شعور يحس فيه الجميع
انتي عمر فارس و ياحظ ( فارس عمر )

حزمي سعد :
تمادى الحزن في صدري وصار يمون
على اني من بداياتي معه رسمي

( ياحزني ) يوم صرت تمون ويش تكون
عشان حروفك تشابه حروف اسمي؟

عناد الحربي :
ياحظ لاتاخذ من اسمي صفاته
ادخل على الله مابي الدعوة ( عناد )

[محسن بن مترك @aprvip]

فـ امان الله يالذود الغوالي والوعد بعدين
انا محتاج لي جو براد وديرة حيه

وعدنا مع طلوع سهيل كان آنا من الحيين
ليا بان التناقص فـ الدراجات الحراريه )؛

وصلوها
لـ مبارك بن رادعه وعلي ال شقير 🧐

[عايض العاطفي @atfy_a]

سجيت رجلي من الجمعه ليا الجمعه
فالديره اللي عساها الوسم لابكر

غايب عن الحاسد اللي ينثر الدمعه
ويحارب الناجح اللي فيه مافكر

اثر ارتفاع الكفو فـ الطيب والسمعه
للاش جاب ارتفاع الضغط والسكر

[معكاز شعر @M3kkaz]

رجلٍ لا منه حضر تدري به الديرة
ما باقي الا ترحب به شوارعها .

[كساب @5b2z1]

دخيّل الحميداني /
يسسلام عليك اببداع لله درك ي دخيل :

كل ما ضاقت علي شبه الجزيره
ودي أخذ صوت ابو نوره وأجره

يوم غنى "شرهة العاشق كبيره"
خذت لي بين السماء والارض فرّه

والطريق اللي ورى مفرق عْشيره
ودك تمره ولا ودك تمره

ما أشين من الحب فالايام الاخيره
لا أحدٍ يشره عليك ولا تشره

يابري حالي ترى الدنيا صغيره
والمحبه والعمر والموت "مره"

حتى لو ان المفارق فيه خيره
انا راضي بالوصل خيره وشره

اذبح المري ولا تسرق بعيره
العرب ما يسرقون من ال مره!

حتى لو انك من القوم المغيره
وش تسوي كان لك فالارض جره

تدري ان الارض كوره مستديره
والسماء ما ضاق بنجوم المجره

وكانك تشوف البحر الابحر بحيره
انا اناظر فالجبل واقول حرّه

ومن يسل السيف الابيض من جفيره
كلكم قولو معي : لـ الله دره

البخيل يموت ويدينه قصيره
والكريم يموت ويدينه تْشره

والمجامل ماهو موديك ديره
لا تجاملني ولا اجاملك مرّه

[شعييل @0ickk]

«عذبت في هجرك ابراهيم عاتق
ياليتك من الهجر عاتق ابراهيم»

- ابراهيم عاتق

[مَيّ @ssx03_y]

اسافر واقيم بدار واصبح واغير دار
واواصل طريقي والعرب في مواطنها

وش الي حدا الناس المجنن تمر شهار
بلاها من الي خارج شهار جننها

— مشيع بن فهد

[𝓁𝘯 @iconiln]

كم مرة هزتني الذكرى . . على الخط السريع
واساير الساري ولو مالي سنع واسري معه !

الازعلتي ضاقت الدنيا على الصدر الوسيع
والارضيتي صار في صدري وفالدنيا سعه ):

[505 @meq_505]

لا تمهد للرحيل وتنتهي بالصده
وانت في دنياي مثل الصايره في بيشه ..

[﮼قرم ♘ @8rm_94]

لا حرك هوى الغربي خطول الطوال الدلم
و توارى الظلال .. وبنّت خيامها الذكرى

عرض لي من اللي فات ماضي ومقطع فلم
وتهادى الحنين وتاقت الروح .. للمسرى

اسافر من الواقع على رحلة اقرب حلم
لو احلام عمري في سجون الغرام اسرى

اتلا علمي بـ علم الغلا اللي عليه العلم
عاد الوصل ، دوله دارج ، وليلته قمرا

غدا جوف صدري مثل طارف ركيبٍ ثلم
وعلى الكبد .. نارٍ ماعلی جالها مذری

يجيني شعور اللي تتالا عليه الظلم
وهو شايبٍ لا هوب يكتب ولا يقرا

لامنّه ذكر عصر المبادي وعصر السلم
غدا ، تحت ، نون عيونه لـ دمعته مجرى

[Osَ @all2ru]

قبل أسافر وتنسى جيت أسلم عليك
جيت أبي عمري اللي أكتشفته غدا

ضاعت أجمل سنيني من عمايل يديك
أكذب إن قلت راحت لجل عينك فدا

ماتناظر عيوني زول هذي وذيك
ولايهز المسامع إسم ريم وهدى

خل عينك تهل دموعها وش عليك
أنت خدك ورود ودمع عينك ندى

-متعب التركي

[Augustthoughts @u7inii]

عسى اللي هواه يهون البعد والمشوار
يعود على خبري به ويحن ويواصل

أسافر عشانه وأقطع ديار عقب ديار
وأنا داري إن مواجهه ماهو بحاصل

[متعب بن عبدالله @_t3ob]

ٰ - محمد الغبر :
حتى غديت احتمي دون جداننك
- لادار ذكر القبايل في الدواويني *.

[A - Buhaimed @wiitwkii1]

صرت أدّور عن ضجيج البشر فرصة لجوء
و أستريح بـ عالم الشعر و أطلب سلوتي

ما عشقت الصمت و الشعر و أجواء الهدوء
لين خابت بـ أكثر أحباب قلبي .. هقوتي

[Toma @toma__101]

الصداقة الحقيقية لا تُقاس بكثرتها…
بل بقيمة من يبقى، وصدق من يحتوي، وأثر من يطمئن قلبك كلما ضاقت الحياة .

[َ @veteranskyz]

اين المفر ؟ اين الهرب ؟ اين النجاه ؟
معكْ الضمير يسوق عمره لـ اللحد

انت الدعاء اللي تخشه في الصلاه
وتستودعه يومياً .. الواحد الاحد

غيرت في عيني مفاهيم الحياه
حتى التناقض لاجل يرضيك اتحد

اسمي هو اسمي لا دعاه اللي دعاه
واسمي بصوتك : ما سمعته من احد

[𝓁𝘯 @iconiln]

من تجربة وأحداث عمر وحكايات
لقيت : في آخـر " فصول الرواية "

فـ الحب حاول ما تثق فـ البدايات
الصدق دايم .. يتّضح فـ النهايه ):

أستمع // من مجـِرب !

[متعب بن عبدالله @_t3ob]

@yullrln_ الله الله ،، انشهد